Amos 8:8 - Maung A Balita Biblia

⁸ Kanyan onyegyeg so mundo tan manermen so balang sakey a manaayam ed tapew na dalin. Nayegyeg so intiron bansa; onatagey tan nakusbo a singa Ilog na Nilo.

Maung a Balita Biblia

⁸ Kanyan onyegyeg so mundo tan manermen so balang sakey a manaayam ed tapew na dalin. Nayegyeg so intiron bansa; onatagey tan nakusbo a singa Ilog na Nilo.

Amos 8:8 Iomraidhean Croise

Saray Salmo 18:7

Insan ginmiwgiw tan yinmegyeg so dalin; ginmalaw tan ayegyeg iray pundasion na kapalandeyan tan amasnuk so Dios.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Jeremias 12:4

Kapigay itonda na sayan inkamagaay dalin mi, tan say inkalenes na karikaan ed kaalogan? Ompapatey iray ayayep tan saray manok, lapud kaogsan na saray totoon manaayam ed sayan dalin, ya ibabaga ra, ‘Ag nanenengneng na Dios so gagawaen mi.’”

Jeremias 46:7

Siopa yay ontatagey a singa Nilo, singa sakey ya ilog ya onsasapat ed pangdel so danum to?

Jeremias 46:8

Say Egipto, ya ontatagey a singa Nilo, a singa sakey ya ilog ya onsasapat ed pangdel so danum to. Inkuan na Egipto, ‘Ontagey ak tan salinapen koy mundo; deralen ko ray siudad tan saray totoon manaayam ed sikara.

Jeremias 51:29

Manggiwgiw so sankamundoan lapud susumpalen na Katawan so plano to a pagmaliwen a nikaindan a pasen so Babilonia; kanyan anggapo lad may toon malabay a manayam.

Daniel 9:26

Diad kasamputan na sayan panaon napatey ya anggapoy kasalanan so pangulon pinili na Dios. Deralen na saray ondogpan sondalo na makapanyarin manoley so siudad tan say Timplo. Say kasamputan onsabin singa delap a taruk toy bakal tan deral ya imparaan na Dios.

Oseas 10:5

Ontakot iray totoon manaayam ed siudad na Samaria tan ermenan day inkabalang na balituk a bakan kalakyan ed Betel. Sikara tan saray paparin manlilingkur ed talintao et nangisan da may inkabalang to. Pandageyeman da so inkaandi na bantug a kagalangan to.

Oseas 4:3

Kanyan say dalin onkelang, tan ompatey ya amin iray manaayam. Ompatey ya amin iray ayayep, amin a manok, tan amin a sira.”

Amos 8:10

Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.

Amos 9:5

Didiwiten na Katawan a Dios a Makapanyarin-amin so mundo, et nayeyegyeg; maneermen ya amin iray totoon manaayam dia. Say intiron mundo et onaatagey tan nakukusbo a singa Ilog na Nilo.

Nahum 1:8

Say Katawan et singa baleg tan maples a delap a sigput ton dederalen iray kalaban to; ibabaki tod patey da iray onsusumlang ed sikato.

Mateo 24:30

Insan onletaw ed tawen so tanday Anak na Too. Onakis ya amin iray totood intiron mundo, tan nanengneng day Anak na Too a walad lorem tan onsasabin walay baleg a pakayari tan kagalangan.