Daniel 2:34 - Maung A Balita Biblia

³⁴ Legan mon nenengnengen, walay sakey a baleg a baton ginmeray a nanlapud palandey anggaman ya anggapoy aniwit, atolinan to ra may balatyang tan dalin a sali na samay talintao, tan tinemek to ra.

Maung a Balita Biblia

³⁴ Legan mon nenengnengen, walay sakey a baleg a baton ginmeray a nanlapud palandey anggaman ya anggapoy aniwit, atolinan to ra may balatyang tan dalin a sali na samay talintao, tan tinemek to ra.

Daniel 2:34 Iomraidhean Croise

Saray Salmo 118:22

Say baton impasen ya andi-kakanaan na saray karpintiro nagmaliw lamlamang a sankakanaan a bato.

Isaias 28:16

Balet natan saya so kuan na Katawan a Dios; “Mangipapasen ak ed Sion na mabiskeg tan baleg a pundasion. Mangililira ak ed pundasion na baleg a baton suyok ya akapangisulatan na sarayan salita, ‘Maanos met so malet a pananisia.’

Isaias 60:12

Balet sigput a naderal iray bansa Ya ag manlilingkur ed sika.

Isaias 8:9

Mantitipon kayon sitatakot, sikayo ran bansa! Dengel kayo, sikayo ran ararawin parti na mundo. Mamparaan kayon mibakal, balet takot kayo! On, mamparaan kayo, balet takot kayo!

Ezekiel 32:28

“Onya so kabaktar da ray Egipsio, a kaiba da ray ag asegat ya apatey ed bakal.

Ezekiel 47:5

Anukat ni na liman lasus tan apataplo tan siam a mitro, et araldalem lad may danum kanyan ag ko la nayarin yakyaken. Araldalem la so danum ya ag la nabaliw likud labat no langoyen.

Daniel 2:33

balatyang iray ulpo tan bikking to, tan balatyang tan dalin iray sali to.

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Daniel 8:25

Lapud masilib, mampalabo ed pampalikdo to. Ikinon toy laman ton dili tan pateyen ton anggapoy pasakbay iray dakel a totoo. Onsumlang ed anggan say sankatalonggaringan ya Ari, balet naderal ya anggapoy ikanan pakayari na too.

Zacarias 12:3

Balet no onsabiy tan a panaon, pagmaliwen kon singa sakey ya ambelat a bato so Jerusalem—dinan man a bansan salien ton alsaen et nasakitan. Mankakasakey ya ondogpad saman a bato iray amin a bansa ed mundo.

Zacarias 4:6

Samay anghil imbaga tod kinen Zorobabel ira yan salita na Katawan: “Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

Mateo 16:18

Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.

Juan 1:13

Nagmaliw iran anak na Dios, aliwan lapud nianak iray too, tan aliwa met a lapud linawa na laman o pakayari na too, no ag ingen lapud pakayari na Dios.

Saray Gawgawa 4:11

Si Jesus so labay ya ibaga na Masanton Sulat nen inkuanto, ‘Say baton impasen yon andikakanaan, sikayo ran karpintiro, nagmaliw lamlamang a sankakanaan a bato.’

2 CORINTO 5:1

Ta amta tayo a no naderal so tuldan panaayaman tayo natan—say mangaraldalin a laman tayo—walay andi-anggaan ya abung tayod tawen, sakey ya abung ya ag ginaway too, no ag ingen iter na Dios.

Saray Hebreo 9:24

Ta si Cristo ag linmoob ed masanton pasen a ginaway too, a kaparpara labat na petepeteg a pasen. Ingen, linmoob ed tawen tan ilalaman to itayo ed arap na Dios.

1 Pedro 2:7

Mabmabli yan bato ed sikayo ran mananisia, balet diad saray aliwan mananisia nasumpal so walad Masanton Sulat: “Say baton impasen ya andi-kakanaan na saray karpintiro, nagmaliw lamlamang a sankakanaan a bato.”

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”