Daniel 11:24 - Maung A Balita Biblia

²⁴ Looban ton anggapoy pasakbay so sakey a mayaman a luyag tan gawaen to ray bengatlan ag balut ginagawa na saray lalaki to. Insan to apagen ed saray totoo to iray antokaman a kagawaan tan kayaryan ya asamsam tod bakal. Mamplano na idogpa tod saray tirinsira, balet onkulang so panaon to.

Maung a Balita Biblia

²⁴ Looban ton anggapoy pasakbay so sakey a mayaman a luyag tan gawaen to ray bengatlan ag balut ginawa na saray lalaki to. Insan to apagen ed saray totoo to iray antokaman a kagawaan tan kayaryan ya asamsam tod bakal. Mamplano na idogpa tod saray tirinsira, balet onkulang so panaon to.

Daniel 11:24 Iomraidhean Croise

Nehemias 9:25

Dinakep na saray totoom iray siudad ya aliber na padir, saray mabunan dalin, saray abung a napnoy kayamanan, saray bobun a walay danum, saray kaolibaan, saray kakiewan a mambunga, tan saray kaubasan. Inaakan day amin a labay da, kanyan tinmataba ra; nanliket irad amin a kaabigan ya inter mod sikara.

Probirbio 17:8

Walay totoon abaloan da a singa salamangka so gagawaen na pasoksok; sisiaen dan nagawaan toy amin a bengatla.

Probirbio 19:6

Labay na balang sakey so mangala na abig-linawa na toon atagey so kipapasen; ipapasen na balang sakey a kaaro to iray totoon mangiiter na abig-linawa.

Probirbio 23:7

“Sigi, mangan ka labat,” kuanto, anta kukuanto labat. Say petepeteg ya inkatoo to et say walad kanunotan to.

Ezekiel 34:14

Pankabkaben ko rad patar na kapalandeyan ya arawid kaatapan, diad saray patar tan diad amin a mabonan pastolan ed dalin na Israel.

Ezekiel 38:10

Sikato yay kuan na Katawan a Dios ed kinen Gog: “No onsabiy tan a panaon igapom so mannunot na sakey a maoges a plano.

Daniel 11:23

Diad pipaknaan tod saray arum a bansa, palikdoen to ra, tan ombiskeg lan ombiskeg anggaman a melag a bansa so ooleyan to.

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Saray Bilang 13:20

Nengneng yo met no matabad may dalin tan no katakelan. Ag yo met lilingwanan so mangisempet na pigaran bungay kakiewan diman.” (Panaon lad saman ya onggapo lan naluto iray bungay ubas.)

Mateo 9:4

Amta nen Jesus so walad kanunotan da kanyan inkuanto, “Akin et maoges so walad kanunotan yo?

Saray Huis 9:4

Initdan da na pitomplon pilak a kuartan nanlapud timplo nen Baal-na-Sipanan. Impangupa to may kuarta na sakey ya olup na totoon maoges, pian miolup irad sikato.