Amos 6:6 - Maung A Balita Biblia

⁶ Saray bason ankabaleg so paniinoman yod saray alak tan sankabalingitan a pabalingit iray ipopoyuk yo, balet ag yo eermenan so kaderal na Israel.

Maung a Balita Biblia

⁶ Saray bason ankabaleg so paniinoman yod saray alak tan sankabalingitan a pabalingit iray ipopoyuk yo, balet ag yo eermenan so kaderal na Israel.

Amos 6:6 Iomraidhean Croise

Genesis 49:22

“Si Jose et singa sakey ya asnod katakelan a walad gilig na sobul, Sakey a kilaw na kabayo a walad alusadsar na palandey.

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

Ester 3:15

Lapud ganggan na ari nipaamtad saray totood Susa, say manonan siudad imay ganggan. Saray ibabaki impasabi rad saray luyag so balita. Naninoman so ari tan si Haman, legan a nagegewgew so intiron siudad na Susa.

Isaias 28:1

Pangaskasiyan so nanarian na Israel! Onkukupas so kagalangan to a singa koronan rosas ya akatoon ed olo da ray abuek a pangulo to. Dugad pabalingit iray kaoloan da, balet kidokul-dokul ira lapud mapalalon inkabuek da.

Isaias 5:12

Diad saray pista yo wala ray arpa, pandirita, tan plauta tan alak. Balet ag yo natatalusan so gagawaen na Katawan.

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato— sikatoy panaon a kagunigon na saray totook, balet nayarian dan agwantaan.”

Ezekiel 9:4

“Lakad intiron siudad na Jerusalem, ta markaan moy muling na balang sakey a toon maermen tan magunigon, lapud amin a makapaingungot a nagagawad siudad.”

Oseas 3:1

Say Katawan kuantod siak, “Laka lamet, ta arom iman a biin mikakalugoran ed sakey a laki. Nepeg mon aroen a singa panangarok ni ed saray totood Israel, anggaman a sinmingger irad arum a diriyos tan labalabay day mangyapay na saray bagat a pasas ed saray talintaoy diriyos.”

Amos 2:8

Diad inerman a pasen a panangigalangan saray lalaki et onoogip iran akasolung ed laman da so kawes ya impotikad sikara na saray mairap-bilay lapud utang. Diad dalem na timplo na Dios da maniinom iray alak ya inaala rad saray akautang ed sikaray kuarta.

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Juan 12:3

Angalay Maria na sakey botilyan nankargay sakey libran mabmablin pabalingit a puron nardo. Inkalbo tod saray sali nen Jesus, insan to ra pinonasan na buek to. Kinmayat so balingit ed intiron abung.

Saray Taga Roma 12:15

Miliket kayod saray manliliket, tan minangis kid saray mannanangis.

1 CORINTO 12:26

No apasakitay sakey a kabyangan, nalikna ran amin. No apagalangay sakey a kabyangan, naliketan iran amin.

1 Timoteo 5:23

Aliwan danum labat so inomen mo; inom ka met na daiset ya alak, ta makatulong yad panonaw na kakanen mo tan say naynay a pansasakit mo.