Daniel 2:21 - Maung A Balita Biblia

²¹ Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Maung a Balita Biblia

²¹ Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Daniel 2:21 Iomraidhean Croise

1 Saray Arari 10:24

Nampilalekan na sankamundoan so onlad sikato, ta ondengel iray kakabatan ya inter na Dios ed sikato.

1 Saray Arari 3:28

Nen nadngelan na saray totood Israel yan impanintinsia nen Solomon, mapalaloy panamagalang dad sikato, ta amta ran initdan na Dios na kakabatan a mangiter na katonungan.

1 Saray Arari 4:29

Initdan na Dios si Solomon na nidoma-doman kakabatan tan pakatalus, tan say karunongan ya ag natokur.

1 Saray Awaran 22:12

Itdan ka komun na Katawan a Dios mo na maung a pakatalus tan kakabatan, pian naoleyan moy Israel onung ed Ganggan to.

1 Saray Awaran 29:30

Nikorit so impanoley to, say ontan lan pakayari to, tan saray amin ya agawad sikato, saray agawad Israel, tan saray agawad kaliber-liber iran nanarian.

Ester 1:13

Ogali nen saman a say ari et ipanon to so nipaakar ed ganggan tan oksuy, kanyan impatawag to ray sumisimbawa to a makaamta na nepeg a gawaen onung ed ganggan.

Say Libro nen Job 12:18

Eekalan toy pakaoley iray arari tan pagmamaliwen to ran priso;

Exodo 31:3

sikatoy pinanok na pakayarik. Initdan ko na pakatalus, dunong, tan pakayari a manggawa na antokaman a kimey ya inartian;

Exodo 31:6

Pinilik met ya ontulong ed kinen Bezalel si Oholiab a lakin anak nen Ahisamac tan kabyangan na boleg nen Dan. Initdan ko met na baleg a dunong iray amin nin arum a kumikimey, pian nagawaan day amin a labay kon pagawa:

Daniel 1:17

Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Daniel 10:1

Nen kumatlon taon na panaari nen Ciro ed Persia, sinmabid kinen Daniel a tatawagen met na Beltsasar so salita. Tua ra so salita, balet mapalalon mairap a talusan. Nipaliwawad sikato diad panamegley na sakey a pasingayew.

Daniel 11:6

Kayari na pigaran taon say ari na Egipto migampid ari na Siria tan ipaasawa tod sikato so marikit to. Balet ag mambayag so panggampi ra, et napatey imay bii, say asawa to, say anak ton melag, tan saray aripen ton akilad sikato.

Daniel 2:20

“Say Dios makabat tan makapanyari! Sikatoy idayew yo ed ando lan ando.

Daniel 2:23

Pisasalamatan tan idadayew ta ka, Dios da ray lalakik. Initdan mo ak na kakabatan tan biskeg; inebatan mo so pikakasik tan impaamtam ed sikami no antoy ibaga mid ari.”

Daniel 2:9

a nampaparay iter kod sikayon dusa no ag yo nibagad siak so kogip ko. Nampapakna kayo ya ituloy yoy pantitila yod siak, lapud iilaloan yo a diad panakar na panaon naoman iray bengatlan nagawa. Ibaga yod siak so kogip ko, et naamtaan kod satan a nayarian yo met ya ibagad siak so kabaliksan to.”

Daniel 4:14

Imbawag tod makmaksil a bosis, ‘Batang yoy kiew tan salingsing yo ray sanga to; ekal yo ray bolung to tan itayak yo ray bunga to. Abul yo ray ayayep a walad silong to tan saray kamanukan a walad sangasanga to.

Daniel 4:17

Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdan—anggan diad sankamugmoan lan too.’

Daniel 4:22

“Kagalang ya Ari, sika man so kiew, atagtagey tan mabiskeg. Diad imbalbaleg mo atokdul moy tawen, tan say pakaoley mo et linmaknab ed intiron mundo.

Daniel 4:32

Napaarawi kad kawalaan da ray totoo, manayam kan kaibam iray ayayep ed katakelan, tan pitoy taon kan mangay dika a singa baka. Insan birbiren mod satan ya amin a nanarian na too et walad silong na pakaoley na Sankatageyan a Dios tan nayarian to ran iter ed siopaman a labay ton pangitdan.”

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Saray Taga Roma 13:1

Nepeg a toluken na balang sakey iray manoley ed gobirno; ta anggapoy pakaoley ya ag nanlapud Dios, tan saray manoley natan et pinayorung iray Dios.

1 CORINTO 1:30

Balet say Dios impikasakey to itayod Cristo Jesus tan ginawa to a kakabatan tayo. Diad panamegley nen Cristo, apirdona ray kasalanan tayo ed arap na Dios, nagmaliw itayon masanton totooy Dios, tan arondon itayo la.

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”