COLOSAS 3:15 - Maung A Balita Biblia

¹⁵ Panoley yod puso yo so kareenan ya iter nen Cristo, ta sikato yay anawagay Dios ed sikayon amin pian magmaliw kayon kabyangay saksakey a laman. Misalamat kayo met.

Maung a Balita Biblia

¹⁵ Panoley yod puso yo so kareenan ya iter nen Cristo, ta sikato yay anawagay Dios ed sikayon amin pian magmaliw kayon kabyangay saksakey a laman. Misalamat kayo met.

COLOSAS 3:15 Iomraidhean Croise

Saray Salmo 100:4

Loob kayod saray puirta na Timplo a misasalamat kayo; laka yod saray patio to a mangidadayew kayo. Misalamat tan mangidayew kayod sikato.

Saray Salmo 107:22

Nepeg dan pisalamatan diad panamegley na saray bagat, tan ibawag day ginagawa to diad panamegley na saray kanta na liket.

Saray Salmo 116:17

Itdan ta kay bagat na pisasalamat tan mampikasi ak ed sika.

Saray Salmo 29:11

Pabibiskegen na Katawan iray totoo to, tan bibindisionan to ra na kareenan.

Isaias 26:3

Katawan, sika so mangiiter na nagnap a kareenan ed saray totoon mangyaapasakey na kanunotan dad sika, tan manmamatalek irad sika.

Isaias 27:5

Balet no saray kalaban na saray totook et pilalek dan iyagel ko ra, pikaaro yo rad siak. On, pikaaro yo rad siak.”

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 57:19

Itdan ko ran amin na kareenan, amin da ray walad arawi tan saray walad asingger! Paabigen ko ray totook.

Jonas 2:9

Balet mankanta ak na panangidayew ed sika; mangisaklang ak ed sika na bagat tan sumpalen ko so insipan ko. Manlalapud Katawan so kilalaban!”

Juan 14:27

“Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!”

Saray Taga Roma 1:21

Anggaman a kabat da lay Dios, ag da inggalang a Dios odino akisalamatan. Ingen, andikakanaan so kanunotan da tan abilongetan so ag makatalus ya otek da.

Saray Taga Roma 14:17

Ta say Panarian na Dios aliwan nipaakar ed panangan tan panaginom, no ag ingen nipaakar ed katonungan, kareenan, tan liket ya iter na Ispiritu Santo.

Saray Taga Roma 15:13

Say Dios a manangiter na ilalo panoen to kayo komuy liket tan kareenan lapud pananisia yod sikato, pian ombiskeg so ilalo yo diad panamegley na pakayariy Ispiritu Santo.

Saray Taga Roma 5:1

Natan ta apaandi la ray kasalanan tayod arap na Dios lapud pananisia, wala lay kareenan tid Dios diad panamegley nen Jesu-Cristo.

1 CORINTO 10:17

Lapud saksakey so tinapay saksakey itayon laman, anggaman ya amayamay itayo, ta saksakey a tinapay so pannanabangan tayo.

1 CORINTO 7:15

Balet no labay na asawan aliwan mananisia so misiyan ed asawa ton Cristiano, paolyan yo labat. Diad satan a nagawa, bolus lay Cristiano ya asawa, bii man o laki, ta tinawag itayoy Dios ed mareen a panagbilay.

2 CORINTO 4:15

Pankaabigan yo ra yan amin a nagagawa, tan diad ikakayat na panangasiy Dios ed saray totoo, ondakel so iter dan pisasalamat a pakagalangan na Dios.

2 CORINTO 9:11

Payamanen to kayo lawas, pian mabonluk lawas so panangiter yo, et dakel iray misalamat ed Dios lapud saray tulong yon naawat dad panamegley mi.

TAGA-EFESO 4:16

Lapud panangitonton to, maokoksuy ya amin iray kabyangay laman, tan say intiron laman et impampepeketan na saray langolangowan. No balang kabyangay laman et mankikimey onung ed kanepegan ton gawaen, ombaleg tan ombiskeg so intiron laman diad panamegley na aro.

TAGA-EFESO 4:4

Walay saksakey a laman tan saksakey ya Ispiritu; ontan met a walay saksakey ya ilalon anawagay Dios ed sikayo.

TAGA-EFESO 5:1

Alig yo so Dios, bangta anak to kayon inararo.

TAGA-EFESO 5:20

Lapud amin a bengatla, misalamat kayo lawas ed Dios Ama, diad ngaran na Katawan tayon Jesu-Cristo.

COLOSAS 1:12

Tan misalamat kid Ama a nanggawad sikatayon manepeg a minabang ed niparaan a tawiren da ray totoo to diad panarian na liwawa.

COLOSAS 2:7

Mansiansia kin malet ed sikato tan iletneg yod sikatoy bilay yo. Mampabiskeg kid pananisia yo onung na nibangat ed sikayo, tan misalamat kayo lawas ed Dios.

COLOSAS 3:17

Antokaman sirin a gawaen o salitaen yo, gawa yo ran amin diad ngaran na Katawan a Jesus, tan diad panamegley to, misalamat kayod Dios Ama.

1 TESALONICA 5:18

Diad anggan anton kipapasen misalamat kayod Dios, ta sikato yay linawa to para sikayo, diad pambibilay yon kaolup yoy Cristo Jesus.

1 Timoteo 2:1

Manonad amin, sirin, ipupurek ko a nisaklang komun ed Dios iray pikekerew, pikakasi, tagleey, tan pisasalamat para amin a katoowan.

1 Timoteo 6:12

Gawam so anggaay nayarian mon mibakal nipaakar ed pananisia, tan nagamuran mod satay bilay ya andi-anggaan ya anawagay Dios ed sika nen impaamtam so pananisiam ed arap na amayamay a tasi.

Saray Hebreo 13:15

Kanyan mangibagat tayo lawas na dayew ed Dios diad panamegley nen Jesus—dayew a mangibawag na pamirbir tayod ngaran to.

Puyan 7:12

Inkuanda, “Amen! Anggad angga komun a kayaryay Dios tayo so dayew, galang, kakabatan, pisasalamat, tanduro, pakayari, tan biskeg! Amen!”