Amos 7:12 - Maung A Balita Biblia

¹² Insan inkuanen Amasias ed kinen Amos, “Tonda ka la, propita! Pawil ka lad Juda tan diman ka la mampulong. Pabayaran kad sikarad man ed pampulong mo.

Maung a Balita Biblia

¹² Insan inkuanen Amasias ed kinen Amos, Tonda ka la, propita! Pawil ka lad Juda tan diman ka la mampulong. Pabayaran kad sikarad man ed pampulong mo.

Amos 7:12 Iomraidhean Croise

2 Saray Awaran 16:10

Lapud saya mapalaloy pasnuk nen Asa ed samay propita tan impagolung-golungan to. Diad sayan panaon met, ginapwan nen Asa a pinapairap iray arum a totoo.

Isaias 30:10

Ibabaga rad saray propita a mandeen ira. Kuanda, “Ag yo sasalitaen ed sikamiy nipaakar ed kaptekan. Ibaga yod sikamiy labay min dengelen. Pansiasia yod sikami ray balibali ran kogip.

Isaias 56:11

Singa ra masisiban aso ya ag balut napepesel. Anggapoy pakatalus da ra yan pangulo. Gagawaen na balang sakey ed sikara so labay to tan say dilin pankaabigan to so aanapen to.

Ezekiel 13:19

Papabaingan yo ak ed arap na saray totook, pian makala kayo labat na sankaakup a sibada tan pigaran tinapay. Papateyen yo ray totoon ag da kanepegay ompatey, tan pansiasiansiaen yon mabilay iray totoon ag da kanepegay mambilay. Kanyan titilaan yo ray totook, et manisia rad sikayo.”

Amos 2:12

Balet pinainom yo na alak iray Nazareo tan ingganggan yo ray propita ya ag da ipulong iray salitak.

Amos 7:11

Saya so kuanto: ‘Ompatey ed bakal si Jeroboam, tan saray totood Israel naala rad dilin bansa ra tan nibantak irad arum a bansa.’”

Malakias 1:10

Say Katawan a Makapanyarin-amin kuanto, “Oy la komun, ta sakey ed sikayo so mangisarad saray kaput na Timplo, pian anggapod sikayoy manelsel na andi-kakanaan ya apoy ed altar ko. Ag ak makaliliket ed sikayo; ag ko awaten iray bagat ya iyaakar yod siak.

Mateo 8:34

Kanyan linma ray amin ya ombaley a mangabet ed kinen Jesus. Nen anengneng da, kinerew dad sikaton ontaynan lad lugar da.

Lucas 13:31

Sinmabi met ed saman ya oras iray pigaran Pariseo tan inkuandad kinen Jesus, “Taynan ka dia, ta labay to kan papatey nen Herodes.”

Saray Gawgawa 16:39

Kanyan linma ra, tan akikerew iray pirdonad sikara. Impaway da rad prisowan, insan da kinerew ya ontaynan la ra.

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

1 CORINTO 2:14

Ta say toon anggapod sikatoy Ispiritu ag to awaten iray bengatlan iter na Ispiritu na Dios. Diad tuay tua, ag to ra natalusan; anggapoy kabaliksan da ra yad sikato, ta saray maispiritun bengatla natalusan ira labat diad panamegley na maispiritun panagnunot.

1 Pedro 5:2

pastolan yoy poluk da ray karniro na Dios ya impalima tod sikayo. Asikaso yon mabolbolus onung ed linaway Dios, aliwan diad pasootan. Gawa yoy kimey yo, aliwa labat a lapud pangawat yoy bayar, no ag ingen lapud liket yon manlingkur.

1 Samuel 2:36

Siopaman ed saray kabyangay pamilyam so mansiansian mabilay et nakaukolan ya onlan mikerew ed sayan pari na kuarta tan say nakan, tan onkerew na abuloy ya ontulong ed saray papari, pian nawalaan na pambilay.’”

1 Samuel 9:9

Inmebat si Saul, “Maung itan! Tala.” Kanyan linma rad baley a panaayaman to may masanton too. Nen ontatatdang iran onlad baley, nabet da ray pigaran bibii ya onlan onasul. Tinepet dad saramay bibii, “Wadya may managparles?” (Diad saman a panaon, managparles so tawag dad sakey a propita, kanyan no walay malabay ya ontepet ed Dios, ikuanto, “Onla tayod managparles.”)