Daniel 2:28 - Maung A Balita Biblia

²⁸ Balet walay Dios ed tawen a sikatoy mangipapaamtad saray mistirio. Impaamta tod sika, Kagalang ya Ari, no antoy nagawa ed arapen. Natan ibagak ed sika so kogip mo, say nipasingayew ed sika nen naogip ka.

Maung a Balita Biblia

²⁸ Balet walay Dios ed tawen a sikatoy mangipapaamtad saray mistirio. Impaamta tod sika, Kagalang ya Ari, no antoy nagawa ed arapen. Natan ibagak ed sika so kogip mo, say nipasingayew ed sika nen naogip ka.

Daniel 2:28 Iomraidhean Croise

Genesis 40:8

Inmebat ira, “Walay kogip na balang sakey ed sikami, et anggapo diay makapangipatalus.” “Say Dios so manangipatalus,” inkuanen Jose. “Ibaga yod siak ira tay kogip yo.”

Genesis 41:16

Inmebat si Jose, “Ag ko nayarian, Kagalang kon Ari; balet say Dios so makapangiter na dugan talus na kogip.”

Genesis 41:25

Inkuanen Jose, “Saksakey so talus da ra yan duan kogip mo; imbagay Dios ed sika so gawaen to.

Genesis 49:1

Impaawit nen Jacob iray anak ton lalaki tan kuanto, “Gali diad abay ko, ta ibagak so nagawad sikayo diad arapen a panaon:

Saray Salmo 115:3

Walad tawen so Dios mi, tan gagawaen toy antokaman a labay to.

Isaias 2:2

Diad saray agew ya onsabi, say palandey a panalalageyan na Timplo so magmaliw a sankatageyan ed saray palandey tan ososdungan ton amin iray pokdul. Amayamay a bansa so onlan singa onaagos a danum ed sikato,

Jeremias 10:7

Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Jeremias 48:47

Balet diad saray agew ya arapen say Katawan pagmaliwen ton maaligwas lamet so Moab. Sikato yay sintinsia ya inter na Katawan ed Moab.

Ezekiel 28:3

Abaloan mo a makabat ka nen si Danel, ya anggapoy niamut ya ag mo amta.

Ezekiel 38:16

Dogpaan mo ray totook ya Israel a singa ka bagyon ondadalan ed dalin. No onsabiy tan a panaon, ibaki ta kan onloob ed dalin ko, pian nipanengneng kod saray bansa no siopa ak, pian nipanengneng koy kasantosan ko diad panamegley mo.

Ezekiel 38:8

Kalabas na amayamay a taon iganggan kon looban toy sakey a bansan saray totoo to et pinmawil iran nanlapud saray amayamay a bansa tan manaayam iran arawid kaatapay bakal. Looban to ray kapalandeyan na Israel ya abayag iran apaolyan tan ataynan, balet panaayaman la ra na amin da ray totoon arawid kaatapan.

Daniel 1:20

Anggan antoy itepet ed sikara na ari odino anton problima so ipanon to, maminsamplon maung niy ebat da ra may apatira nen say ebat na siopaman a managparles odino salamangkiro diad intiron nanarian.

Daniel 10:14

Linma ak dia, ta ipatalus kod sikay nagawad saray totoom diad arapen a panaon. Sikato yay pasingayew a nipaakar ed arapen a panaon.”

Daniel 2:18

Imbaga tod sikaran onkerew ira na panangasi na Dios na tawen tan ipikasi rad sikato ya ipaliwawa tod sikara so mistirio, pian ag ira napipatey ed saray arum a sumisimbawa a walad Babilonia.

Daniel 2:22

Ipapaamta to ray bengatlan aralem tan maamut; amta toy antokaman a niamut ed kabilongetan, ta manaayam ed sikaton dili so liwawa.

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Daniel 2:45

Anengneng mo no panon a ginmoray imay baton baleg a nanlapud palandey tan tinmolin ed samay talintaon balatyang, gansa, dalin, pilak, tan balituk. Say matalonggaring a Dios impaamta to, Kagalang ya Ari, so nagawa ed arapen a panaon. Sikato ya so tuan kinogip mo tan say petepeteg a kabaliksan to.”

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Daniel 4:5

Balet nankogip ak na makapataktakot tan akanengneng ak na makapakebyew a pasingayew nen naogip ak.

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Amos 4:13

Say Dios so nanggawad saray kapalandeyan tan pinalsa to so dagem. Ipapaamta tod too iray kanunotan to; pagmamaliwen ton labi so agew. Manaakar ed tapew na saray atatagey a pasen diad mundo. Saya so ngaran to: Yahweh a Dios a Makapanyarin-amin!

Saray Bilang 24:14

Inkuanen Balaam ed kinen Balak, “Ompawil ak la natan ed saray dilin totook, balet kasakbayan ya ompikal ak, ibagak ed sika no antoy gawaen da ray Israelita ed saray totoom diad arapen a panaon.”

Mateo 6:9

Onyay pampikasi yo sirin: ‘Ama min walad tawen: Nagalang komuy ngaran mo;

Deuteronomio 31:19

“Natan isulat mo yan kanta. Ibangat mod saray totood Israel, pian magmaliw a sakey a tasi a sumpad sikara.

Deuteronomio 4:30

No nagugunigon kayo la tan nagagawa lad sikayo ra yan amin, ompawil kayo lamlamang ed Katawan tan onuren yo.

2 Timoteo 3:1

Tandaan mo ya! Diad kaonuran iran agew wala ray panaon na kairapan.

Saray Hebreo 1:1

Nen saman, nansalitay Dios ed saray lalaki tayo diad panamegley da ray propita. Amimpiga-piga to yan ginagawa, tan diad nandoroman pamaakaran.

2 Pedro 3:3

Manonaan ed amin, nepeg yon amtaen a diad kaonuran iran agew wala ray mambalaw ed sikayo, saray totoon mambibilay onung ed maoges iran pilalek na laman.

Puyan 1:1

Diad sayan libro nisulat iray impuyan na Dios ed Jesu-Cristo. Impuyan na Dios ira ya, pian nipaamta tod saray aripen to ray asingger lan nakaukolan a nagawa. Impaamta met ira ya nen Jesu-Cristo ed kinen Juan ya aripen to, diad impangibaki toy sakey ya anghil to,