Daniel 2:37 - Maung A Balita Biblia

³⁷ Kagalang ya Ari, sika so sankatalonggaringan ed amin da ray arari. Say Dios na tawen impagmaliw to kan ari tan initdan to ka na pakayari, biskeg, tan kagalangan.

Maung a Balita Biblia

³⁷ Kagalang ya Ari, sika so sankatalonggaringan ed amin da ray arari. Say Dios na tawen impagmaliw to kan ari tan initdan to ka na pakayari, biskeg, tan kagalangan.

Daniel 2:37 Iomraidhean Croise

1 Saray Arari 4:24

Manoley si Solomon ed saray dalin ed sagur na Ilog na Eufrates, manlapud Tifsa ya anggad Eufrates tan anggad sagur na siudad na Gaza. Walad silong na pakaoley to ray amin ya ararid sagur na Eufrates, tan maung so pipiolup tod saray kakaabay ton bansa.

2 Saray Arari 25:28

Kinasian nen Evilmerodac, tan atagtagey so inter tod sikaton kipapasen nen saray arum ya ararin niakar a priso ed Babilonia.

2 Saray Awaran 36:23

“Sikato ya so ganggan nen Ciro ya Impirador na Persia. Say Katawan a Dios na Tawen ginawa to ak a manoley ed intiron mundo tan ingganggan to ak a mamaalagey na sakey a timplo to diad Jerusalem na Juda. Amin yo sirin a totoo na Dios, pawil kayo lad Jerusalem. Mila komun ed sikayo so Katawan a Dios yo.”

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Esdras 7:12

“Nanlapu yan kaletan ed Impirador Artajerjes diad kinen Esdras a pari a kabkabat toy Ganggan na Dios na Tawen.

Saray Salmo 62:11

Aliwan amimpinsan a nadngel koy Dios ya imbaga to a kayaryan toy pakayari,

Probirbio 8:15

Tutulongan kon manoley iray arari, tan manggawa na saray ganggan iray walad pakaoley.

Isaias 10:8

Kuanto, “Ari so balang sakey a pangulo na saray sondalok!

Isaias 47:5

Say Katawan kuantod Babilonia, “Yorung kan andi eseesel tan dia kad ambilonget a pasen; ag da ka la tawagen a riyna na saray bansa!

Jeremias 28:14

Inkuan na Katawan a Makapanyarin-amin, say Dios na Israel, ya inan toy pakon balatyang so tenger na sarayan amin a bansa, tan panlingkuran day Ari Nabucodonosor iray ayayep ed katakelan.”

Jeremias 34:1

Akisalitad siak so Katawan nen si Ari Nabucodonosor na Babilonia tan saray sondalo to, a tutulongan iray arum a sondalon taga ra arum a bansa a wala rad silong na pakaoley to, et dodogpaan day Jerusalem tan saray kakaabay ton baley.

Ezekiel 26:7

Say Katawan a Dios kuanto, “Iyakar kon ondogpad Tiro so sankatalonggaringan ed amin ya ari—si Ari Nabucodonosor na Babilonia. Sikatoy manlapud baybay a kaiba to ray amayamay a sondalon wala ray kabayo ra tan saray karwahin para bakal; kaiba to met iray managkabayod para bakal.

Daniel 1:2

Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Daniel 2:31

“Kagalang ya Ari, diad samay nipasingayew ed sika, anengneng mon manalalagey ed arap mo so sakey a balbaleg a talintao, masilesileng tan mansiayap, tan makapataktakot a nengnengen.

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Daniel 4:19

Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, “Ag ka mapaga lapud samay kogip tan say labay ton ibaga.” Inmebat si Beltsasar, “Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Daniel 4:22

“Kagalang ya Ari, sika man so kiew, atagtagey tan mabiskeg. Diad imbalbaleg mo atokdul moy tawen, tan say pakaoley mo et linmaknab ed intiron mundo.

Daniel 4:25

Napaarawi kad kawalaan da ray totoo tan manayam kad kawalaan da ray ayayep ed katakelan. Pitoy taon a mangan kay dika a singa baka, tan manogip ka ed pasen ya anggapoy tarung, a diman ka nalinaewan. Insan birbiren mo a walad silong na pakaoley na Sankatageyan a Dios iray nanarian na too tan nayarian to ran iter ed siopaman a labay ton pangitdan.

Daniel 4:3

“Agaylay kabaleg na pakelaw ya ipapanengneng na Dios ed sikatayo! Makapakelaw a tuloy iray milagron gagawaen to! Say Dios et ari ya anggad angga; ag mangangga so panoley to.

Daniel 4:32

Napaarawi kad kawalaan da ray totoo, manayam kan kaibam iray ayayep ed katakelan, tan pitoy taon kan mangay dika a singa baka. Insan birbiren mod satan ya amin a nanarian na too et walad silong na pakaoley na Sankatageyan a Dios tan nayarian to ran iter ed siopaman a labay ton pangitdan.”

Daniel 4:34

“Kalabas na pitoy taon,” inkuan na ari, “tinmangay ak ed tawen, et pinmawil ed siak so kalakal ko. Inggalang ko, indayew ko, tan intandurok so Sankatageyan a Dios a mambibilay ed anggad angga. “Sikato so manoley ed anggad angga, tan mansiansia ed ando lan ando so panarian to.

Daniel 5:18

“Say Sankatageyan a Dios impagmaliw ton matalonggaring ya ari si amam a Nabucodonosor tan kinawesan to na kagalangan tan pakapanyari.

Daniel 7:14

Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag mangangga so panarian to.

Oseas 8:10

Balet natan pantitiponen ko ra, insan ko ra dusaen. Ag mabayag manayay irad panlikna ray kairapan no pairapen ira na ari na Asiria.

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Juan 19:11

Inmebat si Jesus, “Wala tan a pakaoley mod siak, ta inter na Dios ed sika. Kanyan lalon ambelat niy kasalanan na toon angipalimad siak ed sika.”

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”

Puyan 4:11

“Katawan tan Dios mi! Manepenepeg kan mangawat na galang, dayew, tan pakayari. Ta sikay amalsad amiamin, tan onung ed linawam, niwala ra tan naitdan iray bilay.”

Puyan 5:12

tan maksil ya inkuanda, “Say Kordiron pinatey so manepeg a mangawat na pakayari, kayamanan, kakabatan, biskeg, dayew, galang, tan bindision!”