Amos 8:3 - Maung A Balita Biblia

³ Diad satan ya agew saray kansion ed palasio et magmaliw a panagugol lapud ermen. Kitongilang ed satan iray bangkay ed anggan iner a pasen. Ibantak da ran anggapoy eseesel.”

Maung a Balita Biblia

³ Diad satan ya agew saray kansion ed palasio et magmaliw a panagugol lapud ermen. Kitongilang ed satan iray bangkay ed anggan iner a pasen. Ibantak da ran anggapoy eseesel.

Amos 8:3 Iomraidhean Croise

Saray Salmo 39:9

Mandeen ak, ag ak mangibalikas na anggan anton salita, ta sikay nanlapwan na sayan paniirap ko.

Isaias 37:36

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus tan walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Jeremias 22:18

Kanyan sirin, say Katawan kuanto nipaakar ed lakin anak nen Josias a si Joakim ya ari na Juda, “Anggapoy manermen ed ipatey to, odino mangikuan, ‘Agayla agik! Agayla! O pinablik ya ari!’ Anggapoy onakis ed sikato, odino oneyag, ‘Katawan ko! O kagalang kon arik!’

Saray Tagleey 2:10

Andi-eseesel ya akayorung ed dalin iray mamasiken ed Jerusalem, Angyan iray dabuk ed kaoloan da tan nankakawes iray sako. Indadakmomo na saray mamarikit ed siudad so kaoloan da ya anggad dalin.

Joel 1:11

Manermen kayo, sikayon dumaralos; akis kayo, sikayon managasikasoy kaubasan, lapud aderal la ray trigo, sibada, on, aderal lan amiy tanaman ed kaalogan.

Joel 1:13

Mankawes kayoy sako tan mannangis kayo, sikayo ran paparin manlilingkur ed altar! Laka yod Timplo tan manermen kayon sanlabi! Anggapoy trigo odino alak a nibagat ed Dios yo.

Joel 1:5

Bangon tan mannangis kayo, sikayon buanges; akis kayo, sikayon mainom na alak; aderal-deral la ray ubas a panggawaay balon alak.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Amos 4:10

“Angyakar ak ed sikayo na salot a singa samay salot ya inyakar kod Egipto. Pinatey kod bakal iray lalakin tobun-balo yo tan inaalak iray kabayo yo. Banget na saray bangkay ed saray kampo yo so impapasingob kod sikayo. Balet siansia nin ag kayo pinmawil ed siak.

Amos 5:16

Kanyan say Katawan a Dios a Makapanyarin-amin kuanto, “Walay nagawan panaagugolan tan panaakisan ed saray dalan. Anggan saray dumaralus natawag iran milamay a kaiba da ray inupaan a milamay.

Amos 5:23

Tondaan yo ray maingal a kanta yo; ag ko labay a dengelen iray togtog na saray arpa yo.

Amos 6:4

Pangaskasiyan so kipapasen yo, sikayon maninat-inat ed saray mabmablin katri yo tan manliliket ed pandorongo yod potahin karniy kilaw na baka tan kordiro!

Amos 6:5

Labalabay yoy manggawa na saray kanta a singa ginawa nen David, tan totogtogen yo ra ed saray arpa.

Amos 6:8

Say Katawan a Dios a Makapanyarin-amin et masimoon ton inter yan pasakbay: “Kabosul koy panagpaatagey da ray totood Israel; kagulak iray ankakabaleg a kaabungan da. Ipalimak ed saray kalaban so manonan siudad da tan amin a bengatlan logan to.”

Amos 8:10

Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.

Nahum 3:3

Ondedepdep iray akakabayo, mankidyam iray ispada tan saray pika! Ag nabilang iray bangkay ya abunbunton— nataktakbaan ira na saray totoo.

Sofonias 1:7

Asingger lay isabi na agew ya onyorung a manintinsia so Katawan, kanyan mandeen kayo ed arap to. Ipaparaan na Katawan ya ibagat iray totoo to tan binagaan to ray kalaban a manamsam ed kayamanan na Juda.