Amos 9:10 - Maung A Balita Biblia

¹⁰ Napatey ed bakal iray makasalanan a totook—amin da ray mangibabagay, ‘Ag iyabuloy na Dios a napasakitan itayo.’”

Maung a Balita Biblia

¹⁰ Napatey ed bakal iray makasalanan a totookamin da ray mangibabagay, Ag iyabuloy na Dios a napasakitan itayo.

Amos 9:10 Iomraidhean Croise

Saray Salmo 10:11

Say toon maoges kuantod sikaton dili, “Anggapoy pibabali na Dios! Inlikdem to ray mata to, kanyan ag to ak balut nanengneng!”

Ecclesiastes 8:11

Akin et maininomay a manggaway kaogsan iray totoo? Lapud ag nadudusan tampol so kaogsan.

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Isaias 5:19

Kuanyo, “Mangganat la komun so Katawan a manggawa ed imbaga ton gawaen, pian nanengneng mi. Sumpalen la komun na masanton Dios na Israel iray plano to; naamtaan mi la komun so walad kanunotan to.”

Isaias 56:12

Sarayan bueken kuanda, ‘Mangala tayoy alak tan maninom tayoy laba-labay tayo! Nabwas lalon maliket tayo, ta dakel niy alak a nainom tayo nen say natan.’”

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Jeremias 23:17

Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.”

Ezekiel 20:38

Ekalen kod sikayo ray mananumpa tan makasalanan. Ekalen ko rad saray dalin a panaayaman da natan, balet ag ko ra abuloyan ya ompawil ed dalin na Israel. Naamtaan yod satan a siak so Katawan.”

Amos 6:1

Pangaskasiyan so kipapasen yo, sikayon mainomay so pambibilay yod Sion tan sikayon taga Samaria ya abaloan yon arawi kayod kaatapan—sikayon totoon matalona ed sayan bansan Israel a dadagoen a kerewan na tulong na saray arum a totoo!

Amos 6:3

Ag yo birbiren ya onsasabi so agew na deral, balet say gagawaen yo papaganoen yoy isabi na saman ya agew.

Amos 9:8

Siak, say Katawan a Dios, et babantayan ko yan makasalanan a nanarian na Israel, tan deralen kod tapew na dalin. Balet ag ko deralen ya amin iray kabyangay boleg nen Jacob.

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

Malakias 3:15

Onung na nanenengneng tayo, saray mapaatagey a totoo so maliket. Ag labat onaaligwas iray totoon maoges, no ag ingen panusubok dad anos na Dios iray maoges a gagawaen da tan napapaliisan da.’”

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.