Amos 6:8 - Maung A Balita Biblia

⁸ Say Katawan a Dios a Makapanyarin-amin et masimoon ton inter yan pasakbay: “Kabosul koy panagpaatagey da ray totood Israel; kagulak iray ankakabaleg a kaabungan da. Ipalimak ed saray kalaban so manonan siudad da tan amin a bengatlan logan to.”

Maung a Balita Biblia

⁸ Say Katawan a Dios a Makapanyarin-amin et masimoon ton inter yan pasakbay: Kabosul koy panagpaatagey da ray totood Israel; kagulak iray ankakabaleg a kaabungan da. Ipalimak ed saray kalaban so manonan siudad da tan amin a bengatlan logan to.

Amos 6:8 Iomraidhean Croise

Genesis 22:16

“Sambaan kod dilin ngaran ko—say Katawan so mansasalita—a bindisionan ta ka na amayamay a kaabigan. Lapud ginawam ya, tan ag mo insiblet ed siak so bogbogtung ya anak mo,

Saray Salmo 106:40

Kanyan amasnuk so Katawan ed saray totoo to; naingungotan ed sikara.

Saray Salmo 47:4

Pinili toy dalin a panaayaman tayo natan, say ikikinun a kayaryan na saray totoon inaro to.

Saray Salmo 50:12

“No bilang naerasan ak ag ak mialad sikayoy kanen ko, ta kien koy mundo tan amin a logan to.

Saray Salmo 78:59

Say Dios akapasnuk nen anengneng to ya, kanyan impolisay ton sigput iray totoo to.

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Isaias 28:1

Pangaskasiyan so nanarian na Israel! Onkukupas so kagalangan to a singa koronan rosas ya akatoon ed olo da ray abuek a pangulo to. Dugad pabalingit iray kaoloan da, balet kidokul-dokul ira lapud mapalalon inkabuek da.

Jeremias 12:8

Saray totoon pinilik sinumpa da ak; singa ra lion ed katakelan nangwam irad siak, kanyan kabosul ko ra.

Jeremias 22:14

Pakaskasi so toon mangikuan, “Mamaalagey ak na baleg ya abung, a wala ray maawang a kuarto tod tagey.” Kanyan ininan to na saray bintana imay abung to, diningding to na tablan sidro, tan pinintaan to na ambalanga.

Jeremias 22:5

Balet no ag yo onuren iray salitak, sambaan kod sikayo a nageba yan palasio. Siak, say Katawan, so nansalita.

Jeremias 44:26

Balet natan dengel kayod samba, a siak a Katawan et ginawak diad makapanyarin ngaran ko ed sikayon amin ya Israelita a walad Egipto: Ag ko lan balut abuloyan so siopaman ed sikayo a mangikanay ngaran ko diad pansamba to a kuanto, ‘Nitay Katawan a Dios a mabilay!’

Jeremias 49:13

Sinambaan kon dili a say siudad na Bozra et magmaliw a makapataktakot a nengnengen tan sakey ya andi-kakanaan; ludlureyen na saray totoo tan ikana ray ngaran to a sakey a samba. Ando lan andon naderal iray kaliber-liber ton baley. Siak, say Katawan, so nansalita.”

Jeremias 51:14

Say Katawan a Makapanyarin-amin et sinambaan tod sikaton dili a mangyakar na amayamay a lalakin ondogpa ed Babilonia a singa ra dakerakel a dorun, tan iyeyag day panalo ra.

Saray Tagleey 2:5

Nagmaliw a singa sakey a kalaban so Katawan, dineral toy Israel; Dinederal to ray tirinsira tan saray palasio na Israel. Angiter na ag manganggan kaermenan ed saray totood Juda.

Ezekiel 24:21

a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Oseas 11:6

Ondalan ed saray siudad da so bakal tan nageba ray puirta na siudad da. Deralen na bakal iray totook lapud gagawaen da so abaloan dan sankamaungan.

Levitico 26:11

Manayam ak ed kawalaan yo diad masanton Tuldak tan ag ta kayon balut ipolisay.

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

Amos 3:10

Say Katawan kuanto, “Sarayan totoo et papanoen da ray ankakabaleg ya abung da na saray bengatlan sinasamsam da tan tinatakew da. Ag da amtay manggaway kaptekan.

Amos 3:11

Lapud saya liktuben na kalaban so dalin da, deralen da ray tirinsira ra, tan samsaman da ray ankakabaleg a kaabungan da.”

Amos 4:2

Diad inkatonung na Katawan a Dios insipan to, “Onsabi ray agew a gayugoyen da kayon amin a singa siran atagaan.

Amos 5:21

Say Katawan kuanto, “Kabosul ko ray pista yo; ag ak manliket ed sikara!

Amos 8:3

Diad satan ya agew saray kansion ed palasio et magmaliw a panagugol lapud ermen. Kitongilang ed satan iray bangkay ed anggan iner a pasen. Ibantak da ran anggapoy eseesel.”

Amos 8:7

Say Katawan a Dios na Israel sinambaan to, “Ag kon balut nalingwanan iray maoges a gagawaen da.

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Deuteronomio 32:19

“Nen anengneng na Katawan yan ginawa ra, akapasnuk tan impolisay to ray anak ton lalaki tan bibii.