Amos 8:10 - Maung A Balita Biblia

¹⁰ Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.

Maung a Balita Biblia

¹⁰ Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.

Amos 8:10 Iomraidhean Croise

Genesis 21:16

insan to inyorung ed pasen a sakey a siamaploy mitro so kinaarawi to. Inkuantod sikaton dili, “Ag ko nitepel a nengnengen so ipatey na anak ko.” Nen wadman a manyodyorung, ginapwan toy inmakis.

Say Libro nen Job 20:23

Paolyan mon mangan na labalabay to! Diad ontan lan pasnuk na Dios dusaen to.

Say Libro nen Job 3:5

Nakobutan komun na ermen tan makapal a bilonget iman ya agew; nasakuban komun na lorem tan nasaniban so agew.

Say Libro nen Job 30:31

Nen saman maliket a togtog so narerengel ko, balet natan say tanul na ermen tan akis.

Isaias 3:24

Anta mampabalingit ira komun, naboluk ira; anta mambalkes ira komun na balibali, mambalkes iray magasgasal a lobir; anta marakerakep komun so buek da, nakiskisan so olo ra; anta mankawes ira komun na marakerakep, lupot so ikawes da; magmaliw a makapabaing so ganggana ra!

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Jeremias 48:37

Kinikiskisan dan amin so olo ra tan pinopotut day balbas da. Sinasalger day kalimaan da tan nankakawes na sako so balang sakey ed sikara.

Jeremias 6:26

Say Katawan kuanto ed saray totoo to, “Mansolung kayoy sako tan mantolin-tolin kayod dapul. Manermen kayon singa panermen yod saksakey ya anak yon laki, akis kayo na ampaipait, ta biglan dogpaan kayo na manderal ed sikayo.

Saray Tagleey 5:15

Naandi lad bilay mi so gayaga; ermen so sinmalat ed saray panagsayaw mi.

Ezekiel 7:18

Mankawes iray sako lapud ermen tan ompayegpeg so intiron laman. Nakiskisan so kaoloan da tan napelag iran amin ed kababaingan.

Ezekiel 7:2

Inkuanto, “Sika a toon ompatey, sikato yay ibabagak ed dalin na Israel, siak a Katawan a Dios: Sikato yay pansamput na intiron dalin!

Oseas 2:11

Patondaen kon amin iray pista to—saray pista ton binulan tan tinaon, say panagngilin tod Agew na Panagpainawa tan amin da ray tinandaan a pista.

Oseas 2:13

Dusaen ko lapud saray panaon ya inkaindan to ak, ta nampopool ed Baal na insinso tan insosolung to ray alahas pian naayat to ray kainarowan to. Say Katawan so nansalita.

Joel 1:8

Akis kayon singa sakey a marikit a nanangisan toy impatey na nubio to.

Levitico 13:40

No say sakey a too et ayangyangan ed beneg na olo to odino diad arap na olo to, sikatoy aliwan marotak no ag ta yangyangan labat.

Amos 5:21

Say Katawan kuanto, “Kabosul ko ray pista yo; ag ak manliket ed sikara!

Amos 5:23

Tondaan yo ray maingal a kanta yo; ag ko labay a dengelen iray togtog na saray arpa yo.

Amos 8:3

Diad satan ya agew saray kansion ed palasio et magmaliw a panagugol lapud ermen. Kitongilang ed satan iray bangkay ed anggan iner a pasen. Ibantak da ran anggapoy eseesel.”

Nahum 1:10

Napoolan kayo a singa kapoolan na saray alokut-lokut a sabitan tan amagaan a dayami!

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Deuteronomio 16:14

Manliket kayo a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo.