Amos 7:15 - Maung A Balita Biblia

¹⁵ Balet say Katawan inekal to ak ed kimey kon pumapastol tan ingganggan to ya onla ak a mampropisiya ed saray totoo ton Israel.

Maung a Balita Biblia

¹⁵ Balet say Katawan inekal to ak ed kimey kon pumapastol tan ingganggan to ya onla ak a mampropisiya ed saray totoo ton Israel.

Amos 7:15 Iomraidhean Croise

2 Samuel 7:8

“Kanyan ibagam ed aripen kon David a siak, say Katawan a Makapanyarin-amin, kuankod sikato, ‘Inekal ta kad panagpastol moy karniro ed kaalogan, insan ta ka ginawan manoley ed saray totook ya Israel.

1 Saray Arari 19:19

Tinmaynan si Elias, insan asabi toy Eliseo a mambabaka a kaiba toy olup na pigaran baka; walad onaan to ray labinsakey ya olup, tan pambabaka toy mikalabinduan olup. Sininggeran nen Elias, insan to inkolibemben ed kinen Eliseo so kolibemben to.

Jeremias 1:7

Balet inkuan na Katawan ed siak, “Ag mo ibabagan ogaogaw ka; ingen, lakad saray totoon pangibakian kod sika, ta ibagam ed sikaray amin ya igaganggan kod sika.

Jeremias 26:12

Insan inkuanko, “Imbaki ak na Katawan a mampropisiya nipaakar ed amin a nadngel yo sumpad sayan Timplo tan sumpad sayan siudad.

Amos 3:8

No ongwam so lion, siopay ag ontakot? No mansalita so Katawan a Dios, siopay makapangitepel ya ag to ibawag so salitay Dios?

Mateo 9:9

Inmalis si Jesus manlapud saman a lugar. Nen manaakar anengneng toy Mateo, sakey a sumisingil na buis, ya akayorung ed opisina to. Inkuanen Jesus ed sikato, “Tombuk kad siak.” Inmalagey si Mateo tan akilad sikato.

Saray Gawgawa 1:8

Balet naitdan kayoy pakayari no onsabid sikayoy Ispiritu Santo, tan magmaliw kayon tasik ed Jerusalem, diad intiron Judea tan Samaria, tan diad amin a sokung na mundo.”

Saray Gawgawa 4:20

Ta ag mi nayarian ya ag ibalitay anengneng tan nadngel mi.”

Saray Gawgawa 5:20

“Laka yod Timplo tan ipulong yod may nipaakar ed sayan balon panagbilay.”

1 Samuel 10:11

Saray totoon makaamtad sikato nen saman nantetepetan ira, “Antoy agawad anak nen Cis? Nagmaliw ta lan sakey a propita si Saul?”