Daniel 10:1 - Maung A Balita Biblia

¹ Nen kumatlon taon na panaari nen Ciro ed Persia, sinmabid kinen Daniel a tatawagen met na Beltsasar so salita. Tua ra so salita, balet mapalalon mairap a talusan. Nipaliwawad sikato diad panamegley na sakey a pasingayew.

Maung a Balita Biblia

¹ Nen kumatlon taon na panaari nen Ciro ed Persia, sinmabid kinen Daniel a tatawagen met na Beltsasar so salita. Tua ra so salita, balet mapalalon mairap a talusan. Nipaliwawad sikato diad panamegley na sakey a pasingayew.

Daniel 10:1 Iomraidhean Croise

Genesis 41:32

Say impakapidwa na kogip mo kabaliksan to a say Dios tinibokel to lad kanunotan to yan gawaen, tan asingger lan nagawa.

2 Saray Awaran 36:22

Nen ononan taon na panooley ed Babilonia nen Impirador Ciro na Persia, imbaga na Katawan ed sikato a mangipaakseb na sakey a ganggan, paisulat to, insan to paibasay maksil ed inerman a pasen ed impirio. Agawa ya pian napatwa so imbaga na Katawan diad panamegley nen propita Jeremias.

Esdras 3:7

Angiiter iray totoo na kuartan ibayar ed saray kantiro tan saray karpintiro; angiiter met ira na saray kakanen, iinomen, tan larak na oliba ya ipapawit dad siudad na Tiro tan Sidon, a sikaray kasalat ira na saray kiew a sidro a manlapud Libano, ya ipaanur irad dayat ya anggad Joppe. Agawa ra yan amin diad impangyabuloy nen Impirador Ciro na Persia.

Esdras 4:3

Inkuan ed sikara di Zorobabel, Josue, tan saray pangulo da ray boleg, “Ag mi kaukolay tulong yod pangipaalagey na sakey a timplo para Katawan a Dios mi. Sikamin diliy mangipaalagey onung na ingganggan ed sikami nen Impirador Ciro na Persia.”

Esdras 4:5

Pinapasoksokan da ray opisyal ed gobirno, pian sumpaen da ra. Ag da tinondaan a ginagawa ya, legan na impanoley nen Impirador Ciro ya anggad impanoley nen Impirador Dario.

Esdras 6:14

Saray pangulo da ray Judio et maples so impangipaalagey dad Timplo, ta apabiskeg so linawa ra lapud saray salita di propita Aggeo tan Zacarias. Asumpal dan impaalagey so Timplo onung na impaiganggan ed sikara na Dios na Israel, tan di Ciro, Dario, tan Artajerjes ya impirador irad Persia.

Esdras 6:3

“Diad ononan taon na impanoley nen Impirador Ciro, ingganggan ton ipaalagey lamet ed Jerusalem so Timplo a pambagatan tan pangisaklangan na saray bagat a popoolan. Nepeg a talomplon mitro so kaatagey tan talomplon mitro so kaawang na ipaalagey lamet a Timplo.

Isaias 44:28

Ikokuankod kinen Ciro, ‘Sikay mangilaman ed siak a manoley; onuren mo so labay kon pagawad sika; iganggan mon nipaalagey lamet so Jerusalem tan nilira iray pundasion na Timplo.’”

Daniel 1:17

Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Daniel 1:21

Nansiansian kabyangan na opisyal na ari si Daniel ya anggad impakadakep ed Babilonia nen Ari Ciro, say impirador na Persia.

Daniel 1:7

Samay manonan opisyal et initdan to ra na balon ngaran: si Daniel atawag na Beltsasar, si Ananias atawag na Sadrac, si Misael atawag na Mesac, tan si Azarias atawag na Abednego.

Daniel 10:14

Linma ak dia, ta ipatalus kod sikay nagawad saray totoom diad arapen a panaon. Sikato yay pasingayew a nipaakar ed arapen a panaon.”

Daniel 11:2

Katwaan ira yay salitaen kod sika natan.” Samay anghil inkuanto, “Talora nin ari so manoley ed Persia, insan onsalat so kumapat a mayaman ni nen saramay talora. Diad kabisbiskegan to lapud kayamanan to, sagyaten ton mibakal so nanarian na Grecia.

Daniel 12:4

Inkuantod siak, “Natan, Daniel, ikaput mo la so libro tan timbrian mo ya anggad isabiy anggaan na mundo. Legan to ya, amayamay iray mandarak na sagput dan mangamta na kabaliksan na nagagawa.”

Daniel 12:9

Inmebat imay anghil, “Laka la, Daniel, ta nepeg ya iyamut ira yan salita tan ag iran balut ipaamta ya anggad onsabi lay anggaan.

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Daniel 4:8

Insan linmoob si Daniel. (Beltsasar met so tawag ed sikato; niboluy ed dios ko.) Walad sikato so ispiritu na saray masanton diriyos, kanyan imbagak ed sikato so akogip ko. Inkuankod sikato:

Daniel 5:12

Nidoma-doma so donung to tan makabat tan marunong ed panangipatalus na saray kogip, saray pabitla, tan diad panangipaliwawa na saray mistirio; kanyan paawit mo man a lakin manngaran na Daniel, a tinawag na ari na Beltsasar, ta ibaga tod sika so kabaliksan da ra ya.”

Daniel 5:17

Inmebat si Daniel, “Ag mo la nununoten itay pangiter mod siak na tumang; iter mo la ed arum a too. Ibasak ed Kagalang ya Ari so nisulat tan ibagak ed sika so kabaliksan to.

Daniel 6:28

Inmaligwas si Daniel legan na impanoley nen Dario tan legan na impanoley nen Ciro a taga Persia.

Daniel 8:16

Nadngel koy sakey a bosis na too a nanlapud pandel na Ilog na Ulai a kuanto, “Gabriel, ipaliwawam ed sikatoy kabaliksan na anengneng to.”

Daniel 8:26

Ontuay pasingayew a nipaakar ed saray labi tan kabwasan a bagat a nipaliwawad sika. Balet iyamut mo ni natan lapud mabaybayag niy pakasumpal to.”

Lucas 1:20

Manlapud natan naemel ka tan ag ka makasalita, anggad pakagawa na sayan imbagak, lapud ag mo panisiaan ya ontua ray imbagak ed sika no nasabiy niganan agew.”

Puyan 19:9

Insan inkuanto may anghil ed siak; “Isulat mo: Maliket iray inimbitaan ed ponsiay bansal na Kordiro.” Inkuanto ni, “Sikara yay tuan salitay Dios.”