Daniel 2:47 - Maung A Balita Biblia

⁴⁷ Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Maung a Balita Biblia

⁴⁷ Inkuan na ari, Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.

Daniel 2:47 Iomraidhean Croise

Genesis 41:39

Inkuan na ari ed kinen Jose, “Impanengneng na Dios ed sika yan amin, kanyan anggapoy ontalonad sika ed kakabatan tan kaisipan.

2 Saray Arari 5:15

Kaiba ton amin iray totoo to nen pinmawil ed kinen Eliseo tan kuanto, “Amtak la natan ya anggapo lay arum a dios no ag say Dios na Israel, kanyan awat mo pa labat yay awit kon rigalod sika.”

Say Libro nen Job 12:19

papaabebaen to ray papari tan saray makapanyari.

Saray Salmo 136:2

Misalamat kayod sankatalonggaringan ed saray diriyos; andi-anggaan so panangaro to.

Saray Salmo 136:3

Misalamat kayod sankamapanyarian ed saray kakatawan; andi-anggaan so panangaro to.

Saray Salmo 72:11

Ondakmomod sikato komun ya amin iray arari; manlingkur ed sikato ray amin a bansa.

Saray Salmo 82:1

Say Dios so pangulod mangatatawen a korti; sikatoy mangiiter na sintinsia no mantitipon iray diriyos:

Saray Salmo 96:4

Matalonggaring so Katawan tan nepeg ya idaydayew; nepeg a lalon igalang nen saray amin a diriyos.

Ezekiel 26:7

Say Katawan a Dios kuanto, “Iyakar kon ondogpad Tiro so sankatalonggaringan ed amin ya ari—si Ari Nabucodonosor na Babilonia. Sikatoy manlapud baybay a kaiba to ray amayamay a sondalon wala ray kabayo ra tan saray karwahin para bakal; kaiba to met iray managkabayod para bakal.

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Daniel 2:19

Diad saman lamlamang a labi nipaamtad kinen Daniel so mistirio diad panamegley na pasingayew. Lapud saman indayew to so Dios na tawen:

Daniel 2:22

Ipapaamta to ray bengatlan aralem tan maamut; amta toy antokaman a niamut ed kabilongetan, ta manaayam ed sikaton dili so liwawa.

Daniel 2:28

Balet walay Dios ed tawen a sikatoy mangipapaamtad saray mistirio. Impaamta tod sika, Kagalang ya Ari, no antoy nagawa ed arapen. Natan ibagak ed sika so kogip mo, say nipasingayew ed sika nen naogip ka.

Daniel 2:29

“Legan mon nanaogip, Kagalang ya Ari, akogip mo so nipaakar ed arapen; et say Dios, a mangipapaamtad saray mistirio, impanengneng tod sika no antoy nagawa ed arapen.

Daniel 2:30

Natan, nipaamtad siak yan mistirio, aliwan lapud makabat ak nen saray arum, no ag ingen pian nakabatan mo, Kagalang ya Ari, so kabaliksan na kogip mo tan natalusan mo ray kanunotan a sinmabid sika.

Daniel 2:37

Kagalang ya Ari, sika so sankatalonggaringan ed amin da ray arari. Say Dios na tawen impagmaliw to kan ari tan initdan to ka na pakayari, biskeg, tan kagalangan.

Daniel 3:15

Natan sirin, karengel yod tanul na saray trumpita, kornita, arpa, lira, plauta, tan amin da ray arum a kagawaan na musika, dakmomo kayon mangigalang ed samay talintao. No ag yo labay nibantak kayon tampol ed manliub a palbaan. Dinan a dios so mangyagel ed sikayo?”

Daniel 3:28

Samay ari kuanto, “Nagalang so Dios di Sadrac, Mesac, tan Abednego! Imbaki toy anghil to ya angyagel ed sarayan lalakin manlilingkur tan manmamatalek ed sikato. Sinumlang da ray ganggan ko tan imposta ray bilay da diad ag da indakmomo tan impangigalang ed dinanman a dios likud ed Dios da.

Daniel 3:29

“Et natan, igaganggan ko a tegtegtegen so laman na siopaman a taga dinanman a bansa, anggan antoy kolor na baog to tan salita to, a mansalitay sumpad Dios di Sadrac, Mesac, tan Abednego. Gawaen a bontun na deral-deral so abung to. Anggapoy arum a dios a makapangyagel na onya.”

Daniel 4:17

Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdan—anggan diad sankamugmoan lan too.’

Daniel 4:25

Napaarawi kad kawalaan da ray totoo tan manayam kad kawalaan da ray ayayep ed katakelan. Pitoy taon a mangan kay dika a singa baka, tan manogip ka ed pasen ya anggapoy tarung, a diman ka nalinaewan. Insan birbiren mo a walad silong na pakaoley na Sankatageyan a Dios iray nanarian na too tan nayarian to ran iter ed siopaman a labay ton pangitdan.

Daniel 4:32

Napaarawi kad kawalaan da ray totoo, manayam kan kaibam iray ayayep ed katakelan, tan pitoy taon kan mangay dika a singa baka. Insan birbiren mod satan ya amin a nanarian na too et walad silong na pakaoley na Sankatageyan a Dios tan nayarian to ran iter ed siopaman a labay ton pangitdan.”

Daniel 5:11

Walay sakey a laki diad nanarian mo a walad sikatoy ispiritu na saray masanton diriyos. Nen si amam so ari, impanengneng na saman a too so kaabigan na kanunotan to, pakatalus to, tan say kakabatan to a singa kakabatan da ray diriyos. Si Ari Nabucodonosor ya amam et impagmaliw ton pangulo da ray managparles, saray salamangkiro, saray managanito, tan saray astrologo.

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

1 CORINTO 14:25

tan naamtaan to ray iyaamut na puso to. Kanyan ondakmomo, igalang toy Dios, tan ikuanto, “Tuan wadyay Dios ed pegley yo!”

Deuteronomio 10:17

Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

1 Timoteo 6:15

Ompanengneng no asabi lay oras ya ingganay Dios, a sikato labat so masanton Manoley, Ari da ray arari, tan Katawan da ray kakatawan.

Josue 22:22

“Say Makapanyari et say Dios! Sikato so Katawan! Say Makapanyari et say Dios! Sikato so Katawan! Amta to no akin et ginawa mi yan altar, tan labay mi met a naamtaan yo no akin! No sinumpa mi so Katawan tan inekal miy pananisia mid sikato, patey yo kami la natan.

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”