Daniel 2:29 - Maung A Balita Biblia

²⁹ “Legan mon nanaogip, Kagalang ya Ari, akogip mo so nipaakar ed arapen; et say Dios, a mangipapaamtad saray mistirio, impanengneng tod sika no antoy nagawa ed arapen.

Maung a Balita Biblia

²⁹ Legan mon nanaogip, Kagalang ya Ari, akogip mo so nipaakar ed arapen; et say Dios, a mangipapaamtad saray mistirio, impanengneng tod sikano antoy nagawa ed arapen.

Daniel 2:29 Iomraidhean Croise

Genesis 41:25

Inkuanen Jose, “Saksakey so talus da ra yan duan kogip mo; imbagay Dios ed sika so gawaen to.

Ezekiel 38:10

Sikato yay kuan na Katawan a Dios ed kinen Gog: “No onsabiy tan a panaon igapom so mannunot na sakey a maoges a plano.

Daniel 2:22

Ipapaamta to ray bengatlan aralem tan maamut; amta toy antokaman a niamut ed kabilongetan, ta manaayam ed sikaton dili so liwawa.

Daniel 2:23

Pisasalamatan tan idadayew ta ka, Dios da ray lalakik. Initdan mo ak na kakabatan tan biskeg; inebatan mo so pikakasik tan impaamtam ed sikami no antoy ibaga mid ari.”

Daniel 2:28

Balet walay Dios ed tawen a sikatoy mangipapaamtad saray mistirio. Impaamta tod sika, Kagalang ya Ari, no antoy nagawa ed arapen. Natan ibagak ed sika so kogip mo, say nipasingayew ed sika nen naogip ka.

Daniel 2:45

Anengneng mo no panon a ginmoray imay baton baleg a nanlapud palandey tan tinmolin ed samay talintaon balatyang, gansa, dalin, pilak, tan balituk. Say matalonggaring a Dios impaamta to, Kagalang ya Ari, so nagawa ed arapen a panaon. Sikato ya so tuan kinogip mo tan say petepeteg a kabaliksan to.”

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Amos 4:13

Say Dios so nanggawad saray kapalandeyan tan pinalsa to so dagem. Ipapaamta tod too iray kanunotan to; pagmamaliwen ton labi so agew. Manaakar ed tapew na saray atatagey a pasen diad mundo. Saya so ngaran to: Yahweh a Dios a Makapanyarin-amin!