Daniel 11:37 - Maung A Balita Biblia

³⁷ Ag ikabkabilangan na ari so dios a nanlilingkuran na saray lalaki to, tan say dios ya inararo na saray bibii. Diad tuay tua, ag to ikabilangan ya amin iray diriyos, ta ipasen toy sikaton dili a matalonggaring nen say siopaman ed sikaran amin.

Maung a Balita Biblia

³⁷ Ag ikabkabilangan na ari so dios a nanlilingkuran na saray lalaki to, tan say dios ya inararo na saray bibii. Diad tuay tua, ag to ikabilangan ya amin iray diriyos, ta ipasen toy sikaton dili a matalonggaring nen say siopaman ed sikaran amin.

Daniel 11:37 Iomraidhean Croise

Genesis 3:16

Inkuanto natan ed samay bii, “Aruman koy gunigon mo no manlokun ka tan nairapan ka ed pananak mo. Anggaman ontan, pampilalekan mo nin siansiay asawam tan sikatoy manoley ed sika.”

Genesis 3:5

Imbagay Dios itan ta amta to a no kanen yo, magmaliw kayon singa Dios ya amta yo no anto so maung tan maoges.”

Kanta nen Solomon 7:10

Kayaryan ak na inarok, tan pampilalekan to ak.

Isaias 14:13

Ginetmam so onkalab ed tawen tan mangipasen na tronom ed tagey da ray sankatageyan a bitewen. Abaloan mon onirung kan sakey ya ari diad toktok na palandey ed baybay a pantitiponan da ray diriyos.

Isaias 14:14

Imbagam ya onkalab ka ed saray tapew na kaloreman tan magmaliw kan singa Makapanyarin-amin.

Ezekiel 24:16

Inkuanto, “Sika a toon ompatey, diad sakey labat a waswas alaen koy toon inararom. Anggaman onyay nagawa ag ka manririklamo odino onaakis odino onlulua.

Ezekiel 28:2

Inkuanto, “Sika a toon ompatey, ibagam so ibabagak ed manoley na Tiro, siak a Katawan a Dios: Diad panagpaatagey mo, ibabagam a sakey kan dios. Ibabagam a singa ka sakey a dios a manyodyorung ed trono, ya aliber na saray dayat. Nayarin ipasen moy sikan dili a sakey a dios, balet aliwan tua, ta sakey kan too labat ya ompatey; aliwa kan Dios.

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Daniel 11:38

Ingen pagalangan to so dios a mangyaagel na saray tirinsira. Mangibagat na balituk, pilak, alahas, tan arum ni ran mabmablin rigalo ed sakey a dios ya ag balut inggalang na saray lalaki to.

Daniel 8:11

Nilabanan to so anggan say Prinsipi da ray mangatatawen a sondalo, pinatonda toy inagew-agew a panagbagat ed sikato, tan dinederal toy Timplo.

Deuteronomio 21:11

nayarin makanengneng kayo na sakey a magangganan bii a labay yon asawaen.

Deuteronomio 5:21

“‘Ag mo iibegan so asawa na kaparam a too; ag mo iibegan so abung to, say dalin to, saray aripen to, saray baka to, saray asno to, odino antokaman a kayaryan to.’

2 TESALONICA 2:4

Sumlangen to ray amin ya igagalang na totoo tan saray amin ya ipapasen dan diriyos. Iyan to ran amin ed silong na pakayari to, onloob ed Timploy Dios, insan onirung diman tan iparontal toy sikaton dili a Dios.

1 Timoteo 4:3

Saratan a totoo isebel day pangasawa tan say pangan na pigara a kakanen. Balet pinalsa na Dios iray nakan a kanen na saray mananisia tan makapikabat ed katwaan, kasumpal dan misalamat ed Dios.