Amos 7:3 - Maung A Balita Biblia

³ Inoman na Katawan so kanunotan to kanyan inkuanto, “Ag nagawa so anengneng mo.”

Maung a Balita Biblia

³ Inoman na Katawan so kanunotan to kanyan inkuanto, Ag nagawa so anengneng mo.

Amos 7:3 Iomraidhean Croise

Genesis 6:7

inkuanto, “Paandipaten kod tapew na dalin ira yan totoo a pinalsak, saray ayayep, tan saray manok, ta maermen ak ed impamalsak ed sikara.”

1 Saray Awaran 21:15

Say Dios angibaki na sakey ya anghil a maneral ed Jerusalem, balet angoman na kanunotan tan kuantod samay anghil, “Tondaan mo la! Duga la tan!” Manalalagey imay anghil ed abay na panagilikan nen Arauna a Jebuseo.

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.

Saray Salmo 78:38

Balet say Dios mapangasid saray totoo to. Pinirdona to ray kasalanan da tan ag to ra pinatey. Naynay a pinokpokan toy pasnuk to, tan pinabetel toy petang na olo to.

Saray Salmo 90:13

Katawan, kapigan so itonday pasnuk mo? Kasian mo kami pan aripen mo!

Exodo 32:14

Lapud saya say Katawan angoman na kanunotan tan ag to la impadalan ed saray totoo to so deral a ginetma to lan gawaen.

Jeremias 26:19

Ag pinatey nen Ari Ezekias tan saray totoo to si Mikias. Ingen tinakotan nen Ezekias so Katawan tan nala to so maung a linawa to. Diad onman angoman so Katawan ed kanununotan ton manderal ed sikara. Balet sikatayo, ngalngali ti la iyakar so baleg a deral ed sikatayon dili.” (

Jeremias 42:10

‘No labay yoy mansiansian manayam ed sayan dalin, iletneg ta kayo; ag ta kayo deralen; itanem ta kayo ya aliwan baguten. Akapaermen na mapalalo ed siak so deral ya inyakar kod sikayo.

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Joel 2:13

Ipapuso yoy panermen yo; aliwan masarag so pampilat yod kawes yo.” Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Joel 2:14

Angangko mangoman a kanunotan so Katawan a Dios yo tan bindisionan to kayo na daakan iran bungay tanaman. Diad satan nayarian yoy mangibagat ed sikato na trigo tan alak.

Amos 5:15

Bosul yoy kaogsan, aro yoy kamaungan, et nanengneng yod satan ed saray korti ya ontalona so katonungan. Angangko kasian na Katawan iray totoon atilak nin mabilay ed sayan bansa.

Amos 7:6

Inoman lamet na Katawan so kanunotan to, kanyan kuanto, “Ag met ya nagawa!”

Jonas 3:10

Anengneng na Dios so ginawa ra; anengneng ton imbebeneg da ray maoges a kagagawa ra. Kanyan angoman na kanunotan, et ag to la intuloy imay imbaga ton panusa tod sikara.

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Santiago 5:16

Kanyan mampapatwaan kayo ray kasalanan yo, tan mampipikasiyan kayo, pian onabig kayo. Dakel so nagawaay pikakasi na toon matonung.