Daniel 10:9 - Maung A Balita Biblia

⁹ Nen nadngel koy bosis to, nipatiblak ak ed dalin tan nakalan ak na liknaan.

Maung a Balita Biblia

⁹ Nen nadngel koy bosis to, nipatiblak ak ed dalin tan nakalan ak na liknaan.

Daniel 10:9 Iomraidhean Croise

Genesis 15:12

Nen onseselek lay agew, akaogip na malmalet si Abram, tan balbaleg a takot so sinmabid sikato.

Genesis 2:21

Insan say Katawan a Dios pinaogip toy malmalet imay too; nen naogip, angoyus na sakey ed saray taglang to may laki, insan to kinopit so laman ya angalaan to.

Say Libro nen Job 33:15

Mansasalitay Dios ed panamegley na saray kogip tan saray pasingayew, diad labi no nanaogip iray totoo.

Say Libro nen Job 4:13

Singa ak nankogip na makapataktakot ed kasamisamitay ogip ko.

Kanta nen Solomon 5:2

Nen akaogip ak, abangon so liknaan ko. Akogip kon tinmoktok ed puirta so inarok. Paloob mo ak pa, O inarok, say pinablik ya aliling toy malimlimgas a malapati. Abasa na linaew so olok, apoyut na kelpa so buek ko.

Daniel 10:16

Insan samay anghil, a singa tooy nengneng to, et diniwit to ray bibil ko. Inkuankod sikato, “Pakakapoyen ak a maung na sayan pasingayew. Ag ontonday panggiwgiw ko.

Daniel 8:18

Legan ton mansasalita, niparugso ak tan ag ko amtay tapew na dalin. Balet binembenan to ak, tan impaalagey to ak,

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Lucas 22:45

Kasumpal ton nampikasi, pinmawil ed saray disipulo to. Asabian to ran nanaogip, ta mapalaloy ermen da.

Lucas 9:32

Nanaogip si Pedro tan saramay kaiba to, balet bigla ran abangon tan anengneng day mangatatawen a liwawa nen Jesus tan saramay duaran lalakin akaalagey a kaiba to.

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.