Amos 7:17 - Maung A Balita Biblia

¹⁷ Lapud saya, Amasia, say Katawan kuantod sika. ‘Magmaliw a marotak a bii ed siudad so asawam tan napatey ed bakal iray anak mo. Naapag-apag so dalin mo tan niiter irad saray arum a totoo, tan napatey kad bansa da ray pagano. Andi-saew a saray totood Israel et naala rad dilin bansa ra tan nibantak irad arum a bansa.’”

Maung a Balita Biblia

¹⁷ Lapud saya, Amasia, say Katawan kuantod sika. Magmaliw a marotak a bii ed siudad so asawam tan napatey ed bakal iray anak mo. Naapag-apag so dalin mo tan niiter irad saray arum a totoo, tan napatey kad bansa da ray pagano. Andi-saew a saray totood Israel et naala rad dilin bansa ra tan nibantak irad arum a bansa.

Amos 7:17 Iomraidhean Croise

2 Saray Arari 17:6

a sikatoy kumasyam a taon na panooley nen Oseas, adakep na impirador na Asiria so Samaria; inawit tod Asiria iray Israelitan adakep to, insan impanayam to ray arum ed siudad na Hala, saray arum diad asingger ed Ilog na Habor diad distrito na Gozan, tan saray arum diad saray siudad na Media.

Saray Salmo 78:55

Pinataynan to ray totoon manaayam diman nen mankukurang iray totoo to; inapag toy dalin ed saray tribu na Israel, tan inter tod saray totoo to iray panaayaman da.

Isaias 13:16

Legan ya ibabasig na saray kalaban da iray mansususon anak da, aakokosen da ray kayaryan dad abung da, tan papasooten da ray kaasawaan da, mamambantay ira labat ta anggapoy nagawaan dan mangyagel.”

Isaias 22:18

Demeten to kan singa bola, insan to ka itupak ed maawang ya alog. Ompatey kad man ed abay na saray mararakep a karwahim ya ikikinon mo. Sikay mangiter na kababaingan ed pamilyay amom.

Jeremias 14:16

Saray totoon angibagaan dad sarayan bengatla et napatey met ira ed panamegley na bakal tan eras. Nibantak ed saray dalan na Jerusalem iray bangkay da, tan anggapoy toon mangipompon ed sikara. Nagawa ya ed sikaran amin—pati saray kaasawaan da, saray lalakin anak da, tan saray bibiin anak da. Pambayaren ko rad saray kaogsan da.”

Jeremias 20:6

Nipaakar ed sika, Pasur, tan amin da ray kabyangay pamilyam, nadakep tan niakar kayod Babilonia. Ompatey tan nipompon kayod man ya amin a pati amin a kakaarom a tinitilaan mo.’”

Jeremias 28:12

Ag abayag kayari to ya, inkuan na Katawan ed siak

Jeremias 28:16

Kanyan, ibabagay Katawan a paandipaten to ka. Ompatey kad sayan taon, ta imbagam ed saray totoo ya onlaban irad Katawan.”

Jeremias 29:21

“Say Katawan a Makapanyarin-amin a Dios na Israel nansalita na nipaakar ed kinen Acab a lakin anak nen Colaya tan si Sedekias a lakin anak nen Maasias a titilaan da kayo ed ngaran to. Imbaga na Katawan, ya ipalima to rad pakayari nen Ari Nabucodonosor na Babilonia a mangipapatey ed sikarad arap yo.

Saray Tagleey 5:11

Diad dilin Palandey na Sion apasoot iray kaasawaan mi; diad saray bario na Juda nalnalay inkabii da ray mamarikit mi.

Ezekiel 4:13

Say Katawan kuanto, “Onya naani so pangan na saray Israelita ed saray kakanen ya isesebel na Ganggan, no itaytayak ko rad saray arum a bansa.”

Oseas 9:3

Ag mansiansian manayam ed dalin na Katawan iray totood Israel, no ag ingen nepeg ya ompawil irad Egipto tan diad Asiria nepeg a mangan iray kakanen a marotak onung ed ganggan.

Amos 6:7

Lapud saya sikayo so ononan nibantak ed arum a bansa. Mangangga la ray pista yo tan saray ankakabaleg a ponsia yo.

Amos 7:11

Saya so kuanto: ‘Ompatey ed bakal si Jeroboam, tan saray totood Israel naala rad dilin bansa ra tan nibantak irad arum a bansa.’”

Amos 8:1

Walay sananey ya impasingayew ed siak na Katawan a Dios. Diad sayan pasingayew anengneng koy sakey a baskit a napno na saray bungay kiew.

Amos 9:1

Anengneng koy Katawan a manalalagey ed abay na altar. Ingganggan to: “Maso yo ray toktok a lusek na Timplo, pian nayegyeg so pundasion. Igeba-geba yod kaoluan da ray totoo. Pateyen kod bakal iray nakdaan a totoo. Anggapod sikaray makaarawi; anggapoy anggan sakey a makabatik ed sikara.

Amos 9:8

Siak, say Katawan a Dios, et babantayan ko yan makasalanan a nanarian na Israel, tan deralen kod tapew na dalin. Balet ag ko deralen ya amin iray kabyangay boleg nen Jacob.

Mikias 1:16

Sikayo ran totood Juda, katlian yo ray buek yo diad pangipanengneng yoy kaermenan yo, lapud saray inararo yon anak. Kiskisan yoy kaolowan yo a singa saray buitri, lapud naalad sikayo ray anak yo tan nibantak irad arum a bansa.

Zacarias 14:2

Pankakasakeyen na Katawan iray bansa a mibakal ed Jerusalem. Nadakep so siudad, nasamsaman iray kaabungan, tan napasoot iray bibii. Nibantak ed arum a bansa iray kapalduan totoo, balet ag nipaway ed siudad iray arum a totoo.