Daniel 11:22 - Maung A Balita Biblia

²² Siopamay toon onsumlang ed sikato, anggan say Pangulon Pari, et napatey tan naandipat.

Maung a Balita Biblia

²² Siopamay toon onsumlang ed sikato, anggan say Pangulon Pari, et napatey tan naandipat.

Daniel 11:22 Iomraidhean Croise

Isaias 28:15

Ipapanta yo ya akisipanan kayo ed patey tan akipaknaan kayod pasen a panaayaman da ray inaatey. Ag yo panduaduarowaan a napaliisan yoy deral no onsabi, lapud manmamatalek kayo ya iyagel kayo na saray tila tan saray palikdo.

Daniel 11:10

“Mamparaan a mibakal iray lalakin anak na ari na Siria tan mantipon ira na dakerakel a sondalo. Onlan singa delap so sakey ed sikara tan dogpaan toy tirinsira na kalaban.

Daniel 11:23

Diad pipaknaan tod saray arum a bansa, palikdoen to ra, tan ombiskeg lan ombiskeg anggaman a melag a bansa so ooleyan to.

Daniel 8:25

Lapud masilib, mampalabo ed pampalikdo to. Ikinon toy laman ton dili tan pateyen ton anggapoy pasakbay iray dakel a totoo. Onsumlang ed anggan say sankatalonggaringan ya Ari, balet naderal ya anggapoy ikanan pakayari na too.

Daniel 9:26

Diad kasamputan na sayan panaon napatey ya anggapoy kasalanan so pangulon pinili na Dios. Deralen na saray ondogpan sondalo na makapanyarin manoley so siudad tan say Timplo. Say kasamputan onsabin singa delap a taruk toy bakal tan deral ya imparaan na Dios.

Amos 8:8

Kanyan onyegyeg so mundo tan manermen so balang sakey a manaayam ed tapew na dalin. Nayegyeg so intiron bansa; onatagey tan nakusbo a singa Ilog na Nilo.

Amos 9:5

Didiwiten na Katawan a Dios a Makapanyarin-amin so mundo, et nayeyegyeg; maneermen ya amin iray totoon manaayam dia. Say intiron mundo et onaatagey tan nakukusbo a singa Ilog na Nilo.

Nahum 1:8

Say Katawan et singa baleg tan maples a delap a sigput ton dederalen iray kalaban to; ibabaki tod patey da iray onsusumlang ed sikato.