Daniel 11:2 - Maung A Balita Biblia

² Katwaan ira yay salitaen kod sika natan.” Samay anghil inkuanto, “Talora nin ari so manoley ed Persia, insan onsalat so kumapat a mayaman ni nen saramay talora. Diad kabisbiskegan to lapud kayamanan to, sagyaten ton mibakal so nanarian na Grecia.

Maung a Balita Biblia

² Katwaan ira yay salitaen kod sika natan. Samay anghil inkuanto, Talora nin ari so manaoley ed Persia, insan onsalat so kumapat a mayaman ni nen saramay talora. Diad kabisbiskegan to lapud kayamanan to, sagyaten ton mibakal so nanarian na Grecia.

Daniel 11:2 Iomraidhean Croise

Esdras 4:24

Apatonday kimey ed Timplo tan nansiansian ag adiwit ya anggad kumadwan taon na panooley nen Impirador Dario na Persia.

Esdras 4:7

Diad legan na panooley nen Impirador Artajerjes ed Persia nansulat ed impirador ira di Bislam, Mitredates, Tabeel, tan saray kakaiba ra. Say salitan Aramaica so inkana ed sayan sulat da, kanyan nepeg ya ipatalus no ibasa.

Ester 1:1

Nen ari si Asuero sakop toy sanlasus tan duamplo tan piton luyag manlapud India ya anggad Sudan.

Probirbio 22:21

tan ibangat dad sika no anto so peteg a katwaan. Diad ontan, niiter moy tuan ebat ed saray mangibakid sika.

Daniel 10:1

Nen kumatlon taon na panaari nen Ciro ed Persia, sinmabid kinen Daniel a tatawagen met na Beltsasar so salita. Tua ra so salita, balet mapalalon mairap a talusan. Nipaliwawad sikato diad panamegley na sakey a pasingayew.

Daniel 11:25

“Masebeg yan ari tan mabiskeg so linawa ton mantipon na dakerakel a sondalo, pian nadogpaan toy ari na Egipto a mamparaan met ya onlaban a kaiba to ray dakerakel tan makapanyarin sondalo to. Balet napalikdo so ari na Egipto, kanyan ag manalo.

Daniel 7:5

Say kumadwan ayep et singa uso ya akaalagey ed saginonur iran sali to. Sankatangal to ray taloran taglang tan walay bosis a nankuan ed sikato, “Sigi, mangan ka labat na karni ed anggaay nayarian mo!”

Daniel 8:21

Samay kanding et say nanarian na Grecia, tan samay maparparontal a saklur ed nanleetay mata to et say ononan ari.

Daniel 8:26

Ontuay pasingayew a nipaakar ed saray labi tan kabwasan a bagat a nipaliwawad sika. Balet iyamut mo ni natan lapud mabaybayag niy pakasumpal to.”

Daniel 8:4

Binantayan ko may karniro a bobonoen toy bandad sagur, baybay, tan diad abalaten. Anggapoy ayep a makapatondad sikato odino makapaliis ed pakayari to. Ginawa toy labay ton dili tan pinmalaloy inkalastug to.

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

Juan 10:35

Amta tayo ya ag nayarin paandien so ibabaga na Masanton Sulat. Say Dios tinawag toy diriyos iray angitdan toy salita to.

Puyan 21:5

Insan inkuanto may akayorung ed trono, “Natan, pasimbaloen ko ya amin iray bengatla!” Inkuantod siak ed satan, “Isulat mo ya, ta napanmatalkan tan tua ra yan salita.”