Amos 8:14 - Maung A Balita Biblia

¹⁴ Natumba tan ag la makabangon iray totoon mansasamba ed saray talintaod Samaria a kuanda, ‘Diad ngaran na dios na Dan,’ odino ‘Diad ngaran na dios na Beer-seba.’”

Maung a Balita Biblia

¹⁴ Natumba tan ag la makabangon iray totoon mansasamba ed saray talintaod Samaria a kuanda, Diad ngaran na dios na Dan, odino Diad ngaran na dios na Beer-seba.

Amos 8:14 Iomraidhean Croise

1 Saray Arari 12:32

Ginawa nen Jeroboam a sakey a pista so kumalabinliman agew na kumawalon bulan, kaparay agew a sisilibraan ed Juda. Diad tapew na altar diad Betel nambabagat ed saray bakan balituk a ginawa to, tan angipasen ed Betel na saray papari a manlingkur ed altar a ginawa to.

1 Saray Arari 14:16

Ikaindan na Katawan so Israel, lapud nankasalanan si Jeroboam tan inlagyat ton nankasalanan iray totood Israel.”

1 Saray Arari 16:24

insan to sinaliw na anem a libon pilak ed toon manngaran na Semer so pokdul na Samaria. Pinadir nen Omri imay pokdul, amaalagey na sakey a baley diman, insan to inngaran na Samaria, say ngaran ya inaon ed Semer ya akankien nen saman ed samay pokdul.

2 Saray Arari 10:29

Balet inalig toy kasalanan nen Ari Jeroboam ya angilagyat ed saray Israelita a nankasalanan diad impangigalang dad saray balituk a bakan kalakyan ya impasen to rad Betel tan diad Dan.

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

Saray Salmo 140:10

Napelagan ira komun na saray ampetapetang a ngalab; napelag ira komud aralem ya abut tan ag la ra makaagwat.

Saray Salmo 36:12

Nengneng moy pasen ya abaktaran da ray totoon maoges. Wadman ni ran kibalatar, tan ag ira makabangon.

Probirbio 24:16

Anggan mamimpigay katumba na toon maptek so panagbilay to, ombangon ya ombangon. Balet say toon maoges deral so onsasabid sikato.

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Isaias 24:20

Mandongilngil so dalin a singa sakey ya abuek, mambayes a singa alolung no walay bagyo. Dinetdetan na saray dilin kasalanan to so mundo; natumba, et ag la makabangon.

Isaias 43:17

Insulong tod kadederal iray makapanyarin sondalo, saray sondalon akakarwahi tan akakabayo. Atumtumba ra, et ag la ra makabangon, naandipat iran singa narep a silew na lamparaan!

Jeremias 25:27

Insan inkuan ed siak na Katawan, “Ibagam ed saray totoo a siak, say Katawan a Makapanyarin-amin a Dios na Israel, igaganggan ko ra ya oninom a anggad nabuwek-buwek ira tan manota-ota ra, anggad natumba ra tan ag ira la makabangon lapu ed bakal ya ipadalan kod sikara.

Jeremias 51:64

tan ikuanmo, ‘Onyay nagawa ed Babilonia—onlereg tan ag lan balut makaimwas, lapud deral ya iyakar dia na Katawan.’” Dia mansasamput iray salita nen Jeremias.

Oseas 10:5

Ontakot iray totoon manaayam ed siudad na Samaria tan ermenan day inkabalang na balituk a bakan kalakyan ed Betel. Sikara tan saray paparin manlilingkur ed talintao et nangisan da may inkabalang to. Pandageyeman da so inkaandi na bantug a kagalangan to.

Oseas 13:16

Nepeg a nadusa so Samaria lapud insumpa tod siak. Ompatey ed bakal iray totoo to, nibasig-basig ed dalin iray ogogaw ya ankekelag, tan nabutbutyakan iray malokun a bibii.”

Oseas 13:2

Itutuloy da niy panagkasalanan da diad panggagawa ra na saray mital a talintaoy diriyos a galgalangen da—saray talintaon pilak, a bunga na kanunotan tan say limay too so nanggawa. Insan da kuan, “Mangisaklang kayod sikara na saray bagat.” Panoy iyangub na saray totoo ed saraman a talintaoy diriyos—talintao ran kapara na saray bakan kalakyan?

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Amos 5:1

Dengel kayo, sikayon totood Israel, ed sayan kantan para tolur a kantaen kod sikayo:

Amos 5:2

Atumba la so birhin ya Israel, Ag lan balut makabangon! Ataynan ed dalin, Anggapoy ontulong a mamangon ed sikato.

Amos 5:5

Ag kayo oonlan mangigalang ed Beer-seba. Ag yo ak aanapen ed Betel, ta anggapoy pansumpalan na Betel. Ag kayo oonlad Gilgal, ta pangaskasiyan a nibantak ed arum a bansa iray totoo to.”

Mikias 1:5

Nagawa ra yan amin lapud nankasalanan iray totood Israel tan sinmumpa rad Dios. Siopay natetel ed insumpa na Israel? Say Samaria a dilin manonan siudad! Siopay nankasalanan na pididios ed talintao da ray diriyos diad Juda? Say Jerusalem!

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.

Saray Gawgawa 18:25

Abangatan na nipaakar ed Dalan na Katawan si Apolos, tan makoli-kolin nampupulong tan nambabangat na katwaan a nipaakar ed kinen Jesus. Balet say amta to labat a binyag et say binyag nen Juan.

Saray Gawgawa 19:23

Diad sayan panaon agaway baleg a golo ed Efeso lapud Dalan na Katawan.

Saray Gawgawa 19:9

Balet wala ray anawet so olo ra. Anta ag la ra anisia, pinapaoges da nid arap na amin a totoon wadman so Dalan na Katawan. Kanyan tinaynan ira nen Pablo tan intagar to ray mananisia, tan diad panagbangatan la nen Tirano so nampapaliwawaan ton inagew-agew.

Saray Gawgawa 24:14

Birbiren kod sika a mangigagalang ak ed Dios na saray lalaki mi diad panamegley na itotombuk kod Dalan, ya ipapasen dan sakey a tilatilan sikta. Balet manisia ak met ed amin a nisulat ed Ganggan tan saray libro da ray propita.

Saray Gawgawa 9:2

tan kinmerew na saray sulat a para saray sinagogad Damasco, pian no makalmod man na saray mananombuk ed Dalan et naerel to ra—bibii man o lalaki—tan niakar to rad Jerusalem.

Deuteronomio 33:11

Katawan, tulongan mo pan ombiskeg so tribu ra; Manliket ka pa ed gagawaen da. Temek mo ray amin a kalaban da; Ag mo pa la ran balut papabangonen.”

Deuteronomio 9:21

Inalak imay makapakasalanan a talintaon ginawa yo—samay mital a bakan kalakyan—tan imbontuk kod apoy. Insan ko tinemektemek ya anggad dinmabuk, tan imbantak ko may dabuk ed kolus ya onaagos ed leksab na palandey.