Daniel 11:35 - Maung A Balita Biblia

³⁵ Napatey ira may arum a pangulon makabat, balet lapud sayan nagawa nalinisan iray totoo. Ontuloy yan nagawa ya anggad onsabi so anggaan, say panaon ya inggetar na Dios.

Maung a Balita Biblia

³⁵ Napatey ira may arum a pangulon makabat, balet lapud sayan nagawa nalinisan iray totoo. Ontuloy yan nagawa ya anggad onsabi so anggaan, say panaon ya inggetar na Dios.

Daniel 11:35 Iomraidhean Croise

2 Saray Awaran 32:31

Kanyan anggan nen sinmabi ray taga Babilonia a nibakin manosisad nidoma-doman agawa ed bansa to, inabuloyan na Dios si Ezekias a gawaen toy labay ton dili pian nasubok so petepeteg ya inkatoo to.

Probirbio 17:3

Say balituk tan say pilak susuboken na apoy, tan say puso na too susuboken na Katawan.

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Daniel 11:27

Insan saramay duaran ari ondongo ran mangan ed saksakey a lamisaan, balet maoges so getma ran dua, tan mantilaan ira. Ag da nagamuran so labay da, lapud ag ni sinmabi so panaon a pakala ra.

Daniel 11:29

“Onsabiy panaon a dogpaan to lamet so Egipto, balet doma lad satan so nagawa.

Daniel 11:33

Saray makabat a pangulo na saray totoo et inagnag dad arum a totoo so kakabatan da. Balet ag mabayag napatey ed bakal iray arum ed sikara odino poolan da ran mabilay, tan saray arum et nasamsam iray kayaryan da tan nadakep ira.

Daniel 11:40

“No ngalngali la mansamput so panoley na ari na Siria, ondogpad sikato so ari na Egipto, et say ari na Siria iyoput toy pakayari ton onlaban ya ipakana to ray karwahi, saray kabayo, tan amayamay a bapor. Singa danum a delap ya onagos so iloob tod saray amayamay a bansa.

Daniel 12:3

Onsinag a singa liwaway tawen iray makabat a pangulo. Ontan met, saray ananggoyur ed saray amayamay a totoo diad panggawa ray inkatonung et anggad anggan onsinag iran singa saray bitewen.”

Daniel 12:4

Inkuantod siak, “Natan, Daniel, ikaput mo la so libro tan timbrian mo ya anggad isabiy anggaan na mundo. Legan to ya, amayamay iray mandarak na sagput dan mangamta na kabaliksan na nagagawa.”

Daniel 8:10

Pinmalaloy imbiskeg to ya anggad nilalabanan to ray sondalo ed tawen, saray dilin bitewen, insan to imbantak ed dalin iray pigarad sikara tan ginagatinan to ra.

Daniel 8:17

Dinmagoy Gabriel tan nanalagey ed abay ko, tan lapud mapalaloy inkataktakot ko niparugso ak ed dalin. Inkuantod siak, “Sika a toon ompatey, talusan moy kabaliksan na pasingayew a nipaakar ed anggaay mundo.”

Daniel 8:19

tan kuanto, “Ipapanengneng kod sikay pansumpalan na pasnuk na Dios. Samay pasingayew et nipaakar ed niganan panaon na anggaan.

Daniel 9:27

Pitoy taon a saman a manoley et nawalaan na malet a sipanan ed amayamay a totoo, tan kalabas na kapalduad sayan panaon, patondaen toy pangisaklang na saray bagat. Nipasen ed sankatageyan a parti na Timplo so Makapataktakot a Managderal tan mansiansiad man ya anggad onsabi so inggetar na Dios a pangangga na samay angipasen diman.”

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Mateo 16:17

Inkuanen Jesus ed sikato, “Maliket kan tua, Simon ya anak nen Jonas! Ta say Amak ed tawen so angipaamtad sika yan katwaan, aliwan say too.

Mateo 26:56

Balet agawa yan amin pian nasumpal so ibabaga ray propita ed Masanton Sulat.” Nagsibatik ya amin iray disipulo tan tinaynan dan bukbukor si Jesus.

Juan 15:2

Ekalen toy balang sangan ag mambunga tan palinan to so sangan mambubunga, pian lalon ondakel so bunga to.

Juan 20:25

Kanyan inkuanda ray disipulo ed sikato, “Anengneng miy Katawan!” Inkuanen Tomas ed sikara, “No ag ko nanengneng so bakat na pasak ed saray lima to, no ag ko nitobung so tamorok ed tinalus na saray pasak, tan ag ko niseksek so limak ed diking to, ag ak manisia.”

Saray Gawgawa 13:13

Manlapud Pafos, binmaliw ira di Pablo tan saray kakaiba to, tan sinmabi rad Perge na Pamfilia. Balet sinmian ed sikaray Juan a tatawagen met na Marcos tan pinmawil lad Jerusalem.

Deuteronomio 8:16

Diad kalawakan initdan to kayo na mana a kinan yo, say kakanen ya ag balut atawayan na saray lalaki yo. Initdan to kayo na saray kairapan a panubok tod sikayo, pian diad kaonuran nabindisionan to kayo na saray maabig a bengatla.

Santiago 1:2

Agagi, panliketan yo so panlilikna yoy nandoroman subsubok na bilay,

Puyan 14:15

Insan pinmaway so sananey ya anghil a nanlapud timplo tan inkuantod maksil a bosis ed samay akayorung ed lorem, “Ikanam tay palot mo tan manani ka, ta panagani la. Matakken lay aaniyen ed mundo!”

Puyan 17:17

Inseksek na Dios ed puso ra so pangonur dad labay to, diad panamegley na pankakasakey dan mangiter ed samay ayep na pakayari ran manoley, anggad ontua ray salitay Dios.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.