Amos 8:9 - Maung A Balita Biblia

⁹ Onsabiy panaon a paseleken ko so agew no kaagwan tan pabilongetan ko so mundo no agew. Siak, say Katawan a Dios, so nansalita.

Maung a Balita Biblia

⁹ Onsabiy panaon a paseleken ko so agew no kaagwan tan pabilongetan ko so mundo no agew. Siak, say Katawan a Dios, so nansalita.

Amos 8:9 Iomraidhean Croise

Say Libro nen Job 5:14

anggan diad kagkaagwan karapkarap irad kabilongetan.

Isaias 13:10

Ontondan onsinag iray bitewen tan amin da ray onsisinag a walad liwang, ambilonget so agew no ompaway, tan ag onsinag so bulan.

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Jeremias 15:9

Nalmay so inan naandi so pitoran anak to, abot-aboten toy linawa to. Nagmaliw a kabilongetan so liwawan walad sikato; napnoy kababaingan tan kinmapoy so liknaan to. Papatey kod saray kalaban yo iray akeraan nid sikayon mabilay. Siak, say Katawan, so nansalita.”

Ezekiel 32:7

No deralen ta ka, kobutan koy tawen tan pabilongeten ko ray bitewen. Onamut ed kaloreman so agew tan ag onsinag so bulan.

Amos 4:13

Say Dios so nanggawad saray kapalandeyan tan pinalsa to so dagem. Ipapaamta tod too iray kanunotan to; pagmamaliwen ton labi so agew. Manaakar ed tapew na saray atatagey a pasen diad mundo. Saya so ngaran to: Yahweh a Dios a Makapanyarin-amin!

Amos 5:8

Say Katawan pinalsa to ray bitewen, say Pleiades tan Orion. Pagmamaliwen ton liwawa so bilonget tan agew so labi. Tatawagen to ray danum na dayat tan ikakalbo to rad tapew na dalin. Yahweh so ngaran to.

Mikias 3:6

“Sikayon propita, ngalngali la manganggay agew yo; naselekan kayo la na agew. Lapud papalikdoen yo ray totook, ag kayo la makanengneng na pasingayew, tan ag kayo la makapampropisiya na tua.”

Zacarias 14:7

odino bilonget. Wala lawas so liwawa na agew anggan panaon na labi. Say Katawan labat so makapikabat no kapigay pakagawa to ya.

Mateo 24:29

“Kasumpal na satan a kairapan, ombilonget so agew tan ag la onsinag so bulan. Napelag iray bitewen a manlapud tawen, tan saray pakayarid liwang ag da natombuk so gendat a kinaoksuy da.

Mateo 27:45

Nanlapud alas dosi ya anggad alas tris na ngarem, binmilonget so intiron dalin.

Marcos 15:33

Nanlapud alas dosi ed kaagewan, say intiron dalin binnilonget ed loob na taloy oras.

Lucas 23:44

Sakey ya alas dosid kaagewan ya anggad alas tris ed ngarem nen binmilonget so intiron dalin,

Puyan 6:12

Ninmengneng ak nen inekal na samay Kordiro so kumanem a timbri. Yinmegyeg na makmaksil, dinmeket a singa baliwan so agew, tan binmalangan singa dala so intiron bulan.

Puyan 8:12

Nen sinibuk na kumapat ya anghil so trumpita to, aderal so kakatloy agew, bulan, tan bitewen, kanyan naandiy kakatlon liwawa ra. Binmilonget so kakatloy labi tan kakatloy agew.