Daniel 3:10 - Maung A Balita Biblia

¹⁰ Kagalang ya Ari, angipaakseb ka na ganggan a katogtog na musika, nepeg na balang sakey a too so ondakmomon mangigalang ed samay balituk a talintao,

Maung a Balita Biblia

¹⁰ Kagalang ya Ari, angipaakseb ka na ganggan a katogtog na musika, nepeg na balang sakey a too so ondakmomon mangigalang ed samay balituk a talintao,

Daniel 3:10 Iomraidhean Croise

1 Saray Awaran 15:16

Ingganggan nen David iray pangulo na saray Levita a manoro ra na saray nandoroman Levita a mankanta tan mantogtog na maliket iran togtog ed saray arpa tan piangpiang.

1 Saray Awaran 15:28

Kanyan amin da ray Israelita inolup da ya anggad Jerusalem imay Kaban na Sipanan a kataruk day eyag na liket, tanul na saray trumpita, tambuyog, piangpiang, tan togtog na saray arpa.

2 Saray Awaran 29:25

Tinombuk na ari iray bilin ya inter na Katawan ed kinen Ari David diad panamegley nen Gad a propita na ari tan diad panamegley nen propita Natan; angipasen na saray Levita ed Timplo a wala ray arpa tan piangpiang da,

Saray Salmo 94:20

Ag mo pibabalian iray maoges a huis, ya ipapasen dan onung ed ganggan so bengatlan aliwan matonung,

Exodo 1:16

Inkuantod sikara, “No mamaanak kayod saray bibiin Hebrea, patey yo so ogaw no laki, balet ag yo papateyen no bii.”

Exodo 1:22

Diad satan, say ari angipaakseb na sakey a ganggan ed saray amin a totoo to: “Ipaanur yod Ilog na Nilo so balang Hebreon laki a kapangyanak, balet ag yo papateyen iray kapangyanak a bibii.”

Ecclesiastes 3:16

Aliwan saya labat; naimanok met a diad sayan mundo naalmo so kaogsan, anta kaptekan tan katonungan komun so naalmo.

Isaias 10:1

Pakaskasi kayo la! Manggagawa kayo na saray pikewet a ganggan a mamapairap ed saray totook.

Daniel 3:11

et ibantak ed manliub a palbaan so siopaman ya ag ondakmomon mangigalang.

Daniel 3:15

Natan sirin, karengel yod tanul na saray trumpita, kornita, arpa, lira, plauta, tan amin da ray arum a kagawaan na musika, dakmomo kayon mangigalang ed samay talintao. No ag yo labay nibantak kayon tampol ed manliub a palbaan. Dinan a dios so mangyagel ed sikayo?”

Daniel 6:12

linma ran amin ed ari ta idalem day Daniel. Inkuanda, “Kagalang ya ari, ag mo ta pinirmaan so sakey a ganggan a diad loob na talomploy agew siopamay toon onkerew na antokaman a bengatla ed dinanman a dios odino diad siopaman a too likud ed sika et nepeg ya ibuntok ed baleg ya abut a kawalaan da ray lion?” Inmebat so ari, “Tua tay kuanyo; sakey man a ganggan na saray taga Media tan Persia, tan ag balut naoman.”

Amos 6:5

Labalabay yoy manggawa na saray kanta a singa ginawa nen David, tan totogtogen yo ra ed saray arpa.

Juan 11:57

Ingganggan na saray manonan papari tan saray Pariseo a no walay makapikabat no iner so kawalaan nen Jesus, ibaga tod sikara pian naerel da.