Daniel 3:4 - Maung A Balita Biblia

⁴ inkulyaot na sakey a managbando, “Sikayo ran totoo ed amin a bansa, anggan antoy kolor na baog yo tan salita yo, dengel yo yan ganggan!

Maung a Balita Biblia

⁴ inkulyaot na sakey a managbando, Sikayo ran totoo ed amin a bansa, anggan antoy kolor na baog yo tan salita yo, dengel yo yan ganggan!

Daniel 3:4 Iomraidhean Croise

Ester 8:9

Agawa ya nen kumaduamplo tan talon agew na kumatlon bulan, say bulan na Sivan. Tinawag nen Mardokeo iray sikritario na ari tan angidikta na saray sulat a para saray Judio, tan saray gobirnador, saray makaoley, tan saray opisyal na amin iray sanlasus tan duamplo tan piton luyag, manlapud India ya anggad Sudan. Nipawit ira yan sulat ed balang luyag onung ed dilin salita tan panagsulat diman; Nipawit met ira ed saray Judio onung ed dilin salita tan panagsulat da.

Isaias 40:9

Jerusalem, tatdang kad atagey a palandey, ta ipulong moy maung a balita! Kolyaot ka, Sion, ibawag moy maung a balita! Ag ka ontatakot, mansalita ka. Ibagam ed saray baley na Juda ya onsasabi lay Dios da!

Isaias 58:1

Say Katawan kuanto, “Eyag kayod anggaay nayarian yo! Ibaga yod saray totook ya Israelita iray kasalanan da!

Daniel 3:10

Kagalang ya Ari, angipaakseb ka na ganggan a katogtog na musika, nepeg na balang sakey a too so ondakmomon mangigalang ed samay balituk a talintao,

Daniel 3:3

Nen akapantitipon la ra yan opisyal tan akaalagey iran amin ed arap to may talintaon isaklang,

Daniel 3:7

Katanul sirin na saray kagawaan na musika, saray totoo ed amin a bansa, anggan antoy kolor na baog da tan salita ra, et dinmakmomo ran angigalang ed samay balituk a talintaon impaalagey nen Ari Nabucodonosor.

Daniel 4:1

Si Ari Nabucodonosor impaikuanto ed amin da ray totoo ed amin a bansa, anggan antoy kolor na baog da tan salita ra, diad intiron mundo: “Pinablik iran totook!

Daniel 4:14

Imbawag tod makmaksil a bosis, ‘Batang yoy kiew tan salingsing yo ray sanga to; ekal yo ray bolung to tan itayak yo ray bunga to. Abul yo ray ayayep a walad silong to tan saray kamanukan a walad sangasanga to.

Daniel 6:25

Insan sinulat nen Ari Dario iray totoo ed amin a bansa, anggan antoy kolor na baog da tan salita ra: “Maabig komun so kipapasen yon amin a sabien to yan ganggan ko.

Oseas 5:11

Napapairap so Israel; abalang to so dalin a kayaryan ton peteg. Onyay agawad sikato, ta impasoot toy kinmerew na tulong ed saray anggapoy niiter dan tulong.

Mikias 6:16

Onyay nagawa, lapud inalig yo ray maoges a ginagawa nen Ari Omri tan si anak ton laki a si Ari Acab. Intuloy yon inoonur iray ganggan da, kanyan iyakar kod sikayoy deral, tan balawen kayo na balang too. Leglemewen kayo na amin a katoowan ed inerman a pasen.”

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.