Daniel 3:29 - Maung A Balita Biblia

²⁹ “Et natan, igaganggan ko a tegtegtegen so laman na siopaman a taga dinanman a bansa, anggan antoy kolor na baog to tan salita to, a mansalitay sumpad Dios di Sadrac, Mesac, tan Abednego. Gawaen a bontun na deral-deral so abung to. Anggapoy arum a dios a makapangyagel na onya.”

Maung a Balita Biblia

²⁹ Et natan, igaganggan ko a tegtegtegen so laman na siopaman a taga dinanman a bansa, anggan antoy kolor na baog to tan salita to, a mansalitay sumpad Dios di Sadrac, Mesac, tan Abednego. Gawaen a bontun na deral-deral so abung to. Anggapoy arum a dios a makapangyagel na onya.

Daniel 3:29 Iomraidhean Croise

2 Saray Arari 10:27

Dineral da sirin so masanton lusek tan say timplo, insan da ginawan kasilyas—a wadman ni ya anggad natan.

Esdras 6:11

Igaganggan ko met ni a siopaman ya onsumpad sayan ganggan ko ekalen ed abung to so sakey a panuksolan, otukan ed sakey a ngoro, insan idoyuk ed kabalgan to. Insan pagmaliwen a bunton na deralderal so abung to.

Saray Salmo 3:8

Say kilalaban manlalapud Katawan— bindisionan to komun iray totoo to.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Daniel 1:19

Akitongtong ed sikaran amin imay ari, et nalmoan ton matalona nen saray arum ira di Daniel, Ananias, Misael, tan Azarias. Kanyan nagmaliw ira a kabyangan na saray opisyal ed palasio.

Daniel 1:7

Samay manonan opisyal et initdan to ra na balon ngaran: si Daniel atawag na Beltsasar, si Ananias atawag na Sadrac, si Misael atawag na Mesac, tan si Azarias atawag na Abednego.

Daniel 2:17

Sinmempet sirin si Daniel tan imbaga tod saramay kakaaro to a di Ananias, Misael, tan Azarias so agawa.

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Daniel 2:49

Lapud kinerew nen Daniel, say ari impasen ton makaoley ed kimey diad luyag na Babilonia ira di Sadrac, Mesac, tan Abednego; si Daniel balet nansiansia ed korti na ari.

Daniel 2:5

Inkuan na ari ed sikara, “Tinibokel ko lad kanunotan ko a nepeg ya ibaga yod siak so kogip, insan yo ibagay kabaliksan to. No ag yo nibaga, tartaren ta kayo tan deral-deralen koy kaabungan yo.

Daniel 3:12

Wala ray pigaran Judio ya impasen mo ran makaoley ed luyag na Babilonia, a di Sadrac, Mesac, tan Abednego a susumlangen da ray ganggan mo, Kagalang ya Ari. Ag da igagalang so dios mo odino ondadakmomo ed samay talintaon impaalagey mo.”

Daniel 3:15

Natan sirin, karengel yod tanul na saray trumpita, kornita, arpa, lira, plauta, tan amin da ray arum a kagawaan na musika, dakmomo kayon mangigalang ed samay talintao. No ag yo labay nibantak kayon tampol ed manliub a palbaan. Dinan a dios so mangyagel ed sikayo?”

Daniel 3:17

No say Dios a panlilingkuran mi et nayarian to kamin iyagel ed manliub a palbaan tan diad pakayarim, iyagel to kami.

Daniel 3:28

Samay ari kuanto, “Nagalang so Dios di Sadrac, Mesac, tan Abednego! Imbaki toy anghil to ya angyagel ed sarayan lalakin manlilingkur tan manmamatalek ed sikato. Sinumlang da ray ganggan ko tan imposta ray bilay da diad ag da indakmomo tan impangigalang ed dinanman a dios likud ed Dios da.

Daniel 6:28

Inmaligwas si Daniel legan na impanoley nen Dario tan legan na impanoley nen Ciro a taga Persia.

Deuteronomio 32:31

Amta na saray kalaban da a makapoy iray dilin diriyos da, ag da naaligan so makapanyarin Dios na Israel.