COLOSAS 4:6 - Maung A Balita Biblia

⁶ Nepeg a marakep tan makaayayat lawas a dengelen so pananalita yo, tan nepeg ya amtaen yo no antoy manepeg ya iyebat yod balang sakey a too.

Maung a Balita Biblia

⁶ Nepeg a marakep tan makaayayat lawas a dengelen so pananalita yo, tan nepeg ya amtaen yo no antoy manepeg ya iyebat yod balang sakey a too.

COLOSAS 4:6 Iomraidhean Croise

1 Saray Awaran 16:24

Ibando yod saray bansa so kagalangan to, tan diad amin a katoowan iray makapakelaw a gawgawa to.

Saray Salmo 105:2

Kantaan yoy dayew so Katawan; ibelyaw yoy amin a makapakelkelaw iran gawgawa to.

Saray Salmo 119:13

Olit-oliten kon ibelyaw ya amin iray ganggan ya inter mo.

Saray Salmo 119:46

Ibawag kod saray arari iray ganggan mo, et ag ak ombaing.

Saray Salmo 45:2

Sikay sankaguapoan ed amin da ray lalaki; marunong kan manalita. Bibindisionan ka lawas na Dios!

Saray Salmo 66:16

Gali dia tan dengel kayo, amin yon mangigagalang ed Dios, ta ibagak ed sikayoy ginawa ton para siak.

Probirbio 10:21

Pankaabigan na amayamay a totoo iray salita na toon matonung, balet nayarin pateyen moy sikan dili lapud inkakulang-kulang.

Probirbio 15:4

Bilay so iiter na marakep iran salita, balet makaderal na kalakal iray maruksan salita.

Probirbio 15:7

Say pakaamta ikakayat na saray totoon makabat, aliwan saray makulang-kulang.

Ecclesiastes 10:12

Pakagalangan na makabat a too so bunga na saray salita to, balet kaderalan na makulang-kulang so bunga na saray salita to.

Ezekiel 43:24

insan mo ra iyakar ed siak. Saray papari pokopukan da ra na asin, insan da ra isaklang ed siak a sakey a bagat a popoolan.

Levitico 2:13

Laukan yo na asin iray amin a bagat a trigo, ta say asin mangilalaman na impisipanan na Dios ed sikayo. (Nepeg yon laukan na asin so amin a bagat yo.)

Mateo 5:13

“Sikayoy asin ed sankamundoan. No tinmabang lay asin, ag lan balut nipawil so gendat a taway to. Anggapo lan balut so kakanaan to, kanyan ibantak la tan nagatin-gatinan lay totoo.

Marcos 9:50

Maung so asin, balet no tinmabang la, panoy pakapangipawil na gendat a taway to? Magmaliw kayo komun a singa kipapasen na asin et, diad ontan, mareen so panoolup yo.”

Lucas 4:22

Indayew na amin a totoo, tan mankelaw irad saray mararakep a salita to. “Aliwa tan sikato ya may anak nen Jose?” tepet da.

TAGA-EFESO 4:29

Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

Deuteronomio 11:19

Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

COLOSAS 3:16

Nepeg a manayam ed puso yo so mayaman a salita nen Cristo. Diad amin a kakabatan mambabangatan tan mansisimbawaan kayo. Mankanta kayo ray salmo, imno, tan maispiritu ran kanta. Diad pankanta yo, misalamat kayod Dios diad puso yo.

1 Pedro 3:15

Pagalangan yod puso yo si Criston Katawan. Nepeg a sipaparaan kayon onebat ed siopaman a manepet no akin et walay ilalo yo.