COLOSAS 2:5 - Maung A Balita Biblia

⁵ Anggaman ya anggapod tay laman ko, wadtay ispirituk. Makaliliket ak diad impakaamtak ed maoksuy a kabibilay yo tan mabiskeg a pananisia yod Cristo.

Maung a Balita Biblia

⁵ Anggaman ya anggapod tay laman ko, wadtay ispirituk. Makaliliket ak diad impakaamtak ed maoksuy a kabibilay yo tan mabiskeg a pananisia yod Cristo.

COLOSAS 2:5 Iomraidhean Croise

2 Saray Awaran 29:35

Likud ed impangisaklang na saray bagat a popoolan, saramay papari et makaoley ira ed impanpool ed taba da ra may nisaklang a bagat a sinira na saray totoo, tan makaoley met ira ed impangipatoro na alak a nisaklang a kaiba da ray bagat a popoolan. Diad saya, ginmapo sirin so panangigalang ed Timplo.

Saray Salmo 78:37

Ag ira nansiansian matoor ed sikato, tan ag da sinumpal so impisipanan dad sikato.

Saray Salmo 78:8

Ag ira magmaliw a singa saray lalaki ra a matonganga tan bangar iran totoo; aliwan malet so panagmatalek dad Dios, tan ag ira nansiansian matoor ed sikato.

Saray Bilang 7:11

say Katawan kuantod kinen Moises, “Ibagam ed sikara a diad loob na labinduan agew, sakey ed sikara kapag sakey ya agew so mangyapay na saray rigalo ton para pangisaklang na altar.”

Saray Gawgawa 2:42

Intuloy day nanaaral ed saray apostol. Akiolup met iran sililiket ed saman ya olupan, tan akinabang irad panagpisag na tinapay, tan diad panagpikasi.

Saray Gawgawa 20:21

Impupulong kod saray Judio tan saray Hintil a nepeg day mampataulid saray kasalanan da, ompawil irad Dios, tan manisia rad Katawan a Jesu-Cristo.

1 CORINTO 11:34

No walay narasan, nepeg a mangad abung, pian ag mansumpal ed panusay Katawan so pantitipon yo. Nipaakar ed saray arum a bengatla, arigloan ko la no onsabi ak ditan.

1 CORINTO 14:40

Nepeg a maabig tan maoksuy so panggawa yod antokaman.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

1 CORINTO 16:13

Manalwar kayo, mampabiskeg kid pananisia, mampakpel kayoy linawa, tan mampabiskeg kid laman yo.

COLOSAS 2:1

Labay kon naamtaan yo so ontan lan seet kon nansagput para sikayo, para saray taga Laodicea, tan para saray amin ya ag da ak ni apilupaan.

1 TESALONICA 2:17

Agagi, nen niarawi kamin aganod sikayo—aliwan diad kanunotan no ag ta diad laman—maililiw kamid sikayo tan ontan lay pilalek min makapinengneng lamet ed sikayo!

1 TESALONICA 3:8

Say pansiansia yon malet ed pananisiad Katawan et mangiiter ed sikamiy bilay.

Saray Hebreo 3:14

Ta kaiba to itayon amin nen Cristo, no pansiansiaen tayon malet ya anggad kaonuran so panagmatalek a wala lad sikatayo nen saman.

Saray Hebreo 6:19

Sayan ilalo tayo et singa pataga na puso tayo—malet, napanmatalkan, tan ontalus ya anggad biek na kurtinay sankasantosan a pasen na Timplon mangatatawen.

1 Pedro 5:9

Pabiskeg yoy pananisia yo, tan sumpa yoy Diablo, ta kabkabat yon ag yo bukbukor so mantetepel na kairapan, no ag ingen pati saray amin a kapara yon mananisia a walad intiron mundo.

Ruth 1:18

Nen anengneng nen Noemi a milan milay Ruth ed sikato, ag la inmesel.