COLOSAS 1:15 - Maung A Balita Biblia

¹⁵ Si Cristo et indengan na Dios ya ag nanengneng. Sikatoy pangulowan ya Anak, manona nen say amin a pinalsa.

Maung a Balita Biblia

¹⁵ Si Cristo et indengan na Dios ya ag nanengneng. Sikatoy pangulowan ya Anak, manona nen say amin a pinalsa.

COLOSAS 1:15 Iomraidhean Croise

Saray Salmo 89:27

Pagmaliwen kon anak kon pangulowan, say sankatalonggaringan ed amin da ray arari ed mundo.

Exodo 24:10

insan anengneng da so Dios na Israel a manalalagey ed pasen a sapiro tan malinew a singa kolur na tawen.

Saray Bilang 12:8

Kanyan misasalita ak ed sikato a lupa-lupaan; malinew so pisasalitak ed sikato aliwan diad masoliwet a panagsalita; anengneng to ni ingen so alagey ko! Akin et nitepel yo so nansalita na sumpad aripen kon Moises?”

Juan 1:1

Diad gapoy gapo wala la so Salita. Say Salita kaibay Dios tan sikatoy Dios.

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

Juan 1:18

Anggapo nin balut so akanengneng ed Dios, balet sikatoy impaamta na bogbogtung ya Anak a Dios ya inararon maung na Ama.

Juan 14:9

Inmebat si Jesus, “Abayag lan kaiba yo ak, balet ag mo ak ni amta, Felipe? Say akanengneng ed siak, anengneng to lay Amak. Akit kekerewen mon ipanengneng koy Ama ed sikayo?

Juan 15:24

Anggapo komuy kasalanan da no ag ak nanggagawad pegley da na saray kimey ya anggapo niy toon akagawa. Balet natan anengneng da ray ginagawak, et siansian bobosulen da ak tan say Amak.

Juan 3:16

Ta diad ontan lan panangaroy Dios ed sankamundoan inter toy bogbogtung ya Anak to, pian siopamay manisiad sikato et ag nabalang no ag ingen nawalaay bilay ya andi-anggaan.

Saray Taga Roma 8:29

Saray pinili na Dios a kayaryan ton nanlapud gapo et inggana to ran miolibay ed Anak to, pian say Anak so magmaliw a pangulowad saray amayamay a sanaagi.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

FILIPOS 2:6

Anggaman a walad sikatoy inka-Dios, ag to impasoot a mansiansian kaparay Dios.

COLOSAS 1:13

Inlaban to itayon nanlapud kabilongetan tan inyalis to itayod panarian na inararo ton Anak.

1 Timoteo 1:17

Diad andi-anggaan ya Ari, ag ompatey, tan ag nanengneng, say saksakey a Dios so kawalaan komuy dayew tan galang ed ando lan ando! Amen.

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

Saray Hebreo 1:3

Say Anak isisinag toy liwawa na kagalangay Dios, ta walad sikatoy peteg ya inka-Dios na Dios. Sikatoy manaasikasod sankamundoan diad panamegley na makapanyarin salita to. Kasumpal ton nilinisan iray katoowan ed saray kasalanan da, inmirung ed nikawanay Dios, say Sankatageyan a Pakayari.

Saray Hebreo 1:6

Nen say Dios et ngalngali to lan ibakid sankamundoan so bogbogtung ya Anak to, inkuanto, “Sikatoy nepeg ya igalang na amin da ray anghil na Dios.”

Saray Hebreo 11:27

Lapud pananisia, tinaynan nen Moises so Egipto tan ag to tinakotan so pasnuk na ari; mabisbiskeg so linawa to, tan singa anengneng toy ag nanengneng a Dios.

Puyan 3:14

“Isulat mod anghil na iglisia ed Laodicea: “Sikato yay ibabaga na manngaray Amen, say matoor tan tuan tasi, a sikatoy nanlapway amin a pinalsay Dios.