Daniel 3:1 - Maung A Balita Biblia

¹ Nampagawa si Ari Nabucodonosor na balituk a talintao, a duamplo tan walon mitro so kaatagey to tan ngalngali taloran mitro so kalapar to, insan to impaalagey ed patar na Dura diad luyag na Babilonia.

Maung a Balita Biblia

¹ Nampagawa si Ari Nabucodonosor na balituk a talintao, a duamplo tan walon mitro so kaatagey to tan ngalngali taloran mitro so kalapar to, insan to impaalagey ed patar na Dura diad luyag na Babilonia.

Daniel 3:1 Iomraidhean Croise

1 Saray Arari 12:28

Kayari to yan dinalepdep, nanggawa na duaran balituk a kilaw na bakan kalakyan, insan inkuantod saray totoo, “Abaybayag lay iyaakar yo lan iyaakar a mangigalang ed Jerusalem. Tondaan yo la. Totood Israel, nia ray diriyos yo ya angipaway ed sikayo ed Egipto!”

Ester 1:1

Nen ari si Asuero sakop toy sanlasus tan duamplo tan piton luyag manlapud India ya anggad Sudan.

Saray Salmo 135:15

Pilak tan balituk iray diriyos na saray bansa; saray limay too so nanggagawad sikara.

Exodo 20:23

Ag yo igagawaay sikayon dili na saray diriyos a pilak odino balituk, insan kaibak iran galangen yo.

Exodo 32:31

Si Moises pinmawil sirin ed Katawan tan kuanto, “Ambelat a tuloy so kasalanan a ginawa na saraman a totoo. Nanggawa ray dios a balituk tan inggalang da.

Isaias 2:20

No onsabiy tan ya agew ibantak na saray totoo iray pilak tan balituk a talintaoy diriyos a ginagawa ra, tan itilak da rad kawalaan da ray otut tan saray kolalaknit.

Isaias 30:22

Alaen yo ray talintao yo a naokupan na pilak tan saray naokupan na balituk, insan yo ra ibantak a singa dotak, tan iyeyag yo, “Ag mi kayo la labay a nanengneng!”

Isaias 46:6

Lolokasan na saray totoo iray supot da insan da ikakalbo ray balituk da; isisimbang da ray pilak ed simbangan. Manguupa ray platiron manggawa na dios; insan da dadakmomoan tan gagalangen so sakey a dios.

Jeremias 10:9

Apalkapan na pilak a nanlapud Espanya iray talintaoy diriyos da; apalkapan met na balituk a nanlapud Ufaz, tan ginagawa ra na saray marunong a platiro; akawesan ira na asul tan ambalbalangan abel, ginawa ra na saray marunong a managabel.

Jeremias 16:20

Makagawa kasi na saray dili ton diriyos so sakey a too? Andi! Say nagawa to aliwa ran peteg a diriyos.”

Daniel 2:48

Insan initdan na ari si Daniel na atagey a kipapasen, initdan to na amayamay a mabmabli ran rigalo, impasen ton makaoley ed luyag na Babilonia, tan impagmaliw ton pangulo da ray amin a sumisimbawa na ari.

Daniel 2:49

Lapud kinerew nen Daniel, say ari impasen ton makaoley ed kimey diad luyag na Babilonia ira di Sadrac, Mesac, tan Abednego; si Daniel balet nansiansia ed korti na ari.

Daniel 3:14

Inkuantod sikara, “Sadrac, Mesac, tan Abednego, tua ya ag yo labay so mangigalang ed dios ko tan ag yo labay so ondakmomon mangigalang ed samay talintaon impaalagey ko?

Daniel 3:30

Insan inyatagey na ari so kipapasen si Sadrac, Mesac, tan Abednego diad luyag na Babilonia.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Daniel 5:4

tan indadayew da ray diriyos a balituk, pilak, gansa, balatyang, kiew, tan bato.

Oseas 2:8

Ag ton balut birbiren a siak so angiter ed sikato na trigo, alak, larak na oliba, tan amin a balituk tan pilak ya inkakana tod impangigagalang tod Baal.

Oseas 8:4

“Amili ra na saray arari iray totook, balet ag da ak impibali ed impamili ra. Nantuturo ra na saray pangulo, balet anggapoy abubon ko. Ginagawa ran talintao iray pilak tan saray balituk da—balet kaderalan da ya lamlamang.

Habacuc 2:19

Pakaskasi kayo la! Ikuan yod sakey a poter na kiew, “Bangon ka!” odino diad sakey a tabas na bato, “Alagey ka!” Wala tay nipuyan ed sikayo na sakey a talintao? Nayarin naokupan na pilak tan balituk yan talintao, balet anggapoy bilay to.

Saray Gawgawa 17:29

Lapud anak itayo met na Dios, ag tayo komun ipasen a say Dios et singa talintaon balituk, pilak, o baton ginaway lima tan kakabatan na too.

Saray Gawgawa 19:26

Nanenengneng tan narerengel yo met so gagawaen to man a Pablo. Ibabaga ton saray diriyos a gagawaey totoo et aliwa ran tuan diriyos. Amayamay la ray apanisia to, diad Efeso tan diad ngalngali intiron Asia.

Deuteronomio 7:25

Poolan yo ray talintaoy diriyos da. Ag yo pampipilalekan a nakayaryan yo ray balituk odino pilak ya akasolung ed sikara. Ag yo ra aalaen a para sikayo. No alaen yo ran para sikayo, magmaliw iran patit ed sikayo, lapud kabosul na Katawan so pangigalang ed talintaoy dios.

Puyan 9:20

Saray totoon atilak ed dinmalan iran salot et ag da binenegan iray ginagawa ran dili. Ag da tinondaay mangigalang ed saray dimonyo tan saray talintaoy diriyos a ginagaway lima ra—saray talintaon balituk, pilak, tanso, bato, tan kiew ya ag makanengneng, makadngel, o makaakar.