Daniel 2:4 - Maung A Balita Biblia

⁴ Inmebat irad ari diad salitan Aramaica, “Mansiansia komun a mambilay so Kagalang ya Ari! Ibagam ed sikami so kogip mo, et ipaliwawa mid sika.”

Maung a Balita Biblia

⁴ Inmebat irad ari diad salitan Aramaica, Mansiansia komun a mambilay so Kagalang ya Ari! Ibagam ed sikami so kogip mo, et ipaliwawa mid sika.

Daniel 2:4 Iomraidhean Croise

Genesis 31:47

Inngaran nen Laban iman a pasen na Jegar-sahaduta; si Jacob balet inggaran to na Galeed.

Genesis 41:8

Kaimbuas agunigon, kanyan impaawit to ray amin a salamangkiro tan saray makabat a lalaki ed Egipto. Imbaga tod sikara iray kinogip to, balet anggapoy makapangipatalus ed sikara.

1 Saray Arari 1:25

Diad sayan agew, linman angibagat si Adonias na amayamay a baka, karniro, tan pinataban kilaw na baka, tan binagaan to ray lalakin anak mo, si Joab a pangulo na saray sondalom tan si Abiatar a pari. Diad sayan bekta, kaiba ran manaakan tan maniinom tan iyeeyag na saray kakaiba to, ‘Andokey komun so bilay nen Ari Adonias!’

1 Saray Arari 1:31

Dinmakmomo si Bat-seba a pamagalang to tan kuanto, “Mambilay komun ed ando lan ando so Kagalang ya Ari!”

2 Saray Arari 18:26

Insan inkuan di Eliakim, Sebna, tan Joas ed samay opisyal, “Mansalita kad sikamiy Aramaica, ta natalusan mi. Ag ka mansasalitay Hebreo, ta ondedengel iray totoon walad tapew na padir.”

Esdras 4:7

Diad legan na panooley nen Impirador Artajerjes ed Persia nansulat ed impirador ira di Bislam, Mitredates, Tabeel, tan saray kakaiba ra. Say salitan Aramaica so inkana ed sayan sulat da, kanyan nepeg ya ipatalus no ibasa.

Nehemias 2:3

tan inmebat ak, “Andokey ni komun so pambilay yo, Kagalang kon Impirador! Panon a niamut so ermen ko no say siudad ya angipomponan ed saray lalakik et aderalderal tan saray puirta to et dineral na apoy?”

Isaias 36:11

Insan inkuan di Eliakim, Sebna, tan Joa ed samay opisyal, “Mansalita kad sikamiy Aramaica, ta natalusan mi. Ag ka mansasalitay Hebreo, ta ondedengel iray totoon walad tapew na padir.”

Isaias 44:25

Pagmamaliwen kon andi-kabaliksan iray managbuyon tan andi-kakanaan iray managparles. Susumlangen ko ray salita na saray makabat tan ipapanengneng kod sikaran anggapoy kabaliksan so kakabatan da.

Daniel 1:4

Nepeg a guapo ra, maung iran impanolo, maung so inkapasal da, masiglat iran manaral, tan anggapoy antokaman a deral na laman da, pian manepeg iran manlingkur ed palasio. Si Aspenaz so nambangat ed sikara a mambasa tan mansulat na salita da ray taga Babilonia.

Daniel 2:7

Inmebat ira lamet ed ari, “No ibaga labat komun na Kagalang ya Ari so akogip to, ipatalus miy kabaliksan to.”

Daniel 3:9

Inkuandad Ari Nabucodonosor, “Mambilay komun ed anggad angga so Kagalang ya Ari!

Daniel 4:19

Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, “Ag ka mapaga lapud samay kogip tan say labay ton ibaga.” Inmebat si Beltsasar, “Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Daniel 4:7

Insan niakar ed siak ya amin iray managparles, saray salamangkiro, saray managanito, tan saray astrologo, tan imbagak ed sikara so kogip ko, balet ag da nipaliwawad siak so kabaliksan to.

Daniel 4:9

Beltsasar a pangulo da ray managparles, amtak a walad sika so ispiritu da ray diriyos, tan natalusan mon amin iray mistirio. Sikato ya so kogip ko. Ibagam ed siak so kabaliksan to.

Daniel 5:10

Nadngel na riynan ina so impaneyag na ari tan saramay manonan opisyal, kanyan linmoob ed kawalaan na ponsia. Inkuanto, “Mambilay ya anggad angga so Kagalang ya Ari! Ag ka mapaga tan ag mo pampopotiay bosaleg.

Daniel 5:8

Inmasingger ed arap na katoowan ira may sumisimbawa na ari, balet anggapod sikara so makabasad samay nisulat odino makapangibaga ed ari na kabaliksan to.

Daniel 6:21

Inmebat si Daniel, “Mambilay komun ya anggad angga so Kagalang ya Ari!

Daniel 6:6

Kanyan linma rad ari tan inkuanda, “Mambilay komun ya anggad angga so Kagalang ya Ari Dario!

Daniel 6:7

Sikami ran mangikukurang na oley ed impiriom—saray makaoley, saray gobirnador, saray sumisimbawa, tan saray arum nin opisyal—et nampapaknaan mi a say Kagalang ya Ari et mangipaakseb komun na ganggan tan nepeg a mapeget so pamasumpal ed satan a ganggan. Iganggan mo a diad loob na talomploy agew anggapoy siopaman a naabuloyan a mikerew na antokaman a bengatla ed dinanman a dios odino siopaman a too likud labat ed Kagalang ya Ari. Siopamay onsumlang ed sayan ganggan et nepeg ya ibuntok ed maawang ya abut a kawalaan da ray amayamay a lion.

Mateo 21:9

Ineeyag na saray totoon walad onaan tan saray walad onur nen Jesus, “Hosanna ed Anak nen David! Bindisionan komuy Dios so onla dia ed ngaray Katawan! Nagalang komuy Dios a Sankatageyan!”

1 Samuel 10:24

Inkuanen Samuel ed saray totoo, “Nia so toon pinili na Katawan! Anggapoy mipara ed sikato.” Inmeyag iray amin a totoo, “Andokey komuy bilay na ari!”