Amos 9:14 - Maung A Balita Biblia

¹⁴ Ipawil kod dalin da iray totook. Pasimbaloen dan ipaalagey iray aderal-deral a siudad da tan manayam irad man; mantanem ira na saray ubas tan inomen da ray alak da; mantanem ira na saray tanaman tan kanen da ray bunga ra.

Maung a Balita Biblia

¹⁴ Ipawil kod dalin da iray totook. Pasimbaloen dan ipaalagey iray aderal-deral a siudad da tan manayam irad man; mantanem ira na saray ubas tan inomen da ray alak da; mantanem ira na saray tanaman tan kanen da ray bunga ra.

Amos 9:14 Iomraidhean Croise

Saray Salmo 107:37

Pinasekan da ray kaalogan tan tinaneman day ubas, et akaani ra na daakan.

Saray Salmo 53:6

Oy la komun ta nagamuran la na Israel so pananalo a manlalapud Sion! Ontan lay panliket na saray totood Israel no paaligwasen ira lamet na Katawan.

Isaias 60:4

Nengneng kad kaliber-liber mo, tan imanom no antoy nagagawa: Mantitipon iray totoom ya onsempet la! Manlapud arawin pasen iray anak mon lalaki; Naawit a singa ogogaw iray anak mon bibii.

Isaias 61:4

Ipaalagey da lamet iray siudad ya abayag la ran aderal-deral.

Isaias 65:21

Mangipaalagey na kaabungan iray totoo tan panayaman da—ag ira ikana na arum a totoo. Mantanem ira na saray ubas tan manliket iran mangan na bunga—aliwan saray arum so mangan. Saray totook mambilay ira na andokey a singa saray kiew. Sigput dan pambilay iray bengatlan nansagputan da.

Jeremias 12:15

Balet kayarik iran pataynanen, kasian ko ra; ipawil koy balang too ed dilin baley to tan diad dilin bansa to.

Jeremias 16:15

Ingen mansamba rad siak a mabilay a Dios ya angipaway ed saray totood Israel manlapud dalin ed baybay tan manlapud amin a bansan angikaykayatan kod sikara. Ipawil ko rad dilin bansa ra, say dalin ya inter kod saray lalaki ra. Siak, say Katawan, so nansalita.”

Jeremias 23:8

Ingen mansamba ra a kuanda, ‘Nitay mabilay a Dios ya angipaway na saray totood Israel ed baybay a bansa tan angipaway met ed sikara ed saray amin a bansa ya angikayatan tod sikara.’ Insan irad satan manayam ed dilin dalin da.”

Jeremias 24:6

Asikasoen ko ra tan ipawil ko rad sayan dalin. Iletneg, aliwan temeken, ko ra; itanem, aliwan baguten, ko ra.

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

Jeremias 30:3

ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

Jeremias 31:23

Say Katawan a Makapanyarin-amin a Dios na Israel kuanto, “No papawilen kod dalin da iray totook, ibaga da lamet ed dalin na Juda tan saray baley to, ‘Bindisionan komun na Katawan so masanton palandey na Jerusalem, say masanton pasen a panaayaman to.’

Jeremias 31:28

Onung na impangasikasok ed impamagut, impangibalsak, impangipatalo, impaneral, tan impamataynan kod sikara, ontan met so pangasikasok ed pangiletneg tan pamasimbaloy kipapasen da.

Jeremias 31:5

Taneman yo lamet iray kaubasan ed toktok na kapokdulan na Samaria, tan saray mantanem kanen da ray bungay kaubasan.

Jeremias 32:15

Imbaga na Katawan a Makapanyarin-amin, say Dios na Israel, a nasaliw lamet ed sayan dalin iray kaabungan, kaalogan, tan saray kaubasan.”

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Jeremias 33:7

Paaligwasen koy Juda tan Israel, tan ipawil koy gendat a kipapasen da.

Ezekiel 16:53

Say Katawan kuantod Jerusalem, “Paaligwasen ko lamet so Sodoma tan saray bario to, say Samaria tan saray bario to. On, paaligwasen ta ka met.

Ezekiel 28:26

Manayam irad man ya arawid kaatapan. Mangipaalagey ira na saray abung tan mantanem ira na saray ubas. Dusaen kon amin iray walad kaliber-liber na Israel a nambabalaw ed sikato, et niarawid kaatapan so Israel. Diad satan naamtaan da a siak so Katawan a Dios da.”

Ezekiel 37:21

Ibagam ed sikara a siak a Katawan a Dios et alaen kon ipaway ed nandoroman bansa a nikaykayatan na amin a totook, pantitiponen ko ra, insan ko ra iyakar ed dilin dalin da.

Ezekiel 39:25

Say Katawan a Dios kuanto, “Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.

Amos 5:11

Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya ipapaalagey yo odino oninom ed alak a manlapud saray mararakep ya ubas ya itatanem yo.

Sofonias 1:13

Nasamsam iray kayamanan da tan naderal iray kaabungan da. Ag iran balut makapanayam ed abung ya ipapaalagey da odino natawayan so alak a manlapud itatanem dan kaubasan.”

Sofonias 2:7

Say dalin yo panayaman na saray taga Juda ya akapaliis ed patey. Ipastol da rad may karniro ra tan manogip irad saray kaabungan ed Ascalon. Asikasoen ira na Katawan a Dios da tan paaligwasen to ra lamet.