Amos 6:3 - Maung A Balita Biblia

³ Ag yo birbiren ya onsasabi so agew na deral, balet say gagawaen yo papaganoen yoy isabi na saman ya agew.

Maung a Balita Biblia

³ Ag yo birbiren ya onsasabi so agew na deral, balet say gagawaen yo papaganoen yoy isabi na saman ya agew.

Amos 6:3 Iomraidhean Croise

Saray Salmo 94:20

Ag mo pibabalian iray maoges a huis, ya ipapasen dan onung ed ganggan so bengatlan aliwan matonung,

Ecclesiastes 8:11

Akin et maininomay a manggaway kaogsan iray totoo? Lapud ag nadudusan tampol so kaogsan.

Isaias 47:7

Abaloan mo a sika lawas so riyna, tan ag mo inngalngalep ira yan bengatla; ag mo anggan ninunot no kapigay pangangga ra.

Isaias 56:12

Sarayan bueken kuanda, ‘Mangala tayoy alak tan maninom tayoy laba-labay tayo! Nabwas lalon maliket tayo, ta dakel niy alak a nainom tayo nen say natan.’”

Saray Tagleey 4:5

Ompapatey ed eras diad saray dalan iray totoon gendat a maung so kakanen da; manaanap ed basuraan na napambilay da iray totoon binmaleg ed inawa.

Ezekiel 12:22

Inkuanto, “Sika a toon ompatey, akin et ooliten na saray totood Israel ya ibaga yan probirbio: ‘Ondadalan so panaon, et ag nasusumpal iray pasakbay’?

Ezekiel 12:27

“Sika a toon ompatey, dengel moy ibagak. Abaloan na saray Israelita a mabaybayag nin nasumpal iray pasingayew tan saray pasakbay mo.

Ezekiel 23:42

Sankarengel so tanul na olup na karaklan a magologolo, sakey ya olup na lalakin niyakar a nanlapu rad kalawakan. Insolung dad saray taklay da ra may bibii iray pulsiras tan intoon dad olo ra iray marakep a korona.

Amos 3:10

Say Katawan kuanto, “Sarayan totoo et papanoen da ray ankakabaleg ya abung da na saray bengatlan sinasamsam da tan tinatakew da. Ag da amtay manggaway kaptekan.

Amos 3:9

Ibawag mod saray manaayam ed saray palasiod Egipto tan Asdod: “Mantitipon kayod saray pokdul ed kaliber-liber na Samaria, ta nengneng yoy baleg a gewgew tan saray nagagawa a krimin diman.”

Amos 5:12

Amtak iray ambelat a kasalanan yo tan saray dakerakel a ginagawa yon kaogsan. Pinapairap yo ray maung a totoo, nanaawat kayoy pasoksok, tan sinesebelan yo ray mairap-bilay diad pakagamur day katonungan ed saray korti.

Amos 5:18

Pangaskasiyan so kipapasen yo, sikayo ran mampilalek ed isabi na agew na Katawan! Antoy kaabigan a niiter ed sikayo na saman ya agew? Para sikayo, saman ya agew et agew na kabilongetan, aliwan agew nan liwawa.

Amos 6:12

Ombatik kasid baton-dampay iray kabayo? Pambaka kasi na totoo ed dayat iray baka? Balet impagmaliw yon samal so katonungan, tan pinekewet yoy kaptekan.

Amos 9:10

Napatey ed bakal iray makasalanan a totook—amin da ray mangibabagay, ‘Ag iyabuloy na Dios a napasakitan itayo.’”

Mikias 6:12

Saray mamayaman a totoo yo et papairapen da ray mairap-bilay, tan matila kayon amin.

Mateo 24:48

Balet no maoges yan aripen ikuantod sikaton dili, ‘Mabayag nin onsabiy amok!’

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

2 Pedro 3:4

Ikuanda, “Ag ta insipan nen Cristo ya ompawil? Kawalaan to ey? Inatey la ray atateng tayo, balet anggapo niy angomanay amin a bengatla nanlapud inkapalsay mundo!”

Puyan 18:17

Diad loob na sakey oras labat, naandipat ira yan amin a kayamanan!” Manalalagey ed arawi iray kapitay barko tan saray pasahiro, saray mariniro tan saray arum a totoon diad dayat so panlalapway pambibilay da,