Amos 9:4 - Maung A Balita Biblia

⁴ No nadakep ira na saray kalaban da, iganggan kon pateyen da ra. Ginetmak lan deralen, aliwan tulongan ira.”

Maung a Balita Biblia

⁴ No nadakep ira na saray kalaban da, iganggan kon pateyen da ra. Ginetmak lan deralen, aliwan tulongan ira.

Amos 9:4 Iomraidhean Croise

Genesis 44:21

Ingganggan mon awiten mi dia, pian nanengneng mo,

2 Saray Awaran 16:9

Iimanoen a maung na Katawan so sankamundoan, pian naitdan to na pakayari iray totoon matoor ed sikato so kapusoan da. Kakulang-kulangan so ginawam, kanyan manlapud natan lawas kan mibakal.”

Saray Salmo 34:17

Saray matonung ontatawag irad Katawan, et dedengelen to ra; iyaagel to rad amin a gunigon da.

Exodo 14:24

Et nen mampalbangon la say Katawan, manlapud lusek ya apoy tan lusek a lorem, inosdungan to ray sondalon Egipsio tan ginegewgew to ra.

Jeremias 12:12

Manlapud biek na amin a niatagey a kabueran dinmadagon manderal iray totoo. Angibaki ak na bakal a manderal ed intiron bansa; anggapoy makapambilay ed kareenan.

Jeremias 21:10

Ginetmak la ya ag ko iyagel yan siudad, no ag ta deralen ko. Nipalima ed ari na Babilonia tan poolan ton temeken. Siak, say Katawan, so nansalita.”

Jeremias 24:6

Asikasoen ko ra tan ipawil ko rad sayan dalin. Iletneg, aliwan temeken, ko ra; itanem, aliwan baguten, ko ra.

Jeremias 39:12

“Laka ta anap moy Jeremias tan asikasom a maung. Ag mo papasakitan, tan iter mo so antokaman a labay to.”

Jeremias 39:16

ya ibagak ed kinen Ebed-melec a taga Sudan a say Katawan a Makapanyarin-amin a Dios na Israel inkuanto, “Deral so iyakar kod sayan siudad, aliwan say aligwas, onung na nibagak lan gawaen ko. No nagaway onya, wadtan kan makaimatun.

Jeremias 44:11

“Kanyan siak, say Katawan a Makapanyarin-amin a Dios na Israel, sumpaen ta kayo tan deralen koy intiron Juda.

Ezekiel 5:12

Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.

Ezekiel 5:2

Poolan mod siudad so kakatlo to kayariy kalakob to. Alam so sananey a kakatlo tan tartartar mo na ispadam legan mon liliberen so paway na siudad. Ibuyandak mod tagey so akeraan a kakatlo, insan ko ra osil-osilan na ispadak.

Levitico 17:10

No walay Israelita odino sangkailin manaayam ed kawalaan da ray Israelita a mangan na dala, sumpaen na Katawan tan ag to la ibilang a sakey ed saray totoo to.

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Amos 9:8

Siak, say Katawan a Dios, et babantayan ko yan makasalanan a nanarian na Israel, tan deralen kod tapew na dalin. Balet ag ko deralen ya amin iray kabyangay boleg nen Jacob.

Zacarias 8:10

Kasakbayan to man a panaon anggapoy toon nayarian toy mangupa na totoo odino ayayep, tan anggapoy toon ag igagaem na kalaban to. Impanbubusolan kod saman ya amin iray totoo.