Daniel 3:6 - Maung A Balita Biblia

⁶ Siopamay toon ag ondakmomon mangigalang et ibontuk a tampol ed manliub ya apoy na palbaan.”

Maung a Balita Biblia

⁶ Siopamay toon ag ondakmomon mangigalang et ibontuk a tampol ed manliub ya apoy na palbaan.

Daniel 3:6 Iomraidhean Croise

Genesis 19:28

Inosdungan to ray siudad na Sodoma tan Gomorra tan samay intiron patar, et anengneng ton manlalapud man so asewek, a singa asewek a manlalapud baleg ya ornowan.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Isaias 44:17

Say arum a parti na kiew gawaen ton sakey a talintaoy dios, insan to dakmomoan tan igalang. Pampikasian to tan kuanto, “Sika so dios ko—ilaban mo ak pa!”

Jeremias 29:22

No saray totoon niakar a priso ed Babilonia manlapud Jerusalem et labay dan isamba so sakey a too, ikuanda, ‘Gawaen na Katawan komun ed sika so singa ginawa tod kindi Sedekias tan Acab, a say ari na Babilonia et inkakalut to ran mabilay.’

Daniel 2:5

Inkuan na ari ed sikara, “Tinibokel ko lad kanunotan ko a nepeg ya ibaga yod siak so kogip, insan yo ibagay kabaliksan to. No ag yo nibaga, tartaren ta kayo tan deral-deralen koy kaabungan yo.

Daniel 3:11

et ibantak ed manliub a palbaan so siopaman ya ag ondakmomon mangigalang.

Daniel 3:15

Natan sirin, karengel yod tanul na saray trumpita, kornita, arpa, lira, plauta, tan amin da ray arum a kagawaan na musika, dakmomo kayon mangigalang ed samay talintao. No ag yo labay nibantak kayon tampol ed manliub a palbaan. Dinan a dios so mangyagel ed sikayo?”

Daniel 3:21

Kanyan binalur da ra ya akasolung na kawes, kolibemben, sombriro, tan amin da ray arum a kagawaan na laman da, insan da ra imbontuk ed samay manliub ya apoy na palbaan.

Daniel 3:7

Katanul sirin na saray kagawaan na musika, saray totoo ed amin a bansa, anggan antoy kolor na baog da tan salita ra, et dinmakmomo ran angigalang ed samay balituk a talintaon impaalagey nen Ari Nabucodonosor.

Daniel 5:19

Mapalaloy inkatalonggaring to, kanyan manggiwgiw tan antakot ed sikato iray totoo ed amin a bansa ya anggan antoy kolor na baog da tan salita ra. Pinatey to so siopaman a toon nilabay ton pateyen; impansiansia ton mabilay iray nilabay ton bilayen. Pinagalangan tan impelag tod kababaingan so siopaman a toon nilabay to.

Daniel 6:7

Sikami ran mangikukurang na oley ed impiriom—saray makaoley, saray gobirnador, saray sumisimbawa, tan saray arum nin opisyal—et nampapaknaan mi a say Kagalang ya Ari et mangipaakseb komun na ganggan tan nepeg a mapeget so pamasumpal ed satan a ganggan. Iganggan mo a diad loob na talomploy agew anggapoy siopaman a naabuloyan a mikerew na antokaman a bengatla ed dinanman a dios odino siopaman a too likud labat ed Kagalang ya Ari. Siopamay onsumlang ed sayan ganggan et nepeg ya ibuntok ed maawang ya abut a kawalaan da ray amayamay a lion.

Mateo 13:42

Insan da ra ibantak ed manliub ya apoy a diman ira manakis tan manngayet.

Mateo 13:50

Ibantak da ray maoges ed manliub ya apoy tan diman ira manakis tan manngayet.”

Mateo 4:9

“Iter kod sika ra yan amin,” kuay Diablo, “no ondakmomo ka tan mangigalang kad siak.”

Marcos 6:27

Kanyan angiganggan na sakey a guardian mangalay olo nen Juan. Linmad prisowan imay guardia tan pinutolan toy olo si Juan.

Puyan 14:11

Say asewek na apoy a mamairap ed sikara mampapaatagey lan mampapaatagey ya anggapoy angga. Agew-labin anggapoy painawa da ray mangigalang ed samay ayep tan say talintao to, tan saray amarkaan na ngaran to.”

Puyan 9:2

Nilokasan na bitewen imay abut, tan pinmaway so asewek a singa manlalapud baleg ya ornowan. Kanyan binmilonget so liwaway agew tan say dagem lapud samay asewek.