COLOSAS 1:23 - Maung A Balita Biblia

²³ Balet nakaukolan a mansiansia kayon malet tan mabiskeg ed pananisia. Ag yo aabuloyan a naekal so ilalon agamuran yo nen nadngel yoy Maung a Balita. Lapud sayan Maung a Balitan nipupulong ed amin a katoowan, siak, a si Pablo, et nagmaliw ak a managlingkur.

Maung a Balita Biblia

²³ Balet nakaukolan a mansiansia kayon malet tan mabiskeg ed pananisia. Ag yo aabuloyan a naekal so ilalon agamuran yo nen nadngel yoy Maung a Balita. Lapud sayan Maung a Balitan nipupulong ed amin a katoowan, siak, a si Pablo, et nagmaliw ak a managlingkur.

COLOSAS 1:23 Iomraidhean Croise

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Saray Tagleey 3:66

Osilan mo ra tan paandipat mo ra ed tapew na dalin!”

Ezekiel 18:26

No say toon matonung et ontondan manggaway kamaungan tan onggapon manggaway kaogsan insan ompatey, saray ginagawa ton kaogsan so makasengeg na impatey to.

Sofonias 1:6

Pateyen ko ray angibeneg ed siak, tan ag da ak la totombuken, saray ag onsisingger ed siak odino papaiwanwan ed siak.”

Marcos 16:15

Inkuantod sikara, “Laka kayod intiron mundo tan ipulong yoy Maung a Balita ed amin a pinalsa.

Lucas 22:32

Balet Simon, impikasi ta kan ag naandiy pananisiam. No pinmawil lay pananisiam ed siak, pabiskeg moy linawa da ray agagim.”

Lucas 6:48

Aliling toy sakey a toon angotkot na aralem, tan inletneg tod baton-dampay so pundasion na abung ya impaalagey to. Dinmelap, tan say maksil a danum binmasig ed saman ya abung, balet ag agalaw, lapud malet so inkagawa to.

Juan 15:6

Say ag mansiansiad siak, nibantak ed paway tan namagaan a singa sanga. Natipon tan nibantak ed apoy ira yan klasiy sanga, pian napoolan ira.

Saray Gawgawa 1:17

Kabkaiba mi nen saman, ta apili met a minabang ed panaglingkur.”

Saray Gawgawa 1:25

a magmaliw ya apostol ya onsalat ed kinen Judas a linma lad pasen a kanepegan to.”

Saray Gawgawa 1:8

Balet naitdan kayoy pakayari no onsabid sikayoy Ispiritu Santo, tan magmaliw kayon tasik ed Jerusalem, diad intiron Judea tan Samaria, tan diad amin a sokung na mundo.”

Saray Gawgawa 11:23

Nen sinmabid man tan anengneng toy pamibindision na Dios ed sikara makaliliket, tan binilin to ran amin a mansiansia ran matoor tan matwa ed Katawan diad intiron puso ra.

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”

Saray Gawgawa 2:5

Wala ray Judion nanlalapud amin a bansa ed intiron mundo, a manaayam ira natan ed Jerusalem tan totoo ran manangigalang ed Dios.

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Saray Gawgawa 26:16

Bangon ka tan alagey ka! Pinmayawar ak ed sika, ta pinili ta kan managlingkur. Ibalitam so anengneng mo ed siak natan tan say ipanengneng ko nid sika.

Saray Gawgawa 4:12

Diad sikato labat so pakalmoay kilalaban, ta anggapoy arum a ngaran ya inter na Dios ed saray katoowan diad intiron mundo a nepeg tayon kilabanan.”

Saray Taga Roma 10:18

Balet tepeten ko pa: Ag da kasi nadngel so Maung a Balita? Nadngel da, ta ibabagay Masanton Sulat: “Nadngel anggad iner a sokung na mundo so bosis da ray managpulong, tan kinmayat iray salita ya anggad saray samput na mundo.”

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Saray Taga Roma 5:5

Sayan ilalo ag to pabeteley linawa tayo, ta inkalbo lay Dios so aro tod puso tayo diad panamegley na Ispiritu Santo ya inter tod sikatayo.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

1 CORINTO 3:5

Siopay Apolos a? O siopay Pablo a? Aripen kami labat na Dios, ya inkana ton ananggoyur ed sikayo a manisia. Gagawaen na balang sakey ed sikami so kimey ya inawat tod Katawan.

2 CORINTO 10:1

Siak, a si Pablo, so dilin mikakasid sikayo—siak ya asalitan maoyo-yamo no kaiba ta kayo, balet masebesebeg no arawi ak. Diad panamegley na inkaoyamo tan inkaabig nen Cristo, pikasik ed sikayo ya

2 CORINTO 11:23

Managlingkur to ra nen Cristo? Mansasalita ak a singa ambagel, balet maung ak nin managlingkur nen Cristo nen say sikara. Dakel niy kinemeyan ko nen sikara, amimpiga-piga ak ya apriso, piga-pigay dinmadapon lewet ed beneg ko, tan naynay ak a walad sangab na lobuk.

2 CORINTO 3:6

Sikatoy angiter ed sikami na pakayari min manlingkur ed balon sipanan, say sipanan ya ag inletneg ed nisulat a ganggan, no ag ingen diad Ispiritu. Ta patey so iter na nisulat a ganggan, balet bilay so iter na Ispiritu.

2 CORINTO 4:1

Lapud panangasi na Dios, inter tod sikami yan panaglingkur, kanyan ag onkapoy so linawa mi.

2 CORINTO 6:1

Ontutulong kamid kimey na Dios, kanyan kekerewen mid sikayo ya ag yo dadaraken so baleg a panangaron inawat yod sikato.

