Daniel 3:27 - Maung A Balita Biblia

²⁷ Nantitipon iray prinsipi, saray gobirnador, saray bokal, tan saray arum ya opisyal na ari, ta nengnengen da ra may taloran lalaki ya ag apasakitan na apoy. Ag apoolan so buek da, ag apoolan so kawes da, tan ag iran balut anggan naasyotan.

Maung a Balita Biblia

²⁷ Nantitipon iray prinsipi, saray gobirnador, saray bokal, tan saray arum ya opisyal na ari, ta nengnengen da ra may taloran lalaki ya ag apasakitan na apoy. Ag apoolan so buek da, ag apoolan so kawes da, tan ag iran balut anggan naasyotan.

Daniel 3:27 Iomraidhean Croise

1 Saray Arari 13:28

insan nankabayon linma. Nalmo to may bangkay na propitan abaktar ed dalan, tan manalalagey nid abay to ira may asno tan lion. Ag kinan na lion imay bangkay odino diniwit to may asno.

2 Saray Arari 19:19

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo, O Katawan, so Dios.”

Saray Salmo 83:18

Naamtaan da komun a sika labat so Katawan say Sankatageyan a manoley ed sankamundoan.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Daniel 3:21

Kanyan binalur da ra ya akasolung na kawes, kolibemben, sombriro, tan amin da ray arum a kagawaan na laman da, insan da ra imbontuk ed samay manliub ya apoy na palbaan.

Daniel 6:23

Ontan lay impakaliket na ari tan ingganggan to ya aonen ed abut si Daniel. Kanyan inaon da tan anengneng da ya ag balut asakitan, ta nanmatalek ed Dios.

Daniel 6:7

Sikami ran mangikukurang na oley ed impiriom—saray makaoley, saray gobirnador, saray sumisimbawa, tan saray arum nin opisyal—et nampapaknaan mi a say Kagalang ya Ari et mangipaakseb komun na ganggan tan nepeg a mapeget so pamasumpal ed satan a ganggan. Iganggan mo a diad loob na talomploy agew anggapoy siopaman a naabuloyan a mikerew na antokaman a bengatla ed dinanman a dios odino siopaman a too likud labat ed Kagalang ya Ari. Siopamay onsumlang ed sayan ganggan et nepeg ya ibuntok ed maawang ya abut a kawalaan da ray amayamay a lion.

Mateo 10:30

Anggan say buek na olo yo et abilang ira.

Saray Gawgawa 26:26

Niay Ari Agripa! Makmakpel ak a nansalitad sikato, ta amta to ra ya. Ag ak manduaruwan nanaimano to ra yan amin, ta ag ira agawad maamut.

Saray Gawgawa 27:34

Kanyan kerewen kod sikayo a mangan ki la! Nakaukolan yoy mangan pian nilaban kayo. Anggapoy narisgod sikayo. Ag nabalang so anggan sakey a buek na siopaman ed sikayo!”

Saray Hebreo 11:34

ineerep day manliub ya apoy, tan nililiktaran day ipapatey ed ispada. Kinmakapoy ira, balet nagmamaliw iran mabiskeg; makapanyari rad bakal tan tinatalo da ray sondalo na saray arum a bansa.