Daniel 11:4 - Maung A Balita Biblia

⁴ Balet diad kabisbiskegay pakayari to nabuyak so impirio to tan napangkapat. Onsalat ed sikatoy ararin aliwan sikatoy sengeg da, balet ag da naparaay pakayari to.

Maung a Balita Biblia

⁴ Balet diad kabisbiskegay pakayari to nabuyak so impirio to tan napangkapat. Onsalat ed sikatoy ararin aliwan sikatoy sengeg da, balet ag da naparaay pakayari to.

Daniel 11:4 Iomraidhean Croise

Saray Salmo 39:6

singa labat anino. Anggapoy kakanaan iray pansasagputan to; mantitipon na kayamanan, balet ag to amta no siopay mannanam!

Ecclesiastes 4:8

Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andi-kakanaan, tan makapasinagem a panagbilay.

Jeremias 12:15

Balet kayarik iran pataynanen, kasian ko ra; ipawil koy balang too ed dilin baley to tan diad dilin bansa to.

Jeremias 12:17

Balet no walay bansan ag ontoluk, sigput kon baguten tan deralen. Siak, say Katawan, so nansalita.”

Jeremias 18:7

No diad anggan anton panaon ikuankon baguten, ibasig, odino deralen koy dinanman a bansa o nanarian,

Jeremias 31:40

Say intiron patar na pomponan ed saray bangkay tan bantakan na dotak, tan amin a kaalogan ed pandel na Kolus na Cedron ya anggad Puirta na Kabayo et magmaliw iran masanton pasen ed siak. Ag lan balut nigeba odino naderal yan siudad.”

Jeremias 45:4

“Balet siak a Katawan, babagbagen ko so impaalagey ko tan babaguten ko so intanem ko. Gawaen ko ya ed intiron mundo.

Jeremias 49:36

Manlapud amin a dapag pasiplugen koy dagem sumpad Elam, tan nikaykayat ed nandoroman pasen iray totoo to, anggad anggapoy bansan ag da abatikan.

Ezekiel 37:9

Inkuan na Dios ed siak, “Sika a toon ompatey, mampropisiya ka ed dagem. Ibagam ed dagem a say Katawan a Dios igaganggan to ya onsabin manlapud amin a dapag, onsibuk ed sarayan bangkay, pian ombilay ira.”

Daniel 7:2

nipaakar ed anengneng ko ed saman a labi: Onsisiplug ed tapew na dayat so dagem a manlalapud amin a dapag.

Daniel 7:6

Nen ombabantay ak, sakey lamet ya ayep so pinmaway. Singa liopardo so nengneng to, balet walay apatiran payak ed beneg to a singa ra payak na manok, tan apatiray olo to. Niiter ed sikato so pakaoley.

Daniel 7:8

Nen nenengnengen ko ra may saklur to, anengneng kon ontutubod kawalaan da so sakey a melag a saklur. Binagut toy taloran saklur ed saramay wadman la. Sayan saklur wala ray mata ton matay too tan walay sangi ton mapasirayew a mansalita.

Daniel 8:22

Saramay apatiran saklur a tinmubo nen apoter imay ononan saklur et saray apatiran nanarian a pakaapagan na samay bansa tan aliwan singa biskeg na samay inmonan nanarian so biskeg da.

Daniel 8:8

Pinmalalo lan pinmalalo so inkalastug to may kanding, balet nen kabisbiskegan to la apoter imay balbaleg a saklur to. Balet sinmalat ed samay saklur so apatiran maparontal a saklur, tan akatoro ed sananey a dapag so balang sakey.

Zacarias 2:6

Say Katawan kuantod saray totoo to, “Inkaykayat ta kayo ed amin a pasen. Balet natan, sikayon nibantak ed arum a bansa et ibatikan yoy Babilonia tan pawil kayo lad Jerusalem.

Zacarias 6:5

Inmebat, “Sikara yay apatiran dagem; kapkapanlapu rad arap na Katawan na intiron dalin.”

Mateo 12:25

Amta nen Jesus so walad isip da, kanyan inkuantod sikara, “Ag mambayag so nanarian a pankokolkolay totoo ya apagen. Ontan met ya ag mansiansia so balang baley o pamilya a naapag-apag tan manlalaban iray kabyangan to.

Lucas 12:20

Balet inkuay Dios ed sikato, ‘Kulang so kalakal mo! Diad sayan labi, ompatey ka. Siopa natay manawir ed saratay imparaan mon para sika?’”

Puyan 7:1

Kasumpal to ya, anengneng koy apatiran anghil a manalalagey ed saray apatiran sokung na mundo. Babaraen da ray apatiran dagem na mundo, pian ag onsiplug ed tapew na dalin, o diad dayat, o diad anton kiew.