Amos 8:6 - Maung A Balita Biblia

⁶ Makalako kami met la na mablin trigo, anggaman ya andi-kana la ra. Mananap kami na toon mairap-bilay ya ag to nabayaray utang ton anggan say bili labat na sankaparis a sandalya, insan mi la saliwaen ya aripen.”

Maung a Balita Biblia

⁶ Makalako kami met la na mablin trigo, anggaman ya andi-kana la ra. Mananap kami na toon mairap-bilay ya ag to nabayaray utang ton anggan say bili labat na sankaparis a sandalya, insan mi la saliwaen ya aripen.

Amos 8:6 Iomraidhean Croise

Nehemias 5:8

Inkuankod sikara, “Gagawaen tayoy anggaay nayarian tayon manondon ed saray agagi tayon Judio a nilako rad saray arum a bansa. Natan balet, papasooten yo ray agagi yo ya ilako ray sikaran dili ed sikayo a kapara ran Judio!” Ag makaskasel iray pangulo tan anggapoy nibaga ra.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.

Joel 3:3

Nampapalaranan ira no siopay mangalad saray adakep. Inlalako ran aripen iray ogogaw a lalaki tan bibii, pian walay nibayar dad saray marotak a bibii tan walay nisaliw day alak.

Joel 3:6

Inyaarawi yod dilin dalin da iray totood Juda tan Jerusalem tan inlalako yo rad saray Grigo.

Amos 2:6

Say Katawan kuanto, “Nankakasalanan iray totood Israel, kanyan andi-saew a dusaen ko ra. Ilalako ran aripen iray lalakin matonung ya ag da nabayaray utang da, saray mairap-bilay ya ag da nayarian a bayaran so anggan bili na sankatopag a sandalya.

Amos 3:9

Ibawag mod saray manaayam ed saray palasiod Egipto tan Asdod: “Mantitipon kayod saray pokdul ed kaliber-liber na Samaria, ta nengneng yoy baleg a gewgew tan saray nagagawa a krimin diman.”

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Amos 8:4

Dengel kayod sayan salita, sikayo ran manggagatin ed saray walad pankaukolan tan mandederal ed saray mairap-bilay ed bansa.

Zacarias 5:6

“Anto tan?” tepet ko. Inmebat, “Sakey a baskit ya iriritrato toy kasalanan na intiron dalin.”