Daniel 11:23 - Maung A Balita Biblia

²³ Diad pipaknaan tod saray arum a bansa, palikdoen to ra, tan ombiskeg lan ombiskeg anggaman a melag a bansa so ooleyan to.

Maung a Balita Biblia

²³ Diad pipaknaan tod saray arum a bansa, palikdoen to ra, tan ombiskeg lan ombiskeg anggaman a melag a bansa so ooleyan to.

Daniel 11:23 Iomraidhean Croise

Genesis 34:13

Saramay lalakin anak nen Jacob et inebatan day marakep si Sikem tan si ama to, balet walad kanunotan dan palikdoen da ra lapud agawa ed kinen Dina ya agi ra.

Saray Salmo 52:2

Mamplaplano kay paneral mod saray arum; singa matdem a labahas so dilam. Naynay kan mantitila.

Probirbio 11:18

Saray totoon maoges anggapon tuay nagonggona ran kaabigan, balet no gawaen moy kaptekan andi-saew sikay natumangan.

Daniel 11:22

Siopamay toon onsumlang ed sikato, anggan say Pangulon Pari, et napatey tan naandipat.

Daniel 11:24

Looban ton anggapoy pasakbay so sakey a mayaman a luyag tan gawaen to ray bengatlan ag balut ginagawa na saray lalaki to. Insan to apagen ed saray totoo to iray antokaman a kagawaan tan kayaryan ya asamsam tod bakal. Mamplano na idogpa tod saray tirinsira, balet onkulang so panaon to.

Daniel 8:24

Ompalaloy biskeg to—balet aliwan lapud dilin pakayari to. Makapataktakot so panderal to tan onaligwas ed amin a gawaen to. Deralen to ray makapanyarin lalaki tan saray dilin totoo na Dios.

Daniel 8:25

Lapud masilib, mampalabo ed pampalikdo to. Ikinon toy laman ton dili tan pateyen ton anggapoy pasakbay iray dakel a totoo. Onsumlang ed anggan say sankatalonggaringan ya Ari, balet naderal ya anggapoy ikanan pakayari na too.

Saray Taga Roma 1:29

Napno ra na amin a kaogsan, kaambagelan, kinaagom tan maibobosul a kaisipan; napno ray imon tan maoges iran getma; maliket irad panagpatey, panagkolkol, tan panagsaol. Managtalabotob ira,

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

2 TESALONICA 2:9

Onsabi may Maoges ya awit toy pakayari nen Satanas. Manggaway amin a klasiy milagro, tan saray tila-tilan tanda tan pakelaw.