Amos 7:2 - Maung A Balita Biblia

² Anengneng kon inaakan na saray dorun iray amin a dikan tinmutubo ed dalin. Insan inkuanko, “Katawan a Dios, pirdonam pa ray totoom! Panoy kilaban da? Makapoy tan daiset ira!”

Maung a Balita Biblia

² Anengneng kon inaakan na saray dorun iray amin a dikan tinmutubo ed dalin. Insan inkuanko, Katawan a Dios, pirdonam pa ray totoom! Panoy kilaban da? Makapoy tan daiset ira!

Amos 7:2 Iomraidhean Croise

Saray Salmo 12:1

Tulongan mo kami pa, Katawan! Anggapo lay maung a toon atilak; naandipat la ray totoon napanmatalkan.

Exodo 10:15

Kinobutan day intiron dalin ya anggad andeket so nengneng to; binuag day amin a bengatlan ag aderal na oran a kristal, pati amin a bungay kakiewan. Anggapoy atilak a birdi ed anggan dinan a kiew odino tanaman ed intiron dalin na Egipto.

Exodo 34:9

Inkuantod, “Katawan, no talagan makaliliket kad siak, kerewen kod sikan mila kad sikami. Anawet so olo na sarayan totoo, balet pirdonam pa ray kaogsan tan kasalanan mi, tan awat mo kami a totoom.”

Isaias 37:4

Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to ra may nansalita. Kanyan ipikasim pad Dios iray nakdaan a totoo tayo.”

Isaias 51:19

Duaran deral so dinmalan ed sika: dineral na bakal so dalin mo tan naerasan iray totoom. Anggapoy siopaman a mangabagey ed sika.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Jeremias 42:2

tan kuanda, “Gawam pay kerewen mid sika! Ipikasi mo kami pa ed Katawan a Dios tayo. Ipikasi mo kami pa ran atilak dian mabilay. Amayamay kami ni nen saman balet dagdaiset kami la natan, a singa nanenengneng mo.

Ezekiel 11:13

Legan kon mampropropisiya, inatey si Pelatia. Intikleb kod dalin tan ineyag ko, “O Katawan a Dios, pateyen mon amin iray totoon atilak ed Israel?”

Ezekiel 9:8

Legan a nagagawa so pampapatey, wadman ak a mambukbukor. Intiblak ko, insan ko ineyag, “Katawan a Dios, diad ontan lan pasnuk mod Jerusalem pateyen mon amin iray totoon atilak ed Israel?”

Daniel 9:19

Katawan, dengel mo kami pa. Katawan, pirdona mo kami pa. Katawan, talineng mo kami pa tan galaw ka pa! Ag ka pa manaabala, O Katawan, pian naamtaan na amin a totoo a sika so Dios! Kayaryan mo yan siudad tan sarayan totoo.”

Joel 2:17

Nepeg ya onakis tan mampikasi iray paparin manlilingkur ed nanleetan na altar tan say lolooban ed Timplo: “Katawan, kasian mo pa ray totoom. Ag mo pa iyaabuloy a balawen tan ludlureyen kami na arum a bansa diad pangikuan da, ‘Kawalaan na Dios yo?’”

Amos 4:9

“Angibaki ak na ampetapetang tan makasinit a dagem, pian namagaan iray tanaman yo. Inooput na dorun iray amin a tanaman ed tanamanan yo tan diad saray kaubasan yo; inooput da ray kakiewan yon igos tan oliba. Balet siansia nin ag kayo pinmawil ed siak.

Amos 7:5

Insan inkuanko, “Patondam pa, Katawan a Dios! Panoy kilaban da ray totoom? Makapoy tan daiset iran tuloy!”

Puyan 9:4

Nibilin ed sikara ya ag da dederalen iray mabonan karikaan ed dalin, saray kiew, o antokaman a tanaman. Say nayarian dan deralen labat et saray totoon anggapoy marka na muling da.