Amos 7:8 - Maung A Balita Biblia

⁸ Tinepet tod siak, “Amos, antoy sankanengneng mo?” “Sakey a patawin,” ebat ko. Insan inkuantod siak, “Ikakanak yan patawin ta labay kon ipanengneng ed saray totook a singa ra sakey a padir ya aliway patawin to. Ag ko la omanen lamet so kanunotan ko diad panusak ed sikara.

Maung a Balita Biblia

⁸ Tinepet tod siak, Amos, antoy sankanengneng mo? Sakey a patawin, ebat ko. Insan inkuantod siak, Ikakanak yan patawin ta labay kon ipanengneng ed saray totook a singa ra sakey a padir ya aliway patawin to. Ag ko la omanen lamet so kanunotan ko diad panusak ed sikara.

Amos 7:8 Iomraidhean Croise

2 Saray Arari 21:13

Dusaen koy Jerusalem a singa ginawak ed Samaria, a singa ginawak ed kinen Ari Acab na Israel tan saray kabyangay boleg to. Pataynanen ko ray totood Jerusalem, et magmaliw a malinis a singa platon pinonasan tan impatikleb.

Isaias 28:17

Say inkatonung so mitro a panukat ed samay pundasion, tan say kaptekan so patawin to.” Say oran a kristal so mangyanur ed saray tilan panmamatalkan yo, tan deralen na delap so salimbengan yo.

Isaias 34:11

Saray kulayot tan saray wawak la so onsalat a manayam ed saman a dalin. Say Katawan pagmaliwen ton bunton na deral-deral tan kitongilang ya amiy ganagana.

Jeremias 15:6

Impolisay yo ak, sikayon totoo; imbeneg yo ak. Kanyan inyonat ko ray limak, tan kinabil ta kayo, lapud naoputan ak lay anos ed sikayo.

Saray Tagleey 2:8

Peteg a ginetma na Katawan a nageba ray padir na Sion; Sinukat to ray padir, pian andi-saew a naderal to ran amin. Aderal-deral lan amin natan iray tori tan saray padir.

Oseas 1:6

Nanlokun lamet si Gomer tan nananak na sakey a bii. Say Katawan kuantod kinen Oseas, “Ingaran mo so anak mo na “Ag naaro,” ta ag ko la aroen iray totood Israel odino pirdonaen ira.

Amos 7:7

Walay sananey ya impasingayew na Katawan ed siak. Diad sayan pasingayew anengneng koy Katawan a manalalagey ed abay na padir a pinatawinan nen impaalagey, tan sankabembenan toy sakey a patawin.

Amos 8:2

Tinepet na Katawan, “Amos, antoy nanenengneng mo?” “Sakey a baskit a napno na saray prutas.” ebat ko. Say Katawan kuantod siak, “Sinmabi la so anggaan da ray totook ed Israel. Ag ko la omanen so kanunotan ko nipaakar ed panusak ed sikara.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Zacarias 4:2

Tinepet ko, “Antoy nanenengneng mo?” Inmebat ak, “Balituk a panangipatoonan na lamparaan. Diad tapew to walay sakey a yaung a pananginay larak. Walay pitoran lamparaan ed samay panangipatoonan, tan balang sakey et walay pitoran pananginay pabilo.

Zacarias 5:2

Tinepet na samay anghil no antoy anengneng ko. Inmebat ak, “Sakey a nilokut a babasaen ya ontitikyab ed tagey; siamiran mitroy karokey to tan apatira tan kapalduan mitroy kaawang to.”