Amos 9:2 - Maung A Balita Biblia

² Anggan mangotkot iran onlad pasen a panaayaman da ray inaatey, naerel ko rad man. Anggan onkalab irad tawen, iyepas ko ra.

Maung a Balita Biblia

² Anggan mangotkot iran onlad pasen a panaayaman da ray inaatey, naerel ko rad man. Anggan onkalab irad tawen, iyepas ko ra.

Amos 9:2 Iomraidhean Croise

Say Libro nen Job 20:6

Nayarin ombaleg ya anggad tawen, tan diad kaatagey to natokdul na olo to iray lorem,

Say Libro nen Job 22:13

Balet tetepeten mo, ‘Antoy amta na Dios? Asaniban na lorem—panoy pakapansintinsia tod sikatayo?’

Say Libro nen Job 24:23

Nayarin say Dios pambilayen to ya arawid kaatapan, balet ag to alisay mata anggan kapigan.

Say Libro nen Job 26:6

Sankanengneng na Dios so pasen a panaayaman da ray inaatey; anggapoy makasanib ed mata to.

Say Libro nen Job 34:22

Diad imaton na Dios anggapoy bilonget a nayarin mananib ed makasalanan.

Isaias 2:19

Onamut iray totood saray ongib na kapokdulan odino diad saray abut ed dalem na dalin, pian napaliisan day pasnuk na Katawan tan niamutan day pakayari tan kagalangan to, no sikatoy onsabi a manyegyeg ed mundo.

Jeremias 49:16

Pinalikdo ka na panagpaatagey mo. Anggapoy ontatakot ed sika ya aliwan singa iisipen mo. Manaayam kayod saray mabaton diking na kapalandeyan, atagey diad toktok na palandey; balet anggaman a manayam kayod atagtagey a singa kawalaay obung na agila, iyakseb kayo na Katawan. Say Katawan so nansalita.”

Jeremias 51:53

Anggan makasegep ed tawen so Babilonia, tan manggawad may mabiskeg a tirinsira, siansian mangibaki ak na saray totoon maneral ed sikato. Siak, say Katawan, so nansalita.”

Ezekiel 26:20

Iyakar ta kad pasen a kawalaan da ray inaatey, pian makapikasakey kad saray totoon nambibilay nen saman a panaon. Panayamen ta kad man a kaibam iray andi-anggaan a deral-deral tan saray inaatey. Lapud saya ag ka lan balut natoowan tan anggapo lay pasen mon balut ed dalin da ray mabilay.

Ezekiel 31:14

Kanyan manlapud natan, anggapo la so kiew, anggaman anto lay pakasalog ed sikato, ya ombaleg a singa saman odino makasabid kaloreman so toktok to tan naparaan to man a kabaleg. Amin da asintinsiaan ya ompatey iran singa saray ompatey a totoo, asintinsiaan iran mikasakey ed saray oonla ed pasen a panaayaman da ray inaatey.”

Obadias 1:4

Anggan ipaalagey mod atagtagey a pasen so abung mo, ya atagtagey a singa kawalaan na obung na agila, ta pian singa ka walad kawalaan da ray bitewen, igoyur ta kan siansia ed leksab.

Lucas 10:18

Inmebat si Jesus, “Anengneng koy Satanas a naplag a singa kirmat a nanlapud tawen!