Daniel 1:4 - Maung A Balita Biblia

⁴ Nepeg a guapo ra, maung iran impanolo, maung so inkapasal da, masiglat iran manaral, tan anggapoy antokaman a deral na laman da, pian manepeg iran manlingkur ed palasio. Si Aspenaz so nambangat ed sikara a mambasa tan mansulat na salita da ray taga Babilonia.

Maung a Balita Biblia

⁴ Nepeg a guapo ra, maung iran impanolo, maung so inkapasal da, masiglat iran manaral, tan anggapoy antokaman a deral na laman da, pian manepeg iran manlingkur ed palasio. Si Aspenaz so nambangat ed sikara a mambasa tan mansulat na salita da ray taga Babilonia.

Daniel 1:4 Iomraidhean Croise

2 Samuel 14:25

Diad intiron Israel anggapoy anggan sakey a toon mipara ed inkabantug nen Absalom lapud inkaguapo to; anggapoy deral to manlapud toktok na olo to ya anggad dapan to.

Probirbio 22:29

Ipanengneng mod siak so toon maung so kimey to, et ipanengneng kod sikay toon daeg to ray karaklan tan manepeg a kaiba na saray arari.

Ecclesiastes 7:19

Dakel niy nagawaan na kakabatan para sakey a too nen say nagawaan na samploran manoley para sakey a siudad.

Isaias 36:11

Insan inkuan di Eliakim, Sebna, tan Joa ed samay opisyal, “Mansalita kad sikamiy Aramaica, ta natalusan mi. Ag ka mansasalitay Hebreo, ta ondedengel iray totoon walad tapew na padir.”

Jeremias 5:15

Totood Israel, mangibaki so Katawan na sakey a bansan manlapud arawin pasen tan dogpaan to kayo. Mabiskeg tan abayag lan bansa, tan ag yo amta so salita ray totoo to.

Daniel 2:10

Inmebat ira may sumisimbawa, “Anggapod tapew na dalin, Kagalang ya Ari, so siopaman a makapangibagad sika na labay mon amtaen. Anggapoy ari, ya anggan say sankatalonggaringan tan sankamakapanyarian ed sikara, a mangiganggan na singa igaganggan mod saray managpalar, saray salamangkiro, tan saray managanitom.

Daniel 2:2

Impaawit to sirin iray managpalar, saray salamangkiro, saray managparles, tan saray managanito, ta ipaliwawa rad sikato imay kogip to. Kasabi ra nanalagey irad arap na ari,

Daniel 3:8

Lapud saya wala ray pigaran taga Babilonia ya anganamut na pankanawnawa ran mangidalem ed saray Judio.

Daniel 4:7

Insan niakar ed siak ya amin iray managparles, saray salamangkiro, saray managanito, tan saray astrologo, tan imbagak ed sikara so kogip ko, balet ag da nipaliwawad siak so kabaliksan to.

Daniel 5:11

Walay sakey a laki diad nanarian mo a walad sikatoy ispiritu na saray masanton diriyos. Nen si amam so ari, impanengneng na saman a too so kaabigan na kanunotan to, pakatalus to, tan say kakabatan to a singa kakabatan da ray diriyos. Si Ari Nabucodonosor ya amam et impagmaliw ton pangulo da ray managparles, saray salamangkiro, saray managanito, tan saray astrologo.

Daniel 5:7

Inmeyag ya angibaki na mangawit ed saray salamangkiro, saray managparles, tan saray astrologo. Kaloob da inkuan na ari ed sikara, “Siopamay makabasa na sayan sulat tan nibaga to no antoy kabaliksan to et kawesan na ambalangan kawes na ari, solungan na balituk a kolintas, tan magmaliw a mikatlod sankatageyan a manoley na nanarian.”

Daniel 9:1

Nanoley ed nanarian na Babilonia si Dario a taga Media tan lakin anak nen Asuero.

Zacarias 2:4

Kuantod samay inmabet, “Batik ka, ta ibagam ed samay lakin tobun-balo a sankaawit toy panagsukat, a nawalaan na amayamay a totoo tan baka so Jerusalem, kanyan diad gaway kaawang to ag nayarin paliberay padir.

Saray Gawgawa 7:20

Diad sayan panaon, nianak si Moises, sakey ya ogaw a maababig so nengneng to. Kinomisan dan taloy bulan ed abung na ama to.

Saray Gawgawa 7:22

Imbangat day Moises ed amin a kakabatan da ray Egipsio, tan nagmaliw a matalonggaring ed salita tan gawa.

TAGA-EFESO 5:27

pian niparontal tod sikaton dili so iglisia—marakep, anggapoy mansa o komanet to, masanto, malinis, tan anggapoy pakabalawan.

Saray Huis 8:18

Insan tinepet nen Gedeon ed kindi Zeba tan Zalmuna, “Kawalaan da ra may lalakin pinatey yod Tabor?” Inmebat ira, “Kaparparam ira—balang sakey ed sikara et singa ra anak na ari.”