Daniel 1:2 - Maung A Balita Biblia

² Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Maung a Balita Biblia

² Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Daniel 1:2 Iomraidhean Croise

Genesis 10:10

Diad gapo sakop na nanarian to so Babilonia, Erec, tan Acad, a wala ran amin ed dalin na Babilonia.

Genesis 11:2

Nen amaarap irad bokig, asabi ray patar ed Babilonia tan nanayam irad man.

2 Saray Arari 24:1

Legan na panaari nen Joakim, nilooban nen Ari Nabucodonosor na Babilonia so Juda, tan taloy taon ya apasoot si Joakim ya onsuko ed pakaoley nen Ari Nabucodonosor; balet ag abayag linmaban si Joakim.

2 Saray Awaran 36:5

Duamplo tan limay taon nen Joakim nen nagmaliw ya ari na Juda, tan nanoley ed Jerusalem na labinsakey taon. Nanggagawa na kaogsan ed arap na Katawan a Dios to.

2 Saray Awaran 36:7

Inala nen Nebucodonosor so pigaran kayamanan na Timplo, insan to ra inyan ed palasio Tod Babilonia.

Esdras 1:7

Inter nen Impirador Ciro ed sikara iray yaung tan saray kupa ya inaala nen Ari Nabucodonosor ed timplo na Jerusalem tan iniiyan to ra ed timplo na saray diriyos to.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 42:24

Siopay angipalimad Israel ed saray managsamsam? Say dilin Katawan a nankasalananan tayo! Ag tayo nambilay onung ed linawa to odino inmonur ed saray bangat to.

Jeremias 25:1

Diad kumapat a taon na panaarid Juda nen Joakim a lakin anak nen Josias, naawat ko so salita na Katawan nipaakar ed amin a totood Juda. (Sikato yay ononan a taon na panaarid Babilonia nen Nabucodonosor.)

Jeremias 27:16

Insan imbagak ed saray papari tan saray totoo a say Katawan kuanto: “Ag yo dedengelen iray propitan mangibabaga a magano lan nipawil manlapud Babilonia iray kayamanan ed Timplo. Titilaan da kayo.

Jeremias 28:3

Diad loob na duay taon ipawil kod sayan pasen iray amin a kayamanan ed Timplo ya inaala ra nen Ari Nabucodonosor tan inaawit to rad Babilonia.

Jeremias 35:11

Balet nen nilooban nen Ari Nabucodonosor so bansa, ginetma miy onlad Jerusalem pian nibatikan mi ray taga Babilonia tan saray sondalon taga Siria. Sikato yay makasengeg no akin et manaayam kami diad Jerusalem.”

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Jeremias 51:44

Dusaen koy Bel a dios na Babilonia, tan paipawil kod sikato ray tinatakew to; ag la igalang na saray bansa. “Atumba ray padir na Babilonia.

Daniel 5:13

Niakar a tampol ed arap na ari si Daniel, tan inkuan na ari ed sikato, “Sika so Daniel, sakey ed saramay Judio ya adakep nen amak ya ari tan inawit to dia a nanlapud Juda?

Daniel 5:18

“Say Sankatageyan a Dios impagmaliw ton matalonggaring ya ari si amam a Nabucodonosor tan kinawesan to na kagalangan tan pakapanyari.

Habacuc 1:16

Igagalang da ni ingen iray iket da tan mangibabagat irad sikara, lapud saray iket da so panlalapwan na saray sankaabigan a nakaukolan dad bilay.

Zacarias 5:11

Inmebat, “Diad Babilonia a diman da igawaan na timplo. No ayari lay timplon ipaalagey da, iyakar dad dalem imay baskit ta galangen na saray totoo.”

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Saray Huis 3:8

Kanyan akapasnuk so Katawan ed Israel, et inabuloyan toy Ari Cusan-risataim na Mesopotamia a nadakep to ra. Waloy taon a nagmaliw iran walad silong na pakaoley to.

Saray Huis 4:2

Kanyan say Katawan impadakep to rad kinen Jabin a Cananeo a nanarid siudad na Hazor. Say pangulo na saray sondalo to et si Sisara a nanayam ed Haroset-na-saray-Hintil.

1 Samuel 5:2

Inawit dad dalem na timplo na dios dan Dagon, tan inyan dad abay na talintao to.