COLOSAS 4:10 - Maung A Balita Biblia

¹⁰ Papaibanoay Aristarco a kaibak dian apriso, tan si Marcos a kapinsan nen Bernabe. (Wala la may bilin kod sikayon nipaakar ed kinen Marcos—maliket kayo komun a mangawat ed sikato.)

Maung a Balita Biblia

¹⁰ Papaibanoay Aristarco a kaibak dian apriso, tan si Marcos a kapinsan nen Bernabe. (Wala la may bilin kod sikayon nipaakar ed kinen Marcosmaliket kayo komun a mangawat ed sikato.)

COLOSAS 4:10 Iomraidhean Croise

Saray Gawgawa 12:12

Nen atebek toy kipapasen to, linmad abung nen Maria ya ina nen Juan a tatawagen met na Marcos. Amayamay a totooy nantitipon diman a mampikasi.

Saray Gawgawa 12:25

Nen asumpal di Bernabe tan Saulo lay kimey da, pinmawil la ran nanlapud Jerusalem. Intagar day Juan a tatawagen met na Marcos.

Saray Gawgawa 13:13

Manlapud Pafos, binmaliw ira di Pablo tan saray kakaiba to, tan sinmabi rad Perge na Pamfilia. Balet sinmian ed sikaray Juan a tatawagen met na Marcos tan pinmawil lad Jerusalem.

Saray Gawgawa 13:5

Nen sinmabi ran Salamina, impupulong day salitay Dios ed saray sinagoga na Judio. Kaiba ran katulongan da si Juan a tatawagen met na Marcos.

Saray Gawgawa 19:29

Kinmayat yan golo ed intiron siudad. Siningkat da ra di Gayo tan Aristarco, taga ra Macedonian kakaiba nen Pablo diad panliliber-liber to, insan da ra inggagayugoy ed plasa.

Saray Gawgawa 20:4

Akilad sikatoy Sopatro a taga Berea ya anak nen Pirro. Ontan met ya akila ra di Aristarco tan Segundo a taga ra Tesalonica, si Gayo a taga Derbe, si Timoteo, di Tikiko tan Trofimo a taga ra Asia.

Saray Gawgawa 27:2

Linmogan kamid barkon nanlapud Adramitio tan mamaarap ed saray puirtoy Asia, insan kami la sinmiput. Kaiba miy Aristarco, sakey a Macedoniano a taga Tesalonica.

Saray Gawgawa 4:36

Onyay ginawa nen Jose, sakey a Levitan taga Chipre, tan nginaranan na saray apostol na Bernabe (a say labay ton ibaga, “Managpabiskeg na Linawa”).

Saray Taga Roma 16:2

Lapud Katawan, awat yo onung na kanepegan a gawaen da ray totooy Dios, tan iter yo pay antokaman a nakaukolan tod sikayo, ta amayamay iray tinulongan to, tan siak so sakey ed sikara.

Saray Taga Roma 16:7

tan kindi Andronico tan Junia a kadalaan ko ra tan kaibak irad prisowan; bantug irad saray apostol tan akaona ran nagmaliw a Cristiano nen say siak.

2 Timoteo 4:11

Si Lucas labat lay kaibak dia. Laen moy Marcos tan itagar mo dia, ta dakel so nayarian ton itulong ed kimey ko.

Filemon 1:23

Papaibanoay Epafras a kaibak dian apriso, lapud Cristo Jesus.

Filemon 1:24

Ontan met a papaibanoan ira di Marcos, Aristarco, Demas, tan Lucas a kakimeyan ko ra.

1 Pedro 5:13

Papaibanoan iray agagi yon walad Babilonia, a kapara yo met iran pinili na Dios. Ibabano to ki met nen anak kon si Marcos.