TAGA GALACIA 4:11

Mapaga ak, ta ompan magmaliw ya andi-kakanaan so impansasagput kod sikayo.

TAGA GALACIA 5:5

Balet maniilalo kamid pananulong na pakayariy Ispiritu na Dios, a sikamiy napatonung ed arap na Dios diad panamegley na pananisia.

TAGA GALACIA 5:7

Maung la man komuy gagawaen yo! Siopay amatondad sikayo ed pangoonur yod katwaan?

TAGA GALACIA 6:9

Kanyan ag itayo onsasawan manggaway kamaungan; ta no ag tayo onsawa, andi-saew a manani tayo no onsabi lay panagani.

TAGA-EFESO 1:18

Ipipikasik a naliwawaan komuy kanunotan yo pian naamtaan yo no antoy ilalon impanawagan tod sikayo, no panoy kayaman na makapakelaw iran bindision ya insipan ton ipatawir ed saray totoo to,

TAGA-EFESO 2:21

Sikatoy pepeketay amin a partiy paalagey tan pagmamaliwen to a masagradon Timplo ed Katawan.

TAGA-EFESO 3:17

Ontan met a manayam komuy Cristo ed puso yo, diad panamegley na pananisia yod sikato. Ipipikasik ya onlamut tan onletneg kayo komun ed aro,

TAGA-EFESO 4:16

Lapud panangitonton to, maokoksuy ya amin iray kabyangay laman, tan say intiron laman et impampepeketan na saray langolangowan. No balang kabyangay laman et mankikimey onung ed kanepegan ton gawaen, ombaleg tan ombiskeg so intiron laman diad panamegley na aro.

Deuteronomio 2:25

Manlapud sayan agew pagmaliwen kon ontakot ed sikayo iray totood inerman a pasen. Diad pakabitla labat ed ngaran yo onggiwgiw lad takot so balang sakey a too.’

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.

COLOSAS 1:25

Say Dios ginawa to ak a managlingkur ed iglisia, pian natulongan ta kayo diad panggawak na kimey ya inter na Dios ed siak. Sayan kimey et say nasput a pangipulong na salitay Dios,

COLOSAS 2:7

Mansiansia kin malet ed sikato tan iletneg yod sikatoy bilay yo. Mampabiskeg kid pananisia yo onung na nibangat ed sikayo, tan misalamat kayo lawas ed Dios.

1 TESALONICA 3:3

pian anggapod sikayoy onkapoy lapud sarayan kairapan. Ta sikayon dili, amta yo a saray kairapan et kabyangan iray linaway Dios ed sikatayo.

1 TESALONICA 3:5

Kanyan nen ag ko la nitepel imbakik lad tay Timoteo a mangamta ed kipapasey pananisia yo. Ag la pigan atukso ki la na Diablo tan say sagput mid tan et magmaliw ya andi-kakanaan.

1 TESALONICA 5:8

Balet lapud wala tayod agew, kanepegan a malinew so kanunotan tayo. Nepeg tayon isolung so pananisia tan aro a pinagkasamper na pagew tayo, tan say ilalo ed kilalaban a pinagkahilmit tayo.

2 TESALONICA 2:16

Say Katawan tayon Jesu-Cristo tan say Dios ya Ama tayo ya angarod sikatayo tan angiter ed sikatayoy andi-anggaan a biskeg na linawa tan maung ya ilalo lapud panangasi to,

1 Timoteo 1:12

Misasalamat ak ed Katawan tayon Cristo Jesus, ya amabiskeg ed siak para sayan kimey ko, ta impasen to ak a manepeg diad impanoro tod siak a kumikimey to.

1 Timoteo 2:7

Lapud saya, atoro ak ya apostol tan bumabangat ed saray Hintil, pian nipulong kod sikaray nipaakar ed pananisia tan katwaan. Katwaay ibabagak, ag ak mantitila!

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

Tito 3:7

Natan lapud baleg a panangaro to, apatonung itayo tan natawir tayoy andi-anggaan a bilay ya iilaloan tayo.

Saray Hebreo 10:38

Mambilay ed pananisia so took a matonung, balet no benegan to ak, ag ko pakaliketan.”

Saray Hebreo 3:14

Ta kaiba to itayon amin nen Cristo, no pansiansiaen tayon malet ya anggad kaonuran so panagmatalek a wala lad sikatayo nen saman.

Saray Hebreo 3:6

Balet si Cristo matoor ya Anak ya inkargadod abung na Dios. Sikatayoy abung to, no mansiansiay panagmatalek tan biskeg na linawa tayo ed iilaloan tayo.

Saray Hebreo 4:14

Kanyan pabiskegen tayo lawas so pananisia tayo, ta walay matalonggaring a Pangulon Pari tayo a linmoob ed kawalaay Dios—si Jesus ya Anak na Dios.

Saray Hebreo 6:19

Sayan ilalo tayo et singa pataga na puso tayo—malet, napanmatalkan, tan ontalus ya anggad biek na kurtinay sankasantosan a pasen na Timplon mangatatawen.

1 Pedro 1:3

Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

1 Juan 2:27

Balet nipaakar ed sikayo, inter nen Cristo so Ispiritu tod sikayo. Dapot mansiansiay Ispiritu tod sikayo, ag yo nakaukolay siopaman a mangibangat ed sikayo. Say Ispiritu to so mangibangat ed sikayo na amin a bengatla, tan say katwaan so ibangat tod sikayo, aliwan say tila. Onur yo sirin so bangat na Ispiritu tan mansiansia kayod Cristo.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.