Daniel 12:7 - Maung A Balita Biblia

⁷ Samay anghil inyonat tod tawen iray lima to tan nansambad ngaran na Andi-anggaan a Dios. Nadngel kon imbaga to, “Anggad onlabas so taloy taon tan kapaldua. No mansamput lay panagpairap ed saray totooy Dios, agawa la ya amin a bengatla.”

Maung a Balita Biblia

⁷ Samay anghil inyonat tod tawen iray lima to tan nansambad ngaran na Andi-anggaan a Dios. Nadngel kon imbaga to, Anggad onlabas so taloy taon tan kapaldua. No mansamput lay panagpairap ed saray totooy Dios, agawa la ya amin a bengatla.

Daniel 12:7 Iomraidhean Croise

Say Libro nen Job 27:2

“Isambak ed ngaran na mabilay a Makapanyarin-amin a Dios, ya angekal na kanepegan ko tan amapait na bilay ko—

Isaias 62:12

Natawag kayo na “Saray Masanton Totoo Na Dios,” “Saray Totoon Inlaban na Katawan.” Say Jerusalem natawag na “Say Siudad Ya Inaro Na Dios,” “Say Siudad Ya Ag Pinaolyan Na Dios.”

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Ezekiel 20:5

Salitam ed sikara so ibabagak. Nen pinilik so Israel, walay insipan kod sikara. Impaamtak so siak a dili ed sikara diad Egipto tan inkuankod sikara: Siak so Katawan a Dios yo.

Daniel 10:5

Tinmangay ak, et anengneng koy sakey a lakin akakawes na linen tan akabalkes na pinon balituk.

Daniel 11:13

“Ompawil so ari na Siria ed bansa to tan mantipon na lalon dakerakel a sondalo nen samay inmona. No onsabiy manepeg a panaon, onla lamet ed Egipto a kaiba to ray sondalon amayamay tan dugay armas da tan malaem so abasto ra.

Daniel 12:6

Say sakey ed sikara tinepet tod anghil a manalalagey ed bandad tulo tan akakawes na linen, “Kapigay itonda na sarayan makapakelaw a nagagawa?”

Daniel 12:8

Nadngel koy imbaga to, balet ag ko atalusan. Kanyan tinepet ko, “Balet panoy pangangga na amin a bengatla?”

Daniel 4:31

Mansasalita ni si Ari Nabucodonosor nen walay bosis a nanlapud tawen a kuanto, “Ari Nabucodonosor, dengel moy ibagak ed sika! Nakal lad sika so pakayarim ya ari.

Daniel 4:34

“Kalabas na pitoy taon,” inkuan na ari, “tinmangay ak ed tawen, et pinmawil ed siak so kalakal ko. Inggalang ko, indayew ko, tan intandurok so Sankatageyan a Dios a mambibilay ed anggad angga. “Sikato so manoley ed anggad angga, tan mansiansia ed ando lan ando so panarian to.

Daniel 7:21

Nen onnenengneng ak, akibakal imay saklur ed saray totooy Dios tan tinalo to ra.

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Daniel 8:14

Nadngel kon inmebat imay sananey ya anghil, “Mansiansian sanlibo, sanlasus tan limamplon agew, tan legan to yan panaon labi tan kabwasan ya anggapoy nisaklang a bagat. Insan nipawil so gendat a kipapasen na Timplo.”

Daniel 8:24

Ompalaloy biskeg to—balet aliwan lapud dilin pakayari to. Makapataktakot so panderal to tan onaligwas ed amin a gawaen to. Deralen to ray makapanyarin lalaki tan saray dilin totoo na Dios.

Lucas 21:14

Paligen yo, lad kanunotan yo ya ag yo panggugunigonan no panoy pangyagel yod sikayon dili,

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Deuteronomio 26:19

Pagmaliwen to kayon matalonggaring nen saray arum a bansa ya inletneg to, tan sikayoy mangiter na dayew tan kagalangan ed ngaran to. Sikayoy magmaliw a dilin totoo to onung na insipan to.”

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Deuteronomio 32:40

Legan a siak so mabilay a Dios, iyatagey koy limak tan sambaan ko

Deuteronomio 7:6

Gawa yo ra ya, ta kayaryan kayo na Katawan a Dios yo. Diad amin da ray totood tapew na dalin pinili to kayon dili a nidoma-doman totoo to.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

Puyan 12:14

Balet naitdan imay bii na duaran payak na baleg ya agila, pian makatikyab ed pasen to diad kalawakan. Diman naasikaso ed loob na taloy taon tan kapaldua, pian naliktaran toy pasnuk na oleg.

Puyan 12:6

Binmatik ed kalawakan imay bii, diad pasen ya imparaay Dios ed sikato a dimay pakaasikasoan ed sikato diad loob na sanlibo, duan lasus tan anemaplon agew.

Puyan 13:5

Naabuloyan imay ayep a mampasirayew, mansalitay sumpad Dios, tan manoley ed loob na apataplo tan duay bulan.

Puyan 4:10

saramay duamplo tan apat a mamatakken ondadakmomo rad samay akayorung ed trono, tan igagalang da may mabilay ya anggad angga. Ibobontuk dad arap na trono iray korona ra, tan kuanda:

Puyan 4:9

Saramay apatiran pinalsa a mabilay et ikakanta ray pangidayew, pangitanduro, tan pisasalamat ed samay akayorung ed trono, say mabilay ya anggad angga. Leleg dan mangakanta